ယနေ့ခေတ်မှာ မိုဘိုင်းဖုန်းကို လူတိုင်းနီးပါး အသုံးပြုလာနေကြပါပြီ။ ဒီလို ဖုန်းတွေ ပေါများလာတာကြောင့် မိသားစုအချင်းချင်း ဆက်သွယ်ရာတွင် ပိုမိုလွယ်ကူချောမွေ့လာသလို စီးပွားရေးလုပ်ငန်းတွေအတွက်လည်း များစွာ အထောက်အကူဖြစ်လာပါတယ်။ ဒါဟာ ကