ကိုယ့်မှာ ပါရမီ ရှိ မရှိ ဘယ်လိုသိနိုင်မလဲ။ လုံလောက်တဲ့အရည်အချင်း အပြည့်အဝရှိရဲ့လားဆိုတာကိုရော ဘယ်လိုစစ်ဆေးနိုင်မလဲ။
ကိုယ့်ကိုယ်ကိုယ် ယုံကြည်ချက်နည်းပြီး ကိုယ့်ရဲ့အရည်အချင်းကို မယုံကြည်တဲ့ ယောကျာ်းများအတွက် ဒီဆောင်းပါးလေးက ကိုယ့်ရဲ့အရည်အချင်းတွေကို ဘယ်လိုဖော်ထုတ်နိုင်ဖို့အတွက် ကူညီပေးပါလိမ့်မယ်။
သင့်ရဲ့စိတ်ကူးယဉ်အိပ်မက်အားလုံးကို ပြန်တွေးကြည့်ပါ
Photo Source: Aachurch.com
သင့်ရဲ့ကလေးဘဝကတည်းကနေ ဆယ်ကျော်သက်အရွယ်၊ တက္ကသိုလ်အရွယ် နောက်ဆုံးအခုအချိန်အထိ မက်ခဲ့ဖူးတဲ့အိပ်မက်တွေအားလုံးကို ချရေးလိုက်ပါ။
မိမိဝါသနာပါတဲ့အရာများကို ချရေးထားပါ
Photo Source: Mypressplus.com
ငယ်ငယ်ကတည်းကနေ အခုအချိန်အထိ ပြုလုပ်ခဲ့တဲ့ (သို့) ပြုလုပ်နေဆဲဖြစ်တဲ့ ဝါသနာများကိုလည်း ချရေးလိုက်ပါ။ ဘယ်ဝါသနာတွေကို ပြုလုပ်တဲ့အခါ ပျော်ရွှင်မှုကို ခံစားရပါသလဲ။ ထိုအချက်များကိုပါ တစ်ခါတည်း ချရေးထားပါ။
မလိုအပ်တဲ့အရာများကို ဖယ်ရှားလိုက်ပါ
စောစောက ရေးခဲ့တဲ့ စိတ်ကူးယဉ်အိပ်မက်များထဲကမှ လက်တွေ့မဆန်တဲ့အရာများ၊ သင့်အတွက် အသုံးမဝင်တဲ့အရာများကို ဖယ်ရှားလိုက်ပါ။ ထို့နောက် အမျိုးတူရာ တူရာကို အုပ်စုဖွဲ့ထားပါ။ မိမိရဲ့စိတ်ကူးယဉ်အိပ်မက်နှင့် ဝါသနာများကိုလည်း လိုက်ဖက်ရာ တွဲထားပါ။
လိုအပ်တဲ့အရည်အချင်းများကို ချရေးလိုက်ပါ
Photo Source: Themaneffect.com
ဒီရည်မှန်းချက်ဖြစ်မြောက်ဖို့ရန်အတွက် ဘယ်လိုအရည်အချင်းတွေ လိုအပ်မလဲ။ ဒီအရည်အချင်းနဲ့ ဆင်တူတဲ့အရာများကို ဝါသနာအဖြစ် ပြုလုပ်ဖူးပါသလား စတဲ့အချက်များကို သေချာစဉ်းစားလိုက်ပါ။
ချရေးထားတဲ့ အိပ်မက်များထဲမှ ကိုယ့်ကို စိတ်ဝင်စားမှုအပေးနိုင်ဆုံး အိပ်မက်၊ ဝါသနာများကို ၁ ကနေ ၁၀ အထိ အမှတ်စဉ်စီလိုက်ပါ။ ဒါဆိုရင် သင် လက်ရှိအချိန်မှာ ဘယ်အရာကို ဦးစားပေးလုပ်ရမလဲ။ ကိုယ့်ရဲ့အရည်အချင်းတွေ ပါရမီတွေကရော ရှိပြီးသားလားဆိုတာ သိမြင်လာပါလိမ့်မယ်။
စာဖတ်သူများအားလုံးလည်း မိမိနှစ်သက်ရာ အိပ်မက်များကို အမြန်ဆုံးရှာတွေ့နိုင်ပြီး အောင်မြင်တဲ့ဘဝကို ဆွတ်ခူးနိုင်ကြပါစေကြောင်း ဆုမွန်ကောင်းတောင်းပေးလိုက်ရပါတယ်။
Source: Brightside.me
Featured Image Source: Earlytorise.com
