အချစ်ဟာ ထူးဆန်းတယ်။ အချစ်က လူတွေကို ခွန်အားတွေ ပေးနိူင်စွမ်းတယ်။ အချစ်ကပဲ လူတွေကို ဒုက္ခရောက်သွားစေနိူင်တယ်။ လူတွေက လည်းအချစ်ကို အမျိုးမျိုး အဓိပ္ပာယ် ဖွင့်ကြတယ်။ တစ်ချို့တွေက အချစ်ဆိုတာ စွန့်လွှတ်အနစ်နာ ခံခြင်းတဲ့။ တစ်ချို့ကလည်း အချစ်ဆိုတာ ရယူပိုင်ဆိုင်ခြင်းတဲ့။ တစ်ချို့က အချစ်မှာ ပျော်ရွှင်နေသလို တစ်ချို့ကလည်း အချစ်ကြောင့် သောကမီးဝိုင်းနေတဲ့သူတွေ လည်းရှိကြတယ်။ ဘာပဲပြောပြော အချစ်ဆိုတာ လူတွေအတွက် အမြဲတမ်းရှိနေမယ့် အရာတခုပါ။
ဒီနေ့ kwee page အချစ်အကြောင်းကို အဓိပ္ပာယ်ရှိရှိ ရိုက်ကူးထားတဲ့ ဒရာမာ ဇာတ်ကားတွေကို ပရိသတ်တွေ အတွက် ညွှန်းပေးလိုက်ပါတယ်။
A Rainy Day in New York (2019)
Source: Medium
IMDb — 6.7
သူက နယူးယောက်မြို့ပေါ်က လူချမ်းသာ မိသားစုက ဆင်းသက်လာတာပါ။ သူမကတော့ အရီဇိုးနား ပြည်နယ်က မြို့သေးသေးလေး ပေါ်က သာမည မိန်းကလေးတစ်ယောက်ပါ။ မိုးသည်းနေတစ်နေ့ဟာ သူတို့နှစ်ယောက်ရဲ့ဘဝကို ထာဝရ ပြောင်းလဲပေးသွားလိမ့်မယ်ဆိုတာ သူတို့တွေ မသိခဲ့ကြဘူး။ ဒရာမာ ဇာတ်ကားတွေကြိုက်တဲ့သူတွေ အတွက် ဇာတ်ကားကောင်းတကားပါ။
Delibal (2015)
Source: The Movie Database
IMDb — 6.8
Barış ဟာတက္ကသိုလ်မှာ ဗိသုကာအတတ်ပညာသင်ကြားနေတဲ့ ကျောင်းသားတစ်ယောက်ပါ။ Füsun ကိုတွေ့လိုက်တဲ့အချိန်မှာတော့ သူဟာ အချစ်စစ်ကို တွေ့သွားပြီး သူမကိုလည်း မယုံနိူင်လောက်အောင် ချစ်မိသွားပါတော့တယ်။
ရုပ်ရည်ချောမောပြီး ရိုးသားတဲ့ Barış ကိုလည်း Füsun ကပြန်ချစ်ခဲ့ပါတယ်။ သူတို့နှစ်ယောက်ဟာ လက်ထပ်လိုက်ကြတယ်။ ကြားရတာတော့ ပုံပြင်လိုပဲ ချောမောနေတယ်ထင်ရပါတယ်။ ဒါပေမယ့် သူတို့နှစ်ယောက် မင်္ဂလာဆောင်ပြီးတဲ့အချိန်မှာ မထင်မှတ်ထားတဲ့ အပြောင်းအလဲတွေ စတင်ကြုံတွေ့လာရပါတော့တယ်။
Five Feet Apart (2019)
Source: Medium
IMDb — 7.2
အသက် (၁၇) နှစ်အရွယ် Stella ဟာ သူမဘဝရဲ့ အချိန်တော်တော်များများကို ရောဂါတစ်မျိုးကြောင့် ဆေးရုံမှာ ပဲကုန်ဆုံးခဲ့ရသူပါ။ သမဘဝမှာ ထိန်းချုပ်ကန့်သတ်မူတွေ နဲ့ပြည့်နှက်နေခဲ့တာပါ။ ဒါပေမယ့် သူနဲ့ဘဝတူ ရောဂါခံစားနေရတဲ့ Will ကိုတွေ့တဲ့အချိန်မှာတော့ သူမဘဝဟာ အပြောင်းလဲကြီး ပြောင်လဲလာပါတော့တယ်။ သူတို့နှစ်ယောက်ဟာ ရောဂါကြောင့် အနည်းဆုံး တစ်ယောက်နဲ့တစ်ယောက် (၅) ပေအကွာမှာနေရပေမယ့် အချစ်ကြောင့် သူတို့နှစ်ယောက် ဘယ်လိုတားမြစ်ချက်တွေကို ချိုးဖောက်မလဲ နောက်ဆုံး သူတို့နှစ်ယောက်ရဲ့ အချစ်က ဘယ်လောက်ထိ ပြင်းထန်မူ ရှိသလဲဆိုတာ ဒီဇာတ်ကားမှာ မြင်ရမှာပါ။ ဒရာမာ ကြိုက်တဲ့သူတွေအတွက် ဇာတ်ကားကောင်းတစ်ကားပါ။
The Guernsey Literary and Potato Peel Pie Society (2018)
Source: Youtube
IMDb — 7.4
(၂၀၀၈) ခုနှစ်ကထွက်ရှိခဲ့တဲ့ The Guernsey Literary and Potato Peel Pie Society ဆို့တဲ့စာအုပ်ကိုပဲ ပြန်လည်ရိုက်ကူးထားတာပါ။ Juliet ဆိုတဲ့ ငယ်ရွယ်တဲ့ စာရေးဆရာမ တစ်ယောက်ဟာ စာအုပ်ကလပ် တခုအကြောင်း ဆောင်းပါးရေးရဖို့ ဖြစ်လာပါတော့တယ်။ သူမဟာ ကံကောင်းခဲ့ပါတယ်။ Guernsey လို့ခေါ်တဲ့ ကျွန်းပေါ်မှာနေထိုင်တဲ့ ဝက်မွေးမြူးလုပ်နေတဲ့ သူတစ်ယောက်ဆီကနေ စာတစ်ဆောင်လက်ခံရရှိခဲ့တယ်။ ဒီစာကပဲ Juliet ရဲ့ဘဝကို လုံးဝပြောင်းလဲသွားစေပါတော့တယ်။