မေန႔ကေတာ့ စေနေန႔ညရဲ႕ ပရီးမီးယားလိဂ္ပြဲစဥ္ ၃၂ အျဖစ္ ပြဲေပါင္း ၇ ပြဲကုိ က်င္းပသြားခဲ႔ရာမွာ အမွတ္ေပးဇယားေအာက္ဆုံးေနရာက ဟတ္ဒါဖီးလ္အသင္းက ခရစၥတယ္ပဲေလ့စ္အသင္းရဲ႕ အိမ္ကြင္းမွာ သြားေရာက္ကစားခဲ႔ရၿပီး ၂ ဂုိးျပတ္နဲ႔ အေရးနိမ့္ခဲ႔ရသလုိ အဆင့္ ၁၆ နဲ႔ ၁၇ အသင္းေတြျဖစ္တဲ႔ ေဆာက္သမ္တန္နဲ႔ ဘန္ေလတုိ႔ကလည္း အသီးသီး အႏုိင္ရခဲ႔တာေၾကာင့္ အခုဆုိရင္ ဟတ္ဒါဖီးလ္အသင္းဟာ ပရီးမီးယားလိဂ္ကေန ေစာေစာစီးစီးပဲ တန္းဆင္းခဲ႔ရၿပီျဖစ္ပါတယ္။

Photo Credit : Yahoo! Sports

ဟတ္ဒါဖီးလ္အသင္းဟာ အေဝးကြင္းမွာ ပဲေလ့စ္အသင္းကုိ ဒုတိယပုိင္း ၇၅ မိနစ္ေလာက္အထိ ဂုိးမရွိသေရနဲ႔ ထိန္းကစားႏုိင္ခဲ႔ေပမယ့္လည္း ၇၆ မိနစ္မွာ ပင္နယ္တီေပးလုိက္ရၿပီး အဖြင့္ဂုိးစတင္ခြင့္ျပဳလုိက္ရသလုိ ပြဲၿပီးဆုံးခါနီးမွာလည္း ပဲေလ့စ္ေနာက္ခံလူ ဗန္အန္ေဟာ့က ဒုတိယေျမာက္ဂုိးကုိ သြင္းယူခဲ႔တာေၾကာင့္ ဟတ္ဒါဖီးလ္တုိ႔ လက္က်န္ ၆ ပြဲကစားဖုိ႔ အလုိမွာပဲ ပရီးမီးယားလိဂ္ကေန တန္းဆင္းသြားခဲ႔ရတာျဖစ္ပါတယ္။ ဒါေပမယ့္လည္း ဟတ္ဒါဖီးလ္ဟာ ဒီပြဲကုိ မရွုံးခဲ႔ဘူးဆုိရင္ေတာင္မွ လက္က်န္ ၆ ပြဲမွာ စပါး လီဗာပူးလ္ မန္ခ်က္စတာယူႏုိက္တက္နဲ႔ ရင္ဆုိင္ရဦးမွာျဖစ္လုိ႔ ေသခ်ာေပါက္ကုိ တန္းဆင္းရမယ့္ အေျခအေနေရာက္ေနတာျဖစ္ပါတယ္။

Photo Credit : The Independent

အခုလုိ ရာသီမကုန္ခင္ မတ္လမွာပဲ တန္းဆင္းသြားခဲ႔ရတာဟာ ပရီးမီးယားလိဂ္သမုိင္းတေလွ်ာက္မွာေတာ့ ပထမဆုံးအႀကိမ္မဟုတ္ေတာ့ဘဲ ဟတ္ဒါဖီးလ္အသင္းမတုိင္ခင္က ဒါဘီေကာင္တီအသင္းဟာ ၂၀၀၇-၂၀၀၈ ေဘာလုံးရာသီမွာ အခုလုိပဲ ပရီးမီးယားလိဂ္ပြဲစဥ္ ၃၂ အၿပီး တန္းဆင္းခဲ႔ရလုိ႔ ပြဲအားလုံး ကစားၿပီးခ်ိန္မွာလည္း ႏုိင္ပြဲက ၁ ပြဲသာရွိခဲ႔ၿပီး ရမွတ္ ၁၁ မွတ္နဲ႔ တန္းဆင္းခဲ႔ရတာျဖစ္ပါတယ္။ လက္ရွိမွာ ဟတ္ဒါဖီးလ္အသင္းက ရမွတ္ ၁၄ မွတ္အထိ ရရွိထားတာျဖစ္တာမုိ႔ ဒါဘီအသင္းနဲ႔ တန္းေစာေစာဆင္းရတဲ႔ မွတ္တမ္းခ်င္းတူညီေနတာေတာင္ ဒါဘီအသင္းေလာက္ေတာ့ ဆုိးရြားခဲ႔ျခင္းမရွိပါဘူး။

