ဖောက်ပြန်တယ်ဆိုတာ တကယ်တော့ယောကျာ်း မိန်းမခွဲခြားလို့ရတဲ့အရာတစ်ခုမဟုတ်ပါဘူး။ အမျိုးသားတွေကပဲ ဖောက်ပြန်တက်တယ်လို့ ထင်နေရင်တော့ သင်မှားသွားနိုင်ပါတယ်။ လေ့လာမှုတွေအရ အမျိုးသမီးတွေကလည်း အမျိုးသားတွေနည်းတူ ဖောက်ပြန်ခြင်းတွေကို ကျူးလွန်တက်ကြတာဖြစ်ပါတယ်။ဒီနေ့မှာတော့ သင့်ချစ်သူကောင်မလေး ဖောက်ပြန်နေတယ်ဆိုတာသိနိုင်မဲ့ အချက်တွေကို ပြောပြပေးချင်ပါတယ်။
(၁) ကိုယ်ရေးကိုယ်တာပတ်သတ်ပြီး တုန့်ပြန်မှုတွေပြင်းထန်လာမယ်
Source : Shutterstock
လူတိုင်းလူတိုင်းမှာ တခြားသူတစ်ယောက်ကိုပေးမသိချင်တဲ့ ကိုယ်ရေးကိုယ်တာကိစ္စတွေရှိတက်ပါတယ်။ ချစ်သူနှစ်ဦးကြားမှာလည်း ရှိကောင်းရှိနိုင်ပါတယ်။သို့သော်လည်း သူမရဲ့ ကိုယ်ရေးကိုယ်တာ ကိစ္စတွေနဲ့ ပတ်သတ် ပြီး ပုံမှန်မဟုတ်တဲ့အမူအရာတွေပြုလုပ်လာပြီဆိုရင်တော့ သတိထားသင့်ပြီလို့ပြောရမှာပါပဲ။ဥပမာ သူမရဲ့ ဖုန်းကိုယူကိုင်လိုက်ချိန်မှာ ကြောက်လန့်တကြား ပြန်လုယူတာမျိုး အလုပ်အခြေအနေတွေမေးရင် မကြိုက်တာမျိုးစသည်ဖြင့် ပြုမူနေတယ်ဆိုရင် သင်မသိစေချင်တဲ့ ဖုံးကွယ်ထားမှုတချို့ရှိနေတယ်ဆိုတာ တွက်ဆကြည့်လို့ရပါတယ်။
(၂) သင်နဲ့ မျက်လုံးချင်းစုံကြည့်ဖို့ တွန့်ဆုတ်နေမယ်
Source : Shutterstock
ကိုယ်အပေါ် တစ်စုံတစ်ရာဖောက်ပြန်လိမ်ညာထားတဲ့ သူတစ်ယောက်အတွက်တော့ ကိုယ်နဲ့ အချိန်ကြာကြာ မျက်လုံးချင်းစုံကြည့်ဖို့ဆိုတာ တော်တော်လေးကို ခက်ခဲတဲ့အလုပ်တစ်ခုဖြစ်နေပါလိမ့်မယ်။ မျက်လုံးဆိုတာ စိတ်ရဲ့ပြတင်းတံခါးတစ်ချပ်လို့ ပြောလို့ရပြီး မျက်လုံးကနေ ဖုံးကွယ်ထားတဲ့အရိပ်အရောင်တွေကို မြင်တွေ့နိုင်ပါတယ်။အရင်က တစ်ယောက်မျက်နှာတစ်ယောက်ကြည့်မဝဖြစ်ပေမဲ့ သူမဖောက်ပြန်နေပြီဆိုရင်တော့ သင့်နဲ့အကြည့်ချင်းစုံဖို့ကို ကြောက်လန့်တွန့်ဆုတ်နေပါလိမ့်မယ်။
(၃) အမြဲတမ်းအလုပ်ရှုပ်နေပြီး သူမရှိတဲ့နေရာကို ပြောပြဖို့ ဝန်လေးနေမယ်
Source : Shutterstock
များသောအားဖြင့် သင်ချစ်သူဟာဖောက်ပြန်နေပြီဆိုရင် သူမရဲ့ တစ်နေ့တာလှုပ်ရှားမှု အချိန်တွေတော်တော်များများက ပြောင်းလဲလာပါလိမ့်မယ်။ အလုပ်တွေအရင်ကထက်ပိုများလာမယ်။ အားလပ်ရက်တွေမှာတောင် သူမရဲ့တခြားသော လုပ်ငန်းဆောင်တာ ကိစ္စတွေအတွက် အချိန်ပြည့်နေမယ်။ သင်အပေါ်အချိန်ပေးတယ်ဆိုတာ တော်တော်လေးရှားသွားပါလိမ့်မယ်။ နောက်ပြီးသူမအနေနဲ့ သင်နဲ့မတွေ့ဖြစ်တဲ့အချိန်တွေမှာ ဘယ်သွားနေတယ်ဘယ်သူတွေနဲ့ရှိနေတယ်ဆိုတာကို ပြောပြဖို့ ဝန်လေးနေတက်ပါတယ်။ဒါတွေက ဖောက်ပြန်မှုရဲ့ အရိပ်လက္ခဏာတွေဖြစ်ပါတယ်။
(၄) သင်နဲ့တည်ဆောက်ထားတဲ့ အချစ်အရေးအပေါ် အလိုမကျမှုတွေများလာမယ်
Source : Shutterstock
ဖောက်ပြန်နေပြီဆိုရင် သူမအနေနဲ့ လက်ရှိ အချစ်ရေးအပေါ်မှာ အလိုမကျမှုတွေ ပြစ်တင်မှုတွေများပါလိမ့်မယ်။ သင့်ကိုလည်း ဘာမဟုတ်တဲ့ ကိစ္စတွေအတွက် အကြီးအကျယ်စကားများရတာမျိုးတွေ အပြစ်တင်ခြင်းတွေ ပြုလုပ်လာပါလိမ့်မယ်။သင့်နဲ့ တည်ဆောက်ထားရတဲ့အချစ်ရေးဟာ သူမအတွက် ပျော်ရွှင်မှုမရှိတော့ဘူးဆိုတဲ့ အရိပ်အယောင်မျိုးတွေဆက်တိုက်ပြလာမယ်။ နောက်ဆုံးသင့်နဲ့ ဘာပြဿနာမှ မရှိရင်တောင်အရင်လိုသင့်ကို ချစ်တယ်ဆိုတဲ့စကားတစ်ခွန်းပြောထွက်ဖို့ တော်တော်လေးကို ခက်ခဲနေပါလိမ့်မယ်။ အေးတိအေးစက်အခြေအနေမျိုးနဲ့ သင့်အပေါ် ငြိုငြင်မှုတွေ အပြစ်တင်မှုတွေဆက်တိုက်လုပ်နေမယ်ဆိုရင် ဒါဟာဖောက်ပြန်ခြင်းရဲ့ အမူအရာတစ်ခုပဲလို့ဆိုနိုင်ပါတယ်။
