ပထမအရွယ်မှာ ပညာရှာ၊ ဒုတိယအရွယ်မှာ ဥစ္စာရှာဆိုတဲ့အတိုင်းမှာ ကျောင်းပြီးဘွဲ့ရတဲ့အခါ လုပ်ငန်းခွင်ဝင်ဖို့ ကြိုးစားရပါတော့တယ်။ မိမိလိုချင်တဲ့အလုပ်အကိုင်လေးရဖို့အရေး ကိုယ်ရေးအချက်အလက်ကို ပြီးပြည့်စုံအောင်ရေး၊ ပြီးတဲ့အခါ လူတွေ့စစ်ဆေးအောင်မြင်ပြီဆိုရင်တော့ အလုပ်ရသွားပြီပေါ့။ အလုပ်စစဝင်ချင်းမှာတော့ စိတ်ဓာတ်တက်ကြွနေပြီး လအတော်ကြာလာတဲ့အခါမှာတော့ အလုပ်ရဲ့ဖိစီးမှုဒဏ်တွေကြောင့် မပျော်မရွှင်ဖြစ်ပြီး ငြီးငွေ့လာပါတော့တယ်။ ဒါပေမဲ့ သင့်ရဲ့ အချိန်တွေကို ပျင်းရိငြီးငွေ့စွာနဲ့ပဲ ကုန်ဆုံးလိုက်တော့မှာလား။ လုပ်ငန်းခွင်မှာ အချိန်ကုန်တာချင်းအတူတူ ရာထူးတွေတစ်ခုပြီးတစ်ခုတိုးသွားပြီး အောင်မြင်ပျော်ရွှင်စွာနဲ့ အချိန်မကုန်ဆုံးချင်ဘူးလား။ ဒါဆိုရင်တော့ အခုဖော်ပြမယ့် နည်းလမ်း ၅ ချက်ကို ဆက်ဖတ်ကြည့်လိုက်ရအောင်။
မိမိအလုပ်ကို တာဝန်ကျေပွန်စွာလုပ်ဆောင်ပါ
Source: freepik.com
ဒီအချက်ကတော့ အင်မတန်အရေးကြီးပါတယ်။ ကိုယ့်ကို ပေးအပ်လာတဲ့တာဝန်ကို ကျေပွန်အောင် လုပ်ဆောင်မယ်ဆိုရင်တော့ သင့်သူဌေးကလည်း သင့်ကို သဘောတွေ့မှာအမှန်ပါပဲ။ ဒါပေမဲ့ သတိထားရမယ့်တစ်ချက်က ကိုယ်လုပ်ရမယ့်တာဝန်ကို သေချာနားလည်ရဲ့လားဆိုတာ ကိုယ့်ကိုယ်ကို ပြန်မေးကြည့်ပါ။ နားမလည်သေးဘူးဆိုရင် မေးခွန်းမေးဖို့ အားမနာပါနဲ့။ မကြောက်ပါနဲ့။
ကိုယ့်အမှားကနေ သင်ယူပါ
Source: sovhealth.com
လူရယ်လို့ဖြစ်လာရင် ပြီးပြည့်စုံတဲ့လူဆိုတာ မရှိပါဘူး။ အမှားတွေ ပြုလုပ်မိတာကတော့ သဘာဝပါပဲ။ အမှားများလွန်းလို့လည်း ငါက အသုံးမကျလေခြင်းဆိုပြီး ကိုယ့်ကိုယ်ကို အပြစ်မမြင်ပါနဲ့၊ စိတ်ဓာတ်မကျလိုက်ပါနဲ့။ ကိုယ်ကျူးလွန်မိတဲ့ အမှားတွေကနေ သင်ခန်းစာယူပါ။ သို့ပေမယ့် တူညီတဲ့အမှားမျိုးကို ထပ်တလဲလဲမကျူးလွန်မိပါစေနဲ့။
စည်းမျဉ်း စည်းကမ်းတွေကို လိုက်နာပါ
Source: www.td.org
အကွပ်မဲ့ကြမ်း ပရမ်းပတာဆိုတဲ့အတိုင်းပဲ စည်းမျဉ်း စည်းကမ်းတွေကို လိုက်နာတတ်ခြင်းက သင့်ရဲ့အဆင့်အတန်းကို တစ်ဆင့်မြှင့်တင်ပေးလိုက်သလိုပါပဲ။ သင့်လုပ်ငန်းခွင်မှာ ချမှတ်ထားတဲ့ စည်းမျဉ်းတွေကို လိုက်နာပါ။ တစ်ယောက်ယောက်က ကိုယ့်ကို ချောက်ချချင်လို့ လာထောက်ပြရင်လည်း ကိုယ်က စည်းကမ်းအတိုင်းလိုက်နာတာဖြစ်ကြောင်း ပြန်ချေပလို့ရတာပေါ့။
