နာမည်ကျော် ဂျာမန် ကားထုတ်လုပ်ရေးလုပ်ငန်း ကြီးတစ်ခုဖြစ်တဲ့ Porsche က မန်နေဂျာတွေဟာ ပြီးခဲ့တဲ့ နှစ်ကုန်ပိုင်းက အမေရိကန်ကို ခရီးထွက်ခဲ့ကြပြီး Apple နဲ့ ပရောဂျက်တွေ ပူးပေါင်းလုပ်ဆောင်ဖို့ ဆွေးနွေးခဲ့တယ်လို့ ဆိုပါတယ်။
Photo: MacRumors
iPhone ကုမ္ပဏီအဖြစ် လူသိများတဲ့ Apple ဟာ ကိုယ်ပိုင်အမှတ်တံဆိပ် အလိုအလျောက်မောင်းကားထုတ်လုပ်ဖို့ ကြိုးပမ်းနေတယ်ဆိုပြီးလည်း သတင်းထွက်ထားတဲ့ ကုမ္ပဏီကြီးတစ်ခုဖြစ်ပါတယ်။ အခုချိန်အထိ Apple Car အကြောင်း တရားဝင် ထုတ်ပြန်တာမျိုး မရှိပေမယ့် ကားပိုင်းနဲ့ ပတ်သက်ပြီး Apple ဟာ နှစ်အတော်လေး ကြာအောင် တီထွင်ကြံဆ သုတေသနလုပ်နေတယ်လို့ သတင်းတွေက ဖော်ပြကြပါတယ်။
Porsche မန်နေဂျာတွေရဲ့ အလည်အပတ်ခရီးစဉ်အဖြစ် ဆွေးနွေးမှုဟာ Apple ရဲ့ ကားစီမံကိန်းကို ပူးပေါင်းလက်တွဲလုပ်ဆောင်ဖို့ လာပြီး ညှိနှိုင်းတာ ဖြစ်နိုင်ခြေရှိပါတယ်။ Porche အမှုဆောင်အရာရှိ အိုလီဗာ ဘလူးမ်ကတော့ တခြားနည်းပညာကုမ္ပဏီတွေနဲ့လည်း အလားတူ ဖြစ်နိုင်ခြေရှိတဲ့ စီမံကိန်းတွေ ပေါင်းပြီး လုပ်ဆောင်ဖို့ ဆွေးနွေးဖြစ်ခဲ့တယ်လို့ ဆိုပါတယ်။
Photo : HardwareZone
“ကျွန်တော်တို့မှာ Apple CarPlay ရှိပြီးသားပါ။ ဒါကို ထပ်ပြီး တိုးချဲ့ရပါမယ်” လို့ ဘလူးမ်က ပြောပါတယ်။
Porsche နဲ့ Apple တို့ဟာ ပုံမှန်လည်း နီးနီးကပ်ကပ် လက်တွဲလုပ်ဆောင်လေ့ရှိကြပြီး နောက်နောင်လည်း စီမံကိန်းတွေ လုပ်ဖို့ ဆွေးနွေးစရာ ရှိတယ်လို့ ဆိုပါတယ်။ Porsche ဟာ Formula One ကားမောင်းပြိုင်ပွဲကို ဝင်မဝင် စဉ်းစားနေပြီး ဆုံးဖြတ်ချက်တော့ ကျမလာသေးဘူးလို့လည်း ဘလူးမ်က ပြောပါတယ်။
Featured Photo : CNBC
