ဂီတတူရိယာတီးခတ်တက်တဲ့ ယောကျာ်းလေးတွေက မိန်းကလေးအမြင်မှာပိုပြီး ဆွဲဆောင်မှုပိုရှိတယ်ဆိုတာ သင်သိပါသလား။ နှစ်ဟောင်းခေတ် ကာလတွေဆီကို ပြန်ကြည့်လိုက်မယ်ဆိုရင်လည်း အဆောင်သူလေးတွေရှေ့ ဂစ်တာတီးပြပြီး ပိုးပန်းခဲ့ရတဲ့အချိန်လေးတွေကို မှတ်မိကြအုန်းမယ် ထင်ပါတယ်။
ဟုတ်ပါတယ် ဂီတအနုပညာဟာ လူတစ်ယောက်ရဲ့ နှလုံးသားကို အရည်ပျော်သွားစေနိုင်တဲ့အထိ စွမ်းအားကြီးပါတယ်။ ဒီတစ်ခေါက်တော့ မိန်းကလေးတွေက တူရိယာတီးခတ်တက်တဲ့ယောကျာ်းလေးတွေကို ဘာကြောင့်ပိုသဘောကျလဲဆိုတဲ့ အကြောင်းရင်းလေးတွေ ထုတ်နုတ်တင်ပြလိုက်ပါတယ်။
(၁) ဆွဲဆောင်မှုရှိတယ်
Photo : Freepik
ဂစ်တာတစ်လုံးမှာ တစ်မူထူးခြားတဲ့ စွမ်းအားတွေများစွာရှိနေပြီ သင့်ကိုဂရိနတ်ဘုရားတစ်ပါးအဖြစ် ပြောင်းလဲပေးနိုင်စွမ်းတောင် ရှိကောင်းရှိနိုင်ပါတယ်။ ဂီတတူရိယာပေါ်က ကြိုးလေးတွေကို လှုပ်ရှားတီးခတ်နေတဲ့ သင့်ရဲ့ပုံစံက မိန်းကလေးတွေရဲ့အမြင်မှာ တမူထူးခြားပြီး ဆွဲဆောင်မှုရှိနေစေလို့ပါပဲ။
(၂) ဖန်တီးမှုကောင်းတယ်
Photo : iStock
ဂီတဆိုတာ တီထွင်ဖန်တီးမှု စိတ်ဝိညာဉ်များ ကိန်းအောင်းရာ နေရာတစ်ခုဖြစ်ပါတယ်။ အနုပညာအမျိုးစားတစ်ခုဖြစ်တဲ့ ဂီတကိုချစ်မြတ်နိုးသူတိုင်းဟာ တီထွင်ဖန်တီးနိုင်စွမ်း ပိုမိုအားကောင်းကြတယ်ဆိုတာ ငြင်းပယ်လို့မရတဲ့ အမှန်တရားတစ်ခုပါပဲ။ မိန်းကလေးတွေဟာ ဒီလိုဖန်တီးမှုမြင့်မားသူတွေကို သဘောကျကြတာပဲ မဟုတ်လား။
(၃) အေးချမ်းပျော်ရွှင်မှုကိုပေးတယ်
Photo : Depositphotos
ဂီတတူရိယာသံစဉ်လေးတွေဟာ နားထောင်သူရဲ့ စိတ်နှလုံးကို အေးမြစေပြီး ပျော်ရွှင်မှုကို ခံစားရစေတာပဲ မဟုတ်လား။ ဒါကြောင့်ပဲမိန်းကလေးတွေဟာ စိတ်အေးချမ်းမှုနဲ့ ပျော်ရွှင်ခြင်းတွေကို ပေးစွမ်းတဲ့ ဂီတတူရိယာတီးခတ်တက်သူ ကွီးတို့အနားမှာ ပျော်ပျော်ရွှင်ရွှင်အတူရှိချင်ကြတာပဲ ဖြစ်ပါတယ်။
(၄) အထင်ကြီးစရာကောင်းတယ်
Photo : The New York Times
ဂီတတူရိယာလေးတွေ တီးခတ်တက်ခြင်းက မိန်းကလေးအမြင်မှာ အထင်ကြီးစရာပါပဲ။ သာယာပျော်ရွှင်ဖွယ် ချစ်တေးသံစဉ်လေးတွေနဲ့ ကောင်မလေးရဲ့ စိတ်နှလုံးကို အရည်ပျော်အောင်လုပ်နိုင်သလို သူမအတွက် ကိုယ်တိုင်ရေးစပ်သီးကုံးထားတဲ့ သီချင်းလေးတွေနဲ့ သူမကို WOW ဖြစ်သွားအောင်ဖန်တီးပေးပြီး အချစ်တွေသိမ်းပိုက်နိုင်ပါတယ်။
(၅) ဂီတကလူတွေကို ချိတ်ဆက်ပေးတယ်
Photo : Dissolve
ဂီတဟာ ဘာသာစကားမတူ ၊ နေရာဒေသကွဲပြားတဲ့ လူအချင်းချင်းကိုတောင် ရင်းနှီးသွားအောင် ချိတ်ဆက်ပေးနိုင်တဲ့ ပေါင်းကူးတံတားလေးတစ်ခုလို့ ဆိုရပါမယ်။ ဟုတ်ပါတယ် ဂီတသံစဉ်လေးတွေက သင့်ချစ်သူ ဒါမှမဟုတ် Crush လေးနဲ့ကြား ရင်းနှီးမှုကို ပိုမိုရစေပြီး နွေးထွေးတဲ့ဆက်ဆံရေးကို ဖန်တီးနိုင်မှာပဲ ဖြစ်ပါတယ်။
Featured Photo : Medium
