အီတလီသည် ဖက်ရှင်ပိုင်းနဲ့ ပတ်သက်လာလျှင် ပြင်သစ်နှင့်အပြိုင် နာမည်ကြီးပြီး ဒီဇိုင်နာဘရန်းများကလည်း အရည်အသွေးကောင်းမွန်ကာ ဆန်းသစ်သောထုတ်ကုန်ပစ္စည်းများကိုသာ ထုတ်လုပ်တဲ့အတွက်ကြောင့် လူကြိုက်များပါတယ်။
နာမည်ကြီး အီတလီဖက်ရှင်ဘရန်းများ အများအပြားရှိတဲ့အနက် ဖက်ရှင်ချစ်သူတိုင်း သိထားသင့်တဲ့ဖက်ရှင်ဘရန်းတချို့ကို ဝေမျှပေးသွားချင်ပါတယ်။
(၁) Gucci
Photo : Pinterest.com
၁၉၂၀ ခုနှစ်တွင် ပထမဦးဆုံးသော Gucci ဆိုင်ကို Guccio Gucci ဆိုသူက အီတလီနိုင်ငံ ဖလောရန့်စ်မြို့တွင် ဖွင့်လှစ်ခဲ့တာပါ။ စဖွင့်ကတည်းက အရည်အသွေးမြင့်မားတဲ့ သားရေပစ္စည်းများကြောင့် လူကြိုက်များလာပြီး အခုဆိုရင် Luxury ဖက်ရှင်ဘရန်းတစ်ခုအဖြစ် ရပ်တည်နေတာ နှစ်ပေါင်းအတော်ကြာခဲ့ပါပြီ။
(၂) Bottega Veneta
Photo : Kingssleeve.com
Bettega Veneta ကိုတော့ ၁၉၆၆ ခုနှစ်တွင် Michele Taddei နဲ့ Renzo Zengiaro ဆိုသူက အီတလီနိုင်ငံ Vicenza မြို့တွင် စတင်ဖွင့်လှစ်ခဲ့တာဖြစ်ပြီး သားရေပစ္စည်းများနဲ့ ပတ်သက်လာလျှင် နာမည်ကြီးပါတယ်။
(၃) Ermenegildo Zegna
Photo : Pacemenscollection.ca
Ermenegildo Zegna တံဆိပ်ကတော့ အီတလီဖက်ရှင်ဘရန်းအားလုံးထဲမှာ သက်တမ်းအရင့်ဆုံးလို့ ပြောရပါမယ်။ Ermenegildo Zengna ဆိုသူက ၁၉၁၀ ခုနှစ်ကတည်းက စတင်တည်ထောင်ခဲ့လို့ပဲဖြစ်ပါတယ်။
(၄) Versace
Photo : Shop19.shopsoutlet2021.ru
Versace သည်လည်း အီတလီ Luxury ဘရန်းထဲတွင် နာမည်ကြီးတစ်ခုဖြစ်ပြီး လက်ပတ်နာရီ၊ လက်ဝတ်ရတနာများ၊ ဖက်ရှင်အသုံးအဆောင်အမျိုးမျိုးတို့ကို တီထွင်ထုတ်လုပ်လျက်ရှိပါတယ်။ သူ့ကိုတော့ Gianni Versace S.r.I ဆိုသူက ၁၉၇၈ ခုနှစ်တွင် မီလန်မြို့၌ စတင်ထုတ်လုပ်ခဲ့ပါတယ်။
(၅) Prada
Photo : Out.com
Prada ကတော့ အားလုံးထဲတွင် တတိယသက်တမ်းအရင့်ဆုံးလို့ ဆိုရပါမယ်။ သူ့ကိုတော့ Mario Prada နဲ့ Martino Prada ညီအစ်ကိုနှစ်ယောက်က ၁၉၁၃ ခုနှစ်တွင် စတင်ထုတ်လုပ်ဖြန့်ချီခဲ့တာဖြစ်ပါတယ်။
(၆) Brunello Cucinelli
Photo : Thepuristonline.com
Brunello Cucinelli သည်လည်း လက်ရာပိုင်းသေသပ်လှပပြီး ဒီဇိုင်းကလည်း ရိုးရိုးရှင်းရှင်းလေးနဲ့ ကြည့်ကောင်းနေအော် ဖန်တီးထားတဲ့အတွက်ကြောင့် လူငယ်လူရွယ်များ ကြိုက်နှစ်သက်ကြပါတယ်။
(၇) Giorgio Armani
Photo : Boutique.humbleandrich.com
ဒီဖက်ရှင်ဘရန်းကိုတော့ ၁၉၇၅ ခုနှစ်တွင် Giorgio Armani နှင့် Sergio Galeotti တို့က တီထွင်ထုတ်လုပ်ခဲ့တာဖြစ်ပြီး သူ့ရဲ့မီလန်မြို့နဲ့ ပတ်သက်လာလျှင် သစ္စာရှိပြီး ထိုမြို့ကို ချစ်မြတ်နိုးတဲ့အတွက်ကြောင့် ကမ်းလှမ်းခံရမှုတွေ ဘယ်လောက်များများ ရှိနေပါစေ ငြင်းပယ်ခဲ့ပြီး ထိုမြို့ကို မစွန့်ခွာခဲ့ပါဘူး။
(၈) Moncler
Photo: Unomodels.com
Moncler သည် ယခုလောလောဆယ်မှာတော့ ဂျက်ကတ်များ၊ ကုတ်အင်္ကျီများနဲ့ ပိုမိုနာမည်ကြီးနေပေမယ့် သူတို့ရဲ့ပထမဆုံးထုတ်ကုတ်များကတော့ တောင်တက်သမားများအတွက် ရည်ရွယ်ထားတဲ့ ခရီးဆောင်အိပ်ရာများ၊ ရွက်ဖျင်တဲများ စသည်တို့ကို စတင်ထုတ်လုပ်ခဲ့တာဖြစ်ပါတယ်။
(၉) Stone Island
Photo: Theguardian.com
Stone Island ကိုတော့ ၁၉၈၂ ခုနှစ်က Massimo Osti ဆိုသူက တည်ထောင်ခဲ့တာဖြစ်ပြီး ရောင်ပြန်ဂျက်ကတ်များ၊ အပူချိန်ပေါ် မူတည်ပြီး အရောင်ပြောင်းသွားတဲ့ ဂျက်ကတ်များ၊ နှစ်ဖက်လှ ဂျက်ကတ်များ စတဲ့ဖက်ရှင်အဝတ်အစားများနှင့် နာမည်ကြီးပြီး သူတို့အသုံးပြု တီထွင်ထားတဲ့ နည်းပညာကြောင့်လည်း သူတို့ရဲ့ထုတ်ကုန်များက အများနဲ့မတူဘဲ အမြဲတမ်းဆန်းသစ်နေတာဖြစ်ပါတယ်။
(၁၀) Fila
Photo: Pinterest.com
Fila ကတော့ ဒီဖက်ရှင်ဘရန်းတွေထဲမှာ ဒုတိယသက်တမ်းအရင့်ဆုံးလို့ ပြောရပါလိမ့်မယ်။ ၁၉၁၁ ခုနှစ်ကတည်းက Ettore Fila နဲ့ Giansevero Fila တို့က စတင်တည်ထောင်ခဲ့တာဖြစ်ပါတယ်။ အားကစားဖက်ရှင်လောကတွင် နာမည်ကြီးလူကြိုက်များတဲ့ အီတလီဖက်ရှင်တစ်ခုဆိုလည်း မမှားပါဘူး။
Source: Nextluxury.com
Featured Image Source: Apetogentleman.com
