မျက်စိဟာ အရေးပါတဲ့ခန္ဓာကိုယ်အင်္ဂါအစိတ်အပိုင်းတခုဖြစ်ပြီး မတူညီသောဗီတာမင်နှင့် အဟာရဓါတ်များစွာ လိုအပ်ပါတယ်။ အဖြစ်များတဲ့ ဆီးချိုရောဂါ၊ အတွင်းတိမ်နဲ့ အသက်ကြီးလာတာတွေက သင့်ရဲ့မျက်စိအပေါ် သက်ရောက်မှုဖြစ်စေနိုင်ပါတယ်။ အခုပြောပြမှာက မျက်စိကျန်းမာရေးကောင်းမွန်စေတဲ့ ဗီတာမင် (၄) မျိုး အကြောင်းဖြစ်ပါတယ်။

(၁) ဗီတာမင် အေ

Source : Openfit

ဗီတာမင်အေက သင့်ရဲ့မျက်လုံးအပြင်လွှာဖြစ်တဲ့မျက်ကြည်လွှာကို ကြည်လင်ပြတ်သားစေဖို့အတွက် အရေး ကြီးတဲ့အခန်းကဏ္ဍမှာ ပါဝင်ပါတယ်။ ဒါ့အပြင် အလင်းအားနည်းတဲ့အခြေအနေတွေမှာ မြင်နိုင်ဖို့မျက်စိ အတွက် လိုအပ်တဲ့ ပရိုတင်းတမျိုးလည်းဖြစ်ပါတယ်။ ဗီတာမင်အေပါဝင်တဲ့ အစားအစာတွေကတော့ အာလူး၊ အစိမ်း ရောင်ဟင်းသီးဟင်းရွက်များ၊ ဖရုံသီးနဲ့ ငရုတ်ပွသီးတွေဖြစ်ပါတယ်။

(၂) ဗီတာမင် အီး

Source : Healthifyme

ဗီတာမင်အီးဟာ သင့်ရဲ့မျက်လုံးဆဲလ်အပါအဝင် အန္တာရာယ်ရှိတဲ့မော်လီကျူးတွေဖြစ်လာမယ့် free radicals တွေကနေလဲ ကာကွယ်ပေးပါတယ်။ ဒါ့အပြင် ဗီတာမင်အီးကြွယ်ဝတဲ့အစားအစာများကတော့ အခွံမာသီး၊ အစေ့အဆံများနှင့် ဟင်းချက်ဆီတွေမှာ ပါဝင်ပါတယ်။ ဒါ့အပြင် ဆော်လမွန်နှင့် ထောပတ်သီး၊ အစိမ်းရောင် ဟင်းသီးဟင်းရွက်တွေဟာ ဗီတာမင် အီးပါဝင်မှုများပြားတဲ့အစားအစာတွေပဲဖြစ်ပါတယ်။

(၃) ဗီတာမင် စီ

Source : WebMD

ဗီတာမင်အီးကဲသို့ပင် ဗီတာမင်စီဟာ အသက်အရွယ်ကြောင့် မျက်စိချို့ယွင်းလာမှုအပေါ်ကောင်းစွာကာကွယ် ပေးနိုင်ပါတယ်။ မျက်စိကြည့်ရှု့ခြင်းနဲ့ အမြင်အာရုံချို့ယွင်းခြင်းဖြစ်စေတဲ့ မျက်စိအတွင်းတိမ်ဖြစ်ပေါ်မှုကိုကာ ကွယ်ရန် ဗီတာမင်စီကများစွာအထောက်အကူပြုနိုင်တယ်လို့ တွေ့ရှိရပါတယ်။ အချဉ်ဓါတ်ပါဝင်တဲ့အသီးတွေ၊ ငရုတ်ကောင်းနဲ့ ပန်းဂေါ်ဖီစိမ်းတွေမှာ ဗီတာမင်စီပါဝင်ပါတယ်။

(၄) ဗီတာမင် B6, B9, B12

Source : Vitamins – LoveToKnow

သုတေသီတွေရဲ့ တွေ့ရှိချက်အရ B Vitamins တွေဟာ တခုချင်းအနေနဲ့ အကျိုးသက်ရောက်မှုတွေရှိပေမယ့် စုပေါင်းစားသုံးတဲ့အခါ မျက်စိအတွက်ပိုပြီးအကျိုးသက်ရောက်မှုရှိစေပါတယ်။ မျက်ကြည်လွှာ၊ အစာအိမ်နဲ့ မျက်လုံးတည်ဆောက်ပုံအတွက် အရေးကြီးတဲ့ကော်လဂျင်ဖွဲ့စည်းပုံကို တိုးတက်စေပါတယ်။

B6 – နို့နဲ့နို့ထွက်ပစ္စည်းများ၊ ငါးအသားနဲ့ ကန်စွန်းဥ
B9 – အစိမ်းရင့်ရောင်အရွက်များ
B12 – အသား၊ နို့၊ ကြက်ဥ၊ Cereal