အရက်နာကျနေတဲ့အချိန် မနက်ခင်းတွင် စားပေးသင့်သော အစားအစာများ

အရက်အလွန်အကျွံ့သောက်ခြင်းက ကျန်းမာရေးကို ထိခိုက်စေပါတယ်။ အရက်ကို ပမာဏတစ်ခုထိ ကျော်လွန်ပြီး သောက်တာကြောင့်ရော အရက်သောက်နည်း မမှန်တာကြောင့် မနက်နိုးလာတဲ့အခါ အရက်နာကျတဲ့ ဝေဒနာခံစားရတက်ပါတယ်။ ဒီလိုဖြစ်လာပြီဆိုရင် သက်သာအောင် ဘယ်လိုလုပ်ပေးရမလဲဆိုတာကို kwee page ကပြောပြပေးသွားမှာပါ။

အရက်နာကျတဲ့ လက္ခဏာတွေကတော့ အလင်းစူးမခံနိုင်တာ၊ မူးဝေတာ၊ အန်တာ၊ ခေါင်းမူးတာ ခေါင်းကိုက်တာ၊ ရေငတ်တာ နှလုံးခုန်မြန်တာစသဖြင့် ခံစားရတက်ပါတယ်။

ရေသောက်ပေးပါ

Source: Medical News Today

အရက်သောက်ခြင်းဟာ ခန္ဓာကိုယ်ရေဓာတ်ဆုံးရှုံးစေပါတယ်။ ဒါ့ကြောင့် မနက်နိုးလာတဲ့အခါမှာ ခေါင်းမူးခေါင်းကိုက်ပြီး အန်ချင်သလို ဖြစ်နေမယ်။ အကောင်းဆုံးကတော့ မနက်နိုးလာတာနဲ့ ရေတစ်ခွက် အပြည့်သောက်လိုက်ပါ။ လက္ခဏာ ပိုပြီးမဆိုးလာစေဖို့နဲ့ ခန္ဓာကိုယ်က ကုန်ဆုံးသွားတဲ့ ရေဓာတ်ကို ပြန်လည်ဖြည့်တင်းပေးဖို့ ရေများများသောက်ပေးဖို့ လိုအပ်ပါတယ်။

ဒိန်ချဉ်

Source: Healthline

အရက်သောက်ပြီး မနက်ခင်းမှာ လိုအပ်တဲ့ အာဟာရဓာတ်ကတော့ ပိုတက်စီယမ်ဓာတ်ပါပဲ။ ဒိန်ချဉ်ဟာ အစာကြေလွယ်စေပြီး ဝမ်းမှန်စေတယ်။ အာဟာရဓာတ်လည်း ကြွယ်ဝတယ်။ ငှက်ပျောသီးကို အတုံးလေးလှီးပြီး ဒိန်ချဉ်နဲ့အတူ ထည့်စားပေးနိုင်ရင် အကောင်းဆုံးပါပဲ။

ငှက်ပျောသီး

Source: Eat This, Not That

ငှက်ပျောသီးမှာ ပါဝင်တဲ့ ပိုတက်စီယမ်ဓာတ်ဟာ အရက်သောက်ပြီး ကိုယ်ခန္ဓာထဲမှာ ရှိနေတဲ့ အဆိပ်အတောက်တွေကို ပြေလျော့စေတယ်။ အမျှင်ဓာတ်ပါဝင်မှု များလို့ အစာကြေ ရင်ချောင်စေတယ်။ ငှက်ပျောသီးကို ဒိန်ချဉ်နဲ့ တွဲစားပေးရင်လည်း ပိုတက်စီယမ်ဓာတ်ကို ပိုရနိုင်ပါတယ်။

ကော်ဖီ

Source: AfterDrink

တစ်ညလုံးအပြတ်ကဲပြီး မနက်မိုးလင်းလာတော့ အားမရှိပဲ နုံးချိနေတာ သဘာဝပါပဲ။ ပူပူနွေးနွေး ကော်ဖီတစ်ခွက်သောက်လိုက်ပါ။ ခန္ဓာကိုယ်ကို ရေဓာတ်ဖြည့်ပေးတယ်။ ကဖင်းဓာတ်ကြောင့် လူကို လန်းဆန်းစေပြီး ခေါင်းမူးခေါင်းကိုက်တာတွေ သက်သာစေတယ်။ အားအင်ဖြစ်စေနိုင်ပါတယ်။

Featured Image Source: minsknews.by