ဝက်ခြံအမျိုးအစားထဲမှာ မလွှဲမသွေရှောင်လွှဲမရနိုင်လောက်အောင် တွေ့ကြုံခံစားကြရတာကလည်း ဆားဝက်ခြံတွေပါပဲ။ ဆားဝက်ခြံတွေဟာ မျက်နှာရှိဆဲလ်အသေများနဲ့ အဆီဓာတ်များပေါင်းစပ်ပြီး ဖြစ်လာတတ်တဲ့ အမည်းရောင်အဆံများ ဖြစ်ပါတယ်။ လက်နဲ့ညှစ်ထုတ်လျှင်လည်း အမာရွတ်များကျန်ရှိတတ်ပြီး အသားရေကိုထိခိုက်ပျက်စီးစေတတ်တာကြောင့် ဆားဝက်ခြံပြဿနာကို နည်းမှန်လမ်းမှန်ဖြေရှင်းနိုင်အောင် နည်းလမ်းတွေမျှဝေပေးလိုက်ပါတယ်နော်။
(၁) ပုံမှန်ဂျီးချွတ်သန့်စင်ပေးပါ
Photo : Tools of Men
မျက်နှာအသားအရေပေါ်တွင် ကြမ်းတမ်းစေမည့်အဆံများပါသော ဂျီးချွတ်ဆေးမျိုးထပ် အားပျော့တဲ့Acidများဖြစ်သော AHA ,PHA ပါတဲ့ Chemical ဂျီးချွတ်ဆေးမျိုးသုံးပေးခြင်းက အသားအရေရဲ့အပေါ်ယံလွှာမှာရှိတဲ့ ဆဲလ်သေတွေကိုအကောင်းဆုံးဖယ်ရှားပေးနိုင်တဲ့အတွက် ဆားဝက်ခြံတွေကို အမြန်ဆုံးရှင်းထုတ်ပေးနိုင်မှာအသေချာပါပဲ။
(၂) သဘာဝရွှံစေးပါဝင်သော Clay mask များဖြင့်ပေါင်းတင်ပါ
Photo : Rolling Stone
Exfoliater လို့ခေါ်တဲ့ ဂျီးချွတ်ဆေးတွေသုံးပြီးရာတွင် မျက်နှာမှာရှိတဲ့ ချွေးပေါက်များပွင့်သွားပြီး အညစ်ကြေးများကင်းစင်နေ၍ ထိုအချိန်တွင် Clay mask သုံးပေးလိုက်ပါ။ ဒါဆိုရင် Clay mask မှာပါတဲ့ အာနိသင်များက ချွေးပေါက်ထဲထိဝင်ရောက်နိုင်ပြီး ဆားဝက်ခြံဖြစ်စေသောအဆီ၊ အညစ်အကြေးတွေကို ထိထိရောက်ရောက်ဖယ်ရှားပေးနိုင်ပါတယ်။
(၃) နေရောင်ကာခရင်မ် ပုံမှန်လိမ်းပါ
Photo : iStock
ချွေးပေါက်များထဲရှိ အညစ်အကြေးများကိုပါ ဖယ်ရှားပြီးချိန်တွင် ကျွန်တော်တို့မျက်နှာအသားရေသည် အထိအခိုက်မခံနိုင်အောင် နုနယ်သောအခြေနေဖြစ်ပါတယ်။ အဲ့အတွက် နေရောင်ခြည်ကိုပုံမှန်ထပ် ကာကွယ်နိုင်စေမည့် Sunscreen များလိမ်းပေးဖို့ အထူးလိုအပ်ပါတယ်။ ဒါမှသာ နောက်ထပ်ဖုန်မှုန့်၊ အညစ်အကြေးများသာမက နေရောင်ခြည်ဒဏ်ကိုပါကာကွယ်နိုင်ပြီး ဖြူစင်ကြည်လင်တဲ့ အသားရေကိုပိုင်ဆိုင်နိုင်မှာပါ။
(၄) အသားရေခြောက်စေသော ပစ္စည်းများအား အလွန်အကြွံသုံးခြင်းမှ ရှောင်ရှားပါ
Photo : Grooming Lounge
အသားအရေပြဿနာများအတွက်ထုတ်လုပ်တဲ့ ကုန်ပစ္စည်းအများစုသည် မျက်နှာမှသဘာဝအဆီဓာတ်ကို လျော့နည်းစေသောနည်းဖြင့် ဝက်ခြံကဲ့သို့ပြသနာများကိုဖြေရှင်းတတ်ကြသည်။ ရေတိုရလဒ်အနေဖြင့် စိတ်ကျေနပ်စရာကောင်းသော်လည်း ရေဓာတ်၊ အဆီဓာတ် မညီမျှတော့လျှင် အဆီထုတ်နှုန်းပိုမြင့်လာပြီး ဆားဝက်ခြံသာမကအခြားသောပြသနာများကိုဖြစ်စေနိုင်ပါသည်။
Featured Photo : Newsweek