Photo Credit : Irish Mirror

ဟတ္ဒါဖီးလ္က ပရီးမီးယားလိဂ္ကေန ေစာေစာစီးစီး တန္းဆင္းသြားၿပီးျဖစ္လုိ႔ လက္က်န္၂ ေနရာစာအတြက္ ဖူလ္ဟမ္အသင္းနဲ႔ ကာဒစ္စီးတီးအသင္းတုိ႔ျဖစ္သြားဖုိ႔ အလြန္နီးစပ္လုိ႔ေနပါတယ္။ ဖူလ္ဟမ္အသင္း လက္ရွိမွာ ရမွတ္ ၁၇ မွတ္သာ ရရွိထားခဲ့ၿပီး သူရဲ႕အထက္က ကာဒစ္အသင္းနဲ႔ေတာင္ ရမွတ္ကြာဟမႈက ၁၁ မွတ္အထိကုိ ရွိေနတာေၾကာင့္ ဖူလ္ဟမ္တုိ႔ ပရီးမီးယားလိဂ္မွာ တင္က်န္ႏုိင္ဖုိ႔က ေတာ္ေတာ္ေလးကုိ မလြယ္ကူႏုိင္သလုိ ကာဒစ္ကလည္း အဆင့္ ၁၇ က ဘန္ေလနဲ႔ေတာင္ ၅ မွတ္ေလာက္ ကြာဟေနတာမုိ႔ ဟတ္ဒါဖီးလ္ေနာက္ကို ဖူလ္ဟမ္နဲ႔ ကာဒစ္တုိ႔ လုိက္သြားဖုိ႔ အေျခအေနမ်ားလုိ႔ေနပါတယ္ခင္ဗ်ာ။

(Unicode)

မနေ့ကတော့ စနေ့ညရဲ့ ပရီးမီးယားလိဂ်ပွဲစဉ် ၃၂အဖြစ် ပွဲပေါင်း ရပွဲကို ကျင်းပသွားခဲ့ရာမှာ အမှတ်ပေးဇယားအောက်ဆုံးနေရာက ဟတ်ဒါဖီးလ်အသင်းက ခရစ္စတယ်ပဲလေ့စ်အသင်းရဲ့ အိမ်ကွင်းမှာ သွားရောက်ကစားခဲ့ရပြီး ၂ဂိုးပြတ်နဲ့ အရေးနိမ့်ခဲ့ရသလို အဆင့်၁၆နဲ့ ၁၇အသင်းတွေဖြစ်တဲ့ ဆောက်သမ်တန်နဲ့ ဘန်လေတို့ကလည်း အသီးသီး အနိုင်ရခဲ့တာကြောင့် အခုဆိုရင် ဟတ်ဒါဖီးလ်အသင်းဟာ ပရီးမီးယားလိဂ်ကနေ စောစောစီးစီးပဲ တန်းဆင်းခဲ့ရပြီဖြစ်ပါတယ်။

