အိပ်ရေးမဝသူဟာ ဖန်တီးမှု ကျတယ် ၊ စွမ်းဆောင်ရည် ထိခိုက်နိုင်တယ်ဆိုတာ လူအတော်များများ သိကြပါတယ်။ အလုပ်များပြီး စိတ်ဖိစီးစရာတွေနဲ့ ရင်ဆိုင်နေရသူတွေမှာ အိပ်ရေးပျက်ခြင်း Insomnia အဖြစ်များပါတယ်။ ကမ္ဘာ့အပြင်ထွက်ပြီး အလုပ်လုပ်ရတဲ့ နာဆာအာကာသယာဉ်မှူးတွေဆို စိတ်ပင်ပန်းလွန်းပြီး Sleep Disorder ရမယ်လို့ ထင်ကြပါလိမ့်မယ်။
တကယ်က နာဆာသိပ္ပံပညာရှင်တွေဟာ အာကာသနဲ့ ကမ္ဘာမြေ နှစ်မျိုးစလုံး ရောက်လေရာမှာ ချက်ချင်း အိပ်ပျော်စေမယ့် နည်းလမ်းကို သိထားကြပါတယ်။ ဒီနည်းလမ်းလေးတွေကို လိုက်နာရင် ကျန်းမာရေးနဲ့ ညီညွတ်တဲ့ အိပ်စက်မှုပုံစံ ရရှိမှာ ဖြစ်ပါတယ်။
(၁) အိပ်ချိန် ၊ ထချိန် မှန်အောင်ထား
Photo: Brightside Me
ISS လို့ ခေါ်တဲ့ နိုင်ငံတကာအာကာသစခန်း ဟာ ကမ္ဘာကို မိနစ် ၉၀ တစ်ကြိမ် လှည့်ပတ်ပါတယ်။ ကမ္ဘာပေါ်က အတိုင်းအတာနဲ့ဆို တစ်ရက်ကို ၁၆ ကြိမ် ပတ်တဲ့ သဘောဖြစ်ပါတယ်။ ဒီလို အချိန်ဟန်ချက်မညီတာကြောင့် အာကာသယာဉ်မှူးတွေဟာ Circadian Rhythm Sleep Disorder လို့ ခေါ်တဲ့ အိပ်စက်မှုစက်ကွင်းမမှန်မှုဒဏ်ခံစားရပါတယ်။ နာဆာက သိပ္ပံပညာရှင်တွေကတော့ ဒီပြဿနာကို ဖြေရှင်းဖို့ အထိရောက်ဆုံးနည်းလမ်းတစ်ခု တွေ့ထားပါတယ်။
အဲ့ဒါကတော့ အိပ်တဲ့အချိန်နဲ့ ထတဲ့အချိန်ကို တချိန်တည်းဖြစ်အောင် ထားတာပါပဲ။ အာကာသကို မသွားခင်ကတည်းက အာကာသယာဉ်မှူးတွေကို သူတို့ရဲ့ စည်းချက်နဲ့ အိပ်ချိန် Pattern ကို အာကာသထဲကအတိုင်း ကိုယ်ပိုင်အိပ်စက်မှုဇယားထားပြီး အိပ်ခိုင်းလိုက်ပါတယ်။ ဒီလိုမျိုး အချိန်နဲ့အခါနဲ့ အိပ်နည်းကို ပုံမှန်လူတွေလည်း လိုက်နာရင် ကျန်းမာရေးနဲ့ပိုညီညွတ်တဲ့ အိပ်စက်မှုပုံစံ ရလာမှာပါ။
မအိပ်ခင်မှာ နံရံကို ခြေကန်ပြီး ၁၀ မိနစ်လောက် အကြောလျှော့ရင်လည်း သွေးစီးဆင်းမှု ပိုကောင်းပြီး အကြောတွေ ပြေလျော့ကာ စိတ်တွေ ငြိမ်းအေးစေလို့ အမြန်အိပ်ပျော်စေနိုင်ပါတယ်။
၂) အိပ်ရေးပျက်အောင် လုပ်တဲ့ အကျင့်ဆိုးတွေ ဖယ်ရှား
Photo: Brightside Me
မြန်မြန်အိပ်ပျော်ဖို့ဆို မအိပ်ခင် ကိုယ်လုပ်တဲ့ အရာတွေပေါ်လည်း အများကြီးမူတည်ပါတယ်။ ညနေဘက်ပြေးတာ ၊ Gym Workout ကစားတာတွေက ကိုယ်အပူချိန်ကို တိုးစေပြီး ကိုယ်တွင်းဖြစ်စဉ်တွေကို မြှင့်တင်ပေးလို့ အိပ်စက်ဖို့ အချိန်ပိုယူရပြီး အိပ်စက်မှုလည်း မတည်မငြိမ်ဖြစ်စေနိုင်ပါတယ်။ ဒါကြောင့်ပဲ အာကာသယာဉ်မှူးတွေဟာ ညမအိပ်ခင် နာရီအနည်းငယ်လောက် အလိုမှာ ကိုယ်ကာယလှုပ်ရှားမှုတွေ မလုပ်ဖြစ်အောင် သတိထားပါတယ်။
