လူတိုင်းလိုလို ဘဝမှာ အောင်မြင်မှုတွေကိုပဲ လိုလားကြတာပါ။ အသက်အရွယ်အပိုင်းအခြားတစ်ခုကို ရောက်ရှိလာချိန်မှာ ထိုက်သင့်တဲ့ အောင်မြင်မှုရရှိဖို့အတွက် ငယ်ရွယ်စဉ်ကတည်းက ရည်မှန်းချက်တွေ အိပ်မက်တွေထားရှိဖို့ပါတယ်။ ဒီနေ့မှာတော့ အောင်မြင်မှုကိ လိုလားတဲ့ လူငယ်တိုင်းလိုလို လိုက်နာကျင့်သုံးသင့်တဲ့ အခြေခံအချက်တွေပြောပြပေးချင်ပါတယ်။
ကြိုတင်ပြင်ဆင်မှုရှိပါ
ဘယ်အလုပ်ပဲလုပ်လုပ် ကြိုတင်ပြင်ဆင်မှုရှိခြင်းဟာ ကောင်းတဲ့အလေ့အကျင့်တစ်ခုပါ။ ကိုယ့်ရဲ့ ဘဝအတွက် ကောင်းမွန်တဲ့ အစီစဉ်တွေ ချမှတ်ထားရမှာ ဖြစ်သလို ဖြတ်သန်းနေတဲ့ နေ့စဉ်ဘဝမှာလည်း ပြင်ဆင်မှုတွေရှိဖို့ လိုအပ်ပါတယ်။ ဘယ်အရာကိုမဆို Plan နဲ့ အစီစဉ်တကျဆောင်ရွက်ချင်းဟာ အမှားနည်းစေမှာဖြစ်ပါတယ်။
ရိုးသားကြိုးစားပါ
သင်ဟာကြိုးစားမှုပိုင်းမှာတော့ အမှတ်ပြည့်ပေးရလောက်ပါရဲ့ ရိုးသားမှုမရှိဘူးဆိုရင်လည်း အလကားပါပဲ။ ကိုယ်အောင်မြင်ဖို့ တခြားသူတွေကို နင်းတက်ခြင်းဟာ ရေရည်မတည်မြဲခြင်းမရှိတဲ့ အောင်မြင်မှုတစ်ခုပါ။ ဒါကြောင့်ကြိုးစားပါ။ ရိုးသားမှုလည်း အပြည့်ရှိပါ။
အစဉ်တစိုက်လေ့လာပါ
ကိုယ်ဝါသနာပါရာ ပညာရပ်တစ်ခုကို အစဉ်တစိုက်လေ့လာတက်တဲ့ အကျင့်ကိုမွေးပါ။ သူများယောင်လို့ လိုက်မယောင်မိပါစေနဲ့။ သူငယ်ချင်းတွေနဲ့ ဟေလားဝါးလား ကြုံရာသင်တန်းတွေလိုက်တက်နေတာဟာ ခဏတာအတွက်တော့ ပျော်ဖို့ကောင်းတယ်ထင်ရပေမယ့် ရေရှည်မှာ ဘာအကျိုးရလဒ်မှ မကျန်ခဲ့ပါဘူး။ ကိုယ့်ဝါသနာနဲ့ကိုက်ညီတဲ့ Carrier တစ်ခုခုကိုရှာဖွေပြီး အစဉ်တစိုက်လေ့လာပါ။
အချိန်မဖြုန်းပါနဲ့
လူငယ်တော်တော်များ တိုးတက်မှုနှောင့်နှေးတာဟာ အချိန်ဖြုန်းနေမှု အချိန်မလေးစားမှုတို့နဲ့ အများကြီးသက်ဆိုင်ပါတယ်။ အချိန်ကိုအကျိုးရှိစွာ အသုံးချတက်မယ်ဆိုရင် အချိန်တိုင်းဟာ ရွှေပါ။ ဒါကြောင့် အချိန်မဖြုန်းမိပါစေနဲ့။ ကြိုးစားသင့်သလောက်ကြိုးစားပါ။ နားသင့်သလောက်နားပါ။
Source : Freepik