Photo Credit : Yahoo! Sports

ဟတ်ဒါဖီးလ်အသင်းဟာ အဝေးကွင်းမှာ ပဲလေ့စ်အသင်းကို ဒုတိယပိုင်း ရ၅မိနစ်လောက်အထိ ဂိုးမရှိသရေနဲ့ ထိန်းကစားနိုင်ခဲ့ပေမယ့်လည်း ရ၆မိနစ်မှာ ပင်နယ်တီပေးလိုက်ရပြီး အဖွင့်ဂိုးစတင်ခွင့်ပြုလိုက်ရသလို ပွဲပြီးဆုံးခါနီးမှာလည်း ပဲလေ့စ်နောက်ခံလူ ဗန်အန်ဟော့က ဒုတိယမြောက်ဂိုးကို သွင်းယူခဲ့တာကြောင့် ဟတ်ဒါဖီးလ်တို့ လက်ကျန်၆ပွဲကစားဖို့ အလိုမှာပဲ ပရီးမီးယားလိဂ်ကနေ တန်းဆင်းသွားခဲ့ရတာဖြစ်ပါတယ်။ ဒါပေမယ့်လည်း ဟတ်ဒါဖီးလ်ဟာ ဒီပွဲကို မရှုံးခဲ့ဘူးဆိုရင်တောင်မှ လက်ကျန် ၆ပွဲမှာ စပါး လီဗာပူးလ် မန်ချက်စတာယူနိုက်တက်နဲ့ ရင်ဆိုင်ရဦးမှာဖြစ်လို့ သေချာပေါက်ကို တန်းဆင်းရမယ့် အခြေအနေရောက်နေတာဖြစ်ပါတယ်။

Photo Credit : The Independent

အခုလို ရာသီမကုန်ခင် မတ်လမှာပဲ တန်းဆင်းသွားခဲ့ရတာဟာ ပရီးမီးယားလိဂ်သမိုင်းတလျှောက်မှာတော့ ပထမဆုံးအကြိမ်မဟုတ်တော့ပဲ ဟတ်ဒါဖီးလ်အသင်းမတိုင်ခင်က ဒါဘီကောင်တီအသင်းဟာ ၂၀၀၇-၂၀၀၈ ဘောလုံးရာသီမှာ အခုလိုပဲ ပရီးမီးယားလိဂ်ပွဲစဉ်၃၂အပြီး တန်းဆင်းခဲ့ရလို့ ပွဲအားလုံး ကစားပြီးချိန်မှာလည်း နိုင်ပွဲက၁ပွဲသာရှိခဲ့ပြီး ရမှတ်၁၁မှတ်နဲ့ တန်းဆင်းခဲ့ရတာဖြစ်ပါတယ်။ လက်ရှိမှာ ဟတ်ဒါဖီးလ်အသင်းက ရမှတ်၁၄မှတ်အထိ ရရှိထားတာဖြစ်တာမို့ ဒါဘီအသင်းနဲ့ တန်းစောစောဆင်းရတဲ့ မှတ်တမ်းချင်းတူညီနေတာတောင် ဒါဘီအသင်းလောက်တော့ ဆိုးရွှားခဲ့ခြင်းမရှိပါဘူး။

Photo Credit : Irish Mirror

ဟတ်ဒါဖီးလ်က ပရီးမီးယားလိဂ်ကနေ စောစောစီးစီး တန်းဆင်းသွားပြီးဖြစ်လို့ လက်ကျန်၂နေရာစာအတွက် ဖူလ်ဟမ်အသင်းနဲ့ ကာဒစ်စီးတီးအသင်းတို့ဖြစ်သွားဖို့ အလွန်နီးစပ်လို့နေပါတယ်။ ဖူလ်ဟမ်အသင်း လက်ရှိမှာ ရမှတ် ၁၇မှတ်သာ ရရှိထားခဲ့ပြီး သူရဲ့အထက်က ကာဒစ်အသင်းနဲ့တောင် ရမှတ်ကွာဟမှုက ၁၁မှတ်အထိကို ရှိနေတာကြောင့် ဖူလ်ဟမ်တို့ ပရီးမီးယားလိဂ်မှာ တင်ကျန်နိုင်ဖို့က တော်တော်လေးကို မလွယ်ကူနိုင်သလို ကာဒစ်ကလည်း အဆင့်၁၇က ဘန်လေနဲ့တောင် ၅မှတ်လောက် ကွာဟနေတာမို့ ဟတ်ဒါဖီးလ်နောက်ကို ဖူလ်ဟမ်နဲ့ ကာဒစ်တို့ လိုက်သွားဖို့ အခြေအနေများလို့နေပါတယ်ခင်ဗျာ။