ယုံကြည်မှုကို ရိုးရှင်းစွာ အဓိပ္ပာယ်ဖွင့်ရမယ်ဆိုရင် သင့်ကိုယ်သင်ဘယ်လိုခံစားရလဲ သင့်ရဲ့စွမ်းဆောင်ရည်အပေါ် ဘယ်လိုခံစားရလဲဆိုတာပါပဲ။ ကျွမ်းကျင်သူတွေရဲ့ အဆိုအရတော့ ယုံကြည်မှုဟာ သင့်ဘဝအပေါ်မှာအများကြီး သက်ရောက်မှုရှိနေတယ် ဆိုတာပါပဲ။ တစ်ခုသိထားရမှာက ဘယ်သူမှမွေးလာကတည်းက ယုံကြည်မှုအပြည့်နဲ့ မွေးလာတာမဟုတ်ပါဘူး။ မိမိကိုယ်ကို ယုံကြည်မှုရှိတဲ့လူတွေကို တွေ့ဖူးကြမယ်ထင်ပါတယ်။ ဒီလူတွေက ဒီလိုယုံကြည်မှုရှိနေအောင် လေ့ကျင့်ယူထားကြလို့ပါပဲ။ ဒီနေ့ဆောင်းပါးမှာတော့ ယုံကြည်မှုနည်းပါးခြင်းရဲ့ နောက်ဆက်တွဲဆိုးကျိုးတွေ အကြောင်းပြောပြပေးသွားမှာပါ။

လူမှုဆက်ဆံရေးပြသာနာ

Source: The Willow Center

မိမိကိုယ်ကိုယုံကြည်မှုနည်းတဲ့လူတွေဟာ လူအများရှေ့မှာ စကားမပြောခင် (သို့) တစ်စုံတစ်ယောက်နဲ့ စကားမပြောခင် သံသယတွေ ပွားနေတက်ပါတယ်။ ဒါ့ကြောင့် ပြောချင်တဲ့စကားတွေက မပြောမထွက်ဘဲ ဖြစ်နေတက်ပါတယ်။ မိမိကိုယ်ကို ယုံကြည်မှု နည်းပါးခြင်းဟာ လူမှုပေါင်းသင်းဆက်ဆံရေးမှာ အဆင်မပြေမှုတွေ ဖြစ်စေပါတယ်။

စိုးရိမ်သောကများတာ

Source: JustMommies

သောကဝေဒနာကို ဖြစ်စေနိုင်တဲ့ အဓိကအကြောင်းရင်းတစ်ခုကတော့ မိမိကိုယ်ကိုယ်ယုံကြည်မှုနည်းခြင်းပါပဲ။ မိမိကိုယ်ကိုယ်ယုံကြည်မှုမရှိတဲ့လူတွေဟာ မသိစိတ်ထဲမှာအားငယ်နေတတ်ပြီး ပျော်ရွှင်မှုတွေနဲ့လည်းမထိုက်တန်ဘူးလို့ ယုံကြည်နေကြပါတယ်။ အကြောက်တရားနဲ့အဆိုးမြင်စိတ်တွေဟာလည်း ကြီးစိုးနေတတ်ပါတယ်။ ကိုယ့်ရဲ့စွမ်းဆောင်ရည်တွေနဲ့ပတ်သက်ပြီး အမြဲလိုလိုအားမလို အားမရဖြစ်နေတတ်ပြီး သူများတွေအထင်ကြီးတာခံရဖို့ လိုက်ပြိုင်နေရင်း အချိန်အများစုကို ကုန်ဆုံးတတ်ပါတယ်။

စိတ်ဓာတ်ကျလာတာ

Source: Elite World Hotels

စိတ်ဓာတ်အကြီးအကျယ်ကျဆင်းခြင်းကို ဖြစ်စေတဲ့ တရားခံကတော့ မိမိကိုယ်ကိုယုံကြည်မှုနည်းပါးခြင်းပါပဲ။ မိမိကိုယ်ကို ယုံကြည်မှုနည်းပါးခြင်းကြောင့် သူများတွေမိမိကို အသိအမှတ်ပြုလာအောင် အစွမ်းကုန်ကြိုးစားရာက စိတ်ရောလူပါ ထောင်းထောင်းကြေသွားတာမျိုးပါ။ ကြိုးစားနေစဉ်မှာ ဒီဝေဒနာဖြစ်ချင်မှဖြစ်မှာပါ။ ကြိုးစားသမျှတွေ တစ်ခုမှအရာမထင်ချိန်မှာတော့ အစွမ်းကုန်ကြိုးစားထားသမျှတွေက ခင်ဗျားကိုထိခိုက်စေနိုင်ပါလိမ့်မယ်။

အိပ်မပျော်တဲ့ရောဂါ

Source: BeInspiredChannel

အိပ်မပျော်တဲ့ရောဂါဟာလည်း စိတ်ဖိစီးမှုတွေများလွန်းတာကြောင့်ပဲ ဖြစ်တတ်ပါတယ်။ မိမိကိုယ်ကိုယ်ယုံကြည်မှုနည်းပါးလွန်းရာက တခြားလူတွေရဲ့အသိအမှတ်မပြုခံရဖို့ နေ့ရောညပါမအိပ်မနေကြိုးစားလာပါတယ်။ အဲဒီမှာ ကော်ဖီတွေစွတ်သောက်ရာကနေ မျက်စိကအကျင့်ဖြစ်ပြီး ညဘက်တွေဆို တော်တော်နဲ့အိပ်မပျော်တော့ပါဘူး။ ဒီလိုနဲ့ ကိုယ်တွင်းကဇီဝနာရီလည်း ချို့ယွင်းလာပြီး အိပ်ချိန်တွေမမှန်၊ အိပ်ရေးတွေပျက်လာပါတော့တယ်။ အိပ်မပျော်တဲ့ရောဂါ တာရှည်လာရင် ကျောက်ကပ်ကိုပျက်ဆီးစေနိုင်ပါတယ်။