Bodybuilding လုပ်တော့မယ်ဆိုရင် ပရိုတိန်းက အဓိကအကျဆုံး Macronutrient ပါပဲ။ ပရိုတိန်းဆိုရင် အသားကပဲ ရတာဖြစ်လို့ အသားရှောင်ပြီး အသီးအရွက်စားသူတွေဆို ပရိုတိန်းချို့တဲ့လို့ Muscle Building လုပ်ရတာ ပိုခက်မယ်လို့ ယူဆကြပါတယ်။ တကယ်တော့ အသားမစားဘဲ အသီးအရွက်ကနေ ပရိုတိန်းတွေ ကုန်ကျစရိတ်သက်သက်သာသာနဲ့ ရနိုင်ပါတယ်။
(၁) အစေ့အဆံ
Photo: Unsplash
မြေပဲ ၊ အယ်လ်မွန်နဲ့ ပီစတာချီယိုစေ့လို အစေ့တွေဟာ အမျှင်ဓါတ် ၊ အဆီဓါတ်နဲ့ ပရိုတိန်းတို့ အချိုးအစား ကျနစွာ ပါရှိထားတယ်လို့ ဆိုပါတယ်။ ပေါ့ပေါ့ပါးပါး သွားရည်စာလို စားနိုင်သလို BodyBuilding လုပ်ချင်သူတွေပါ စားပေးသင့်တဲ့ အစားအစာလို့ ဆိုရမှာပါ။ အစေ့အဆံတွေမှာ ပရိုတိန်းထက် အဆီမြင့်မားတယ်ဆိုပေမယ့် ကိုယ်ရည်စစ်စေတဲ့ Good Fats တွေ ပါဝင်တာကြောင့် Muscle လည်း တည်ဆောက်ရင်း ကြွက်သားလည်း ကျစ်လျစ်စေနိုင်ပါတယ်။
(၂) ပဲအမျိုးမျိုး
Photo: Unsplash
ပရိုတိန်းအကြောင်းပြောရင် ပဲတွေက မပါလို့ မဖြစ်ပါဘူး။ ပဲဟာ အသားပြီးရင် ဒုတိယမြောက် ပရိုတိန်းအကြွယ်ဝဆုံး အာဟာရအရင်းအမြစ်တွေ ဖြစ်ပါတယ်။ ပဲနီလေး ၊ ကုလားပဲ ၊ ပဲတောင့်ရှည် ၊ ပဲပိစပ် စတဲ့ပဲအမျိုးမျိုးဟာ အဆီနဲ့ ကိုယ်လက်စထရောနည်းပါးပြီး ပရိုတိန်းဓါတ်ကြွယ်ဝတာကြောင့် အသီးအရွက်အားပြုစားသူတွေအတွက် ပရိုတိန်း Sources အနေနဲ့ စားပေးသင့်ပါတယ်။
(၃) အစိမ်းရောင်အသီးအရွက်တွေ
Photo: Unsplash
ဟင်းနုနွယ် ၊ ပန်းပွင့်စိမ်း ၊ ကိုက်လန် ၊ မုန်ညင်း ၊ ဆလတ် စတဲ့ အစိမ်ရောင်ဟင်းသီးဟင်းရွက်တွေဟာ ပရိုတိန်းဓါတ်ကြွယ်ဝလို့ Muscle-Building လုပ်နေသူတွေစားပေးဖို့ ညွှန်းချင်ပါတယ်။ ကိုက်လန်နှစ်ခွက်စာဟာ ပရိုတိန်း ၄ ဂရမ် ပါပြီး ဟင်းနုနွယ်ရွက်မှာ ၂ ဂရမ်ပါတယ်လို့ ဆိုပါတယ်။ ပရိုတိန်းပါဝင်မှု သိပ်အများကြီး မဟုတ်ပေမယ့် မနက်ဘက် Smoothie အဖြစ်ရော နေ့လည်စာ အသုတ် ၊ ညစာဟင်းလျာတွေအဖြစ်နဲ့ပါ စားသုံးနိုင်လို့ ပရိုတိန်းအရင်းအမြစ်တွေ စရိတ်စကသက်သက်သာသာနဲ့ ရရှိမှာ ဖြစ်ပါတယ်။
(၄) ခရင်မပါ နို့
Photo: Unsplash
နို့တစ်ခွက်ဟာ ပရိုတိန်း၃ ဂရမ်ခန့် ပါပြီး နေ့စဉ် ကယ်လ်စီယမ်လိုအပ်ချက်ရဲ့ ၃၀% ကို ဖြည့်စွမ်းပေးနိုင်ပါတယ်။ ပရိုတိန်းများများ ပါချင်ရင် ပဲနို့ Soy Milk သောက်နိုင်ပါတယ်။ မနက်ဘက်မှာ ကွေကာထဲ နို့တစ်ဖန်ခွက်ထည့်ပြီး ပုံမှန်သောက်ပေးခြင်းအားဖြင့် ပရိုတိန်းလိုအပ်ချက် ဖြည့်နိုင်ပါတယ်။
Featured Photo: UNB