ယဉ်ကျေးပျူငှာတတ်ပါစေ
Source: cxservice360.com
မိမိကိုယ်ကို ယုံကြည်ချက်ရှိမှု၊ ပြုံးရယ်တတ်မှုနဲ့ ရင်းနှီးဖော်ရွေမှုတွေက သင့်ရဲ့ သူဌေး၊ သင့်အထက်လူကြီး၊ သင့်လုပ်ဖော်ကိုင်ဖက်တွေနဲ့ ကောင်းမွန်တဲ့ ဆက်ဆံရေးတစ်ခုကို ဖန်တီးပေးနိုင်ပါတယ်။ ဒါပေမဲ့ လိုတာထက် မပိုဖို့တော့ အရေးကြီးပါတယ်။ နို့မဟုတ်ရင် သင့်ကို ဖားတတ်တဲ့သူဆိုပြီး အထင်မြင်လွဲခြင်းကို ခံရနိုင်ပါတယ်။ ဟာသဥာဏ်ရွှင်တဲ့သူကို လူတိုင်းသဘောကျပေမယ့် မှတ်ထားရမယ့် အရာတစ်ခုက သင်က လုပ်ငန်းခွင်ကို အလုပ်လုပ်ဖို့သွားတာဖြစ်ပြီး ဟေးလားဝါးလားနဲ့ အာလူးဖုတ်ဖို့ မဟုတ်ဘူးဆိုတာပါပဲ။ သင့်ရဲ့အချိန်တွေကို အကျိုးရှိရှိကုန်ဆုံးတတ်ပါစေ။
ပူးပေါင်းလုပ်ဆောင်တတ်တဲ့စိတ်ဓာတ် မွေးမြူပါ
Source: unsplash.com
အစည်းအဝေးတက်ရတဲ့အခါ အခြားသူပြောတာကို ဂရုတစိုက်နားထောင်ပေးခြင်းက သင်က သူတို့ရဲ့ ထင်မြင်ယူဆချက်ကို အလေးထားတယ်လို့ ခံစားရတာကြောင့် သင့်ရဲ့စိတ်ဓာတ်ကို အသိအမှတ်ပြုလေးစားပါလိမ့်မယ်။ ဒါပေမဲ့ သင်ကိုယ်တိုင်လည်း ပါဝင်ဆွေးနွေးဖို့ မမေ့ပါနဲ့။ ဒါမှ သင်ရဲ့စိတ်အားထက်သန်မှုကို မြင်တွေ့ရမှာမို့လို့ပါ။
မိမိလုပ်ငန်းခွင်မှာ စံနမူနာထားအပ်တဲ့သူ၊ ကိုယ်လေးစားရမယ့် ပုဂ္ဂိုလ်တစ်ယောက် ထားရှိပါ
Source: monstergulf.com
လုပ်ငန်းခွင်မှာ ကိုယ့်ရဲ့ လုပ်ဖော်ကိုင်ဖက်၊ ဒါမှမဟုတ် ကိုယ့်အထက်လူကြီး ကိုယ်လေးစားအားကျရတဲ့သူတစ်ယောက်တော့ရှိမှာပါပဲ။ အဲ့ဒီလို စံနမူထားအပ်တဲ့သူဆီက အကြံဥာဏ်တွေ တောင်းခံခြင်းက သင့်ရဲ့လုပ်ငန်းခွင်ဘဝအတွက် အထောက်အကူပြုပါတယ်။ အရင်ဆုံး ထိုသူနဲ့ရင်းနှီးကျွမ်းဝင်လာအောင် လုပ်ပါ။ ပြီးရင် ရံဖန်ရံခါ အကြံဥာဏ်များ တောင်းခံခြင်းဖြင့် သင့်တို့နှစ်ယောက်ကြားဆက်ဆံရေးကို ခိုင်မာလာအောင် ပြုလုပ်ပါ။ ဒါဆိုရင်တော့ သင့်လုပ်ငန်းခွင်မှာ အောင်မြင်မှုတွေ ဆွတ်ခူးရရှိလာမှာ အမှန်ပါပဲ။
