ရင့်ကျက်တဲ့ လူတစ်ယောက်ဖြစ်လာဖို့ အသက်အရွယ်ပြောင်းလဲမှု ကြုံတွေ့ရမယ့်ဘဝအတွေ့အကြုံတွေများစွာကို ကျော်ဖြတ်ကြရပါတယ်။ လူတစ်ယောက် ရင့်ကျက်လာပုံချင်းတော့မတူနိုင်ပေမယ့် တဖြေးဖြေးချင်း ရင့်ကျက်လာတဲ့အခါမှာ အခုပြောပြမယ့် အရာလေးတွေပြောင်းလဲလာပါလိမ့်မယ်။
(၁) ဝန်ခံတတ်လာတယ်
Photo : Terrence Murtagh
ကိုယ်မှားတဲ့ အခါမှာ မှားကြောင်း ဝန်ခံခြင်းဟာ ရင့်ကျက်ခြင်းရဲ့ လက္ခဏာ ဖြစ်သလို တစ်ခြားသူတွေရဲ့ အခွင့်အရေးနဲ့ ရပ်တည်မှုပေါ် အသိအမှတ်ပြုခြင်းဟာလည်း ရင့်ကျက်လာတဲ့ စိတ်အခြေအနေကို ပြနေတာပါ။
(၂) အပြောင်းအလဲကို လက်ခံတက်လာတယ်
Photo : Experian
အောင်မြင်ရှုံးနိမ့်ခြင်း ပျော်ရွှင်ဝမ်းနည်းခြင်း စတဲ့စတဲ့ ဘဝအနိမ့်အမြင့် ပြဿနာတွေနဲ့ ကြုံချိန်မှာ အရင်တုန်းကလို ကလေးဆန်ဆန် ငိုညည်းတာမျိုး မလုပ်တော့ပါဘူး။ ဒေါင်ကျပြားကျ ရင်ဆိုင်မယ်ဆိုတဲ့ တင်းထားတဲ့ စိတ်မာန်မျိုးနဲ့ အပြောင်းအလဲကို လက်ခံလာပါတယ်။
(၃) ခံစားချက်တွေ ထိန်းချုပ်လာနိုင်တယ်
Photo : Her Way
အရင်ကလို စိတ်ခံစားချက်ကို ရှေ့တန်းတင်ပြီး အလျင်စလို စိတ်လိုက်မာန်ပါ မဆုံးဖြတ်တော့ဘူး။ အကြောင်းရင်းကို ခေါင်းအေးအေးနဲ့ ရှာပြီး ပိုပြီး အဓိပ္ပါယ်ရှိရှိနဲ့ ဂရုတစိုက် တုန့်ပြန်လာတတ်ပါတယ်။
(၄) တာဝန်ယူတတ်လာတယ်
Photo : Verywell Mind
ရင့်ကျက်လာတဲ့သူဟာ ကိုယ့်အမှားတွေ ၊ စိတ်ခံစားချက်တွေ ၊ လိုချင်ဆန္ဒတွေနဲ့ တုန့်ပြန်မှုတွေကို တာဝန်ယူတတ်တဲ့ စိတ်မွေးလာပါတယ်။ တစ်ခြားသူပေါ် အပြစ်ဖို့တာထက် ဒါကို ဘယ်လို ပြင်လို့ ရမလဲ ဆိုတဲ့ဘက်က စဉ်းစားလာပါတယ်။
Featured Photo : One Country
