ယနေ့ခေတ် လူတော်တော်များများဟာအဲကွန်းခန်းထဲမှာ ငြိမ်ငြိမ်လေးထိုင်ပြီး အလုပ်လုပ်ရတာ ပိုကြိုက်ကြတာကို တွေ့ရပါတယ်။ တစ်ချို့ဆိုရုံးရောက်တာနဲ့ ထိုင်ခုံကနေကို မထတော့တဲ့ အထိပါပဲ။ ဒီလိုအထိုင်များတာဟာ ကျန်းမာရေးရှူထောက်ကနေကြည့်ရင် ဆိုးကျိုးတွေ အများကြီးရှိနေပါတယ်။
Source: Orthosports Medical Center
အထိုင်များခြင်းရဲ့ ဆိုးကျိုးတွေကဘာတွေလဲ။ ဘယ်လိုကာကွယ်ရမလဲဆိုတာကို ဒီနေ့ kwee ကပြောပြပေးသွားမှာပါ။
အထိုင်များခြင်းရဲ့ ကျန်းမာရေးနောက်ဆက်တွဲများ
- အဝလွန်လာမယ်
- ဆီးချို၊ သွေးတိုး၊ နှလုံးရောဂါဖြစ်လာနိုင်ခြေကို မြင့်တက်စေတယ်
- စားလိုက်တဲ့အစားအစာကနေ အဆီနဲ့ ကယ်လိုရီလောင်ကျွမ်းမှု နှေးကွေးလာမယ်
- ကိုယ်တွင်းကလီစာတွေက အဆီဖုံးလာမယ်
- အမြဲတမ်းထိုင်နေရတဲ့အခါ သွေးလည်ပတ်စီးဆင်းနှုန်း နှေးကွေးလာမယ်
- လေးလံထိုင်းမှိုင်းလာမယ်
- ကိုယ့်အလုပ်ကလွဲရင် တခြားပင်ပန်းလောက်မယ့် အရာမှန်သမျှ လုပ်ချင်စိတ်မရှိတော့ဘဲ ပျင်းလာမယ်
- အရိုးအကြောတွေက အားနည်းပြီး အရိုးပါးရောဂါဖြစ်ဖို့ ပိုလွယ်လာမယ်
- အမောမခံနိုင်၊ သက်လုံမကောင်းတော့တဲ့အတွက် အသက်ကြီးလာရင် ဒုက္ခရောက်တတ်ပါတယ်။
- စောစီးစွာ သေဆုံးနိုင်ပါတယ်။
- ခန္ဓာကိုယ်ရဲ့ နေရာအနှံ့ သို့မဟုတ် တစ်နေရာတည်း ကွက်ပြီး ဗိုက်ပူလာမယ်
- ဝမ်းဗိုက်အဆီဖုံးပြီး ဗိုက်ရွှဲလာမယ်
- တင်ပါး ပြားချပ်လာမယ်
ဘာတွေ ပြင်ဆင်ရမလဲဆိုရင်
Source: Expertrain
- ဓာတ်လှေကား၊ စက်လှေကားထက် ရိုးရိုးလှေကားကို ဖြစ်နိူင်ရင်ပိုပြီး အသုံးပြုပေးပါ။
- အလုပ်မသွားခင် မနက်ပိုင်းကို လမ်းထလျှောက်ပေးပါ။
- အလုပ်က ပြန်တဲ့အချိန်မှာလည်း အိမ်မရောက်ခင် ၂-၃ မှတ်တိုင်အလိုမှာဆင်းပြီး လမ်းလျှောက်ပေးပါ။
- အဆီတက်စေမယ့် အစားအသောက်တွေ ရှောင်ပါ။ ဟင်းသီးဟင်းရွက် များများစားပေးပါ။
- ရေများများသောက်ပါ။ ကော်ဖီ၊ ဆိုဒါဓာတ်များတဲ့ အအေးတွေ၊ အရက်သေစာ တတ်နိုင်သလောက် ရှောင်ပါ။
- အချိန်ပေးနိူင်ရင် Gym ကစားပေးပါ။
- ဝါသနာပါရင် ယောဂ ကျင့်ပေးပါ။
- အားလပ်ရက်တွေမှာ အာကစားလုပ်ပေးပါ။
Source: Teeth Bleaching
လူ့ဘဝမှာ ကျန်းမာရေးက အဓိကပါ။ ကျန်းမာရေးကောင်းမှ ကျန်တဲ့ ကိစ္စတွေကို အာရုံစိုက်ပြီး လုပ်ဆောင် နိူင်မှာပါ။