နောက်ပြီး အိပ်ခါနီး Heavy Food တွေလည်း မစားဘဲ ရှောင်တတ်ပါတယ်။ မြန်မြန်အိပ်ပျော်ဖို့ အပြင်ဘက်မှာ ညဘက်မှ အားကစားမလုပ်ပါနဲ့ ကော်ဖီတွေ သောက်တာ ရှောင်ပါ။ ညနေဘက် စားတဲ့ အစားအသောက်တွေကိုလည်း ဂရုစိုက်ပါ။
(၃) အီလက်ထရွန်းနစ်ပစ္စည်းသုံးတာ အကန့်အသတ်ထား
Photo: Brightside Me
Blue Light တွေက အိပ်ရေးပျက်စေနိုင်လို့ ကွန်ပျူတာနဲ့ စမတ်ဖုန်းတွေကို အိပ်ခါနီး မသုံးမိပါစေနဲ့။ တောက်ပတဲ့ အပြာရောင်အလင်းတွေဟာ အိပ်စက်မှုဟော်မုန်းဖြစ်တဲ့ မယ်လ်တိုနင်ထုတ်လုပ်မှုကို လျှော့ချနိုင်လို့ ဖြစ်ပါတယ်။ နာဆာက အာကာသယာဉ်မှူးတွေဆို အိပ်ရာမဝင်ခင် ၂ နာရီ ၃ နာရီလောက် အလိုက်စပြီး အီလက်ထရွန်းနစ်ပစ္စည်းတွေကို လုံးဝ မသုံးဘဲ ရှောင်ကြပါတယ်။
(၄) မီးအလင်းရောင် အရွေး မှန်အောင်လုပ်
LED မီးအိမ်တွေကို ဒီနေ့ခေတ်မှာ အိမ်တိုင်းလိုလို သုံးနေကြပါတယ်။ Blue Light ပေးတဲ့ Fluorescent မီးအလင်းမျိုးဟာ အိပ်စက်မှုကို ထိခိုက်စေလို့ အာကာသယာဉ်တွေမှာ မသုံးပါဘူး။ အိပ်စက်မှုကို အနှောင့်အယှက်မဖြစ်စေဖို့ဆို အဝါရောင် ဒါမှမဟုတ် လိမ္မော်ရောင်အလင်းတွေကို အိပ်ခန်းထဲမှာ ထည့်ထားပါ။
(၅) အိပ်တဲ့နေရာကို သေချာဖန်တီး
Photo: Brightside Me
အာကာသဝန်ထမ်းတွေ အားလုံးမှာ အလင်းလုံးဝမထားတဲ့ သီးသန့်အခန်းငယ်လေးတွေ ရှိပါတယ်။ နေရောင်ကြောင့် နိုးသွားမှာ စိုးလို့ သီးသန့်ခန်းတွေ ထားတာပါ။ အခန်းထဲ အလင်းအဝင်နည်းလေလေ အိပ်စက်မှု ဟော်မုန်းဖြစ်တဲ့ မယ်လ်တိုနင်ဓါတ် ပိုတက်ပြီး အိပ်လို့ကောင်းလေလေပါပဲ။ အိပ်မယ့်အခန်းဟာ အလင်းရောင်နည်းပြီး တိတ်ဆိတ်မှု ရှိဖို့ လိုပါတယ်။
(၆) အကြောလျှော့နည်းတွေ လုပ်
Photo: Brightside Me
တချို့ အိပ်ရေးပျက်တယ်ဆိုတာ စိတ်ဖိစီးတွေနဲ့ စိတ်ရှုပ်ထွေးမှုတွေ မြင့်နေလို့ ဖြစ်တတ်ပါတယ်။ နာဆာအာကာသယာဉ်မှူးတွေမှာ စိတ်အေးချမ်းအောင်လို့ သိစိတ်အပြုအမူဆိုင်ရာ ကုထုံးတွေ သုံးပြီး မအိပ်ရင် စိတ်မှာ တင်းနေတဲ့ အကြောတွေ ဖြေလျှော့မှု လုပ်ရပါတယ်။ စိတ်ဖြေလျှော့မှုနည်းလမ်းက သိပ်အခက်ကြီး မဟုတ်ပါဘူး။ အသက်ကို ဖြေးဖြေးနဲ့ နက်နက်ရှိုင်းရှိုင်းဖြစ်အောင် ၁ ကနေ ၅ အထိ ရေပြီး ရှု ၊ ၅ စက္ကန့်လောက်အောက်ထားပြီး ၁ ကနေ ၅ အထိ ရောက်အောင် ရေပြီး ရှုထုတ်လုပ်ရတာပါ။
ဒီလေ့ကျင့်ခန်းလေးတွေ ပုံမှန်လုပ်ပေးမယ် ခဏခဏ လုပ်သွားမယ်ဆိုရင် ကြွက်သားတွေတင်းတာ ဖြေလျှော့ပေးနိုင်ပြီး အိပ်ရတာ ပိုပြီးနှစ်နှစ်ခြိုက်ခြိုက် ဖြစ်စေမှာပါ။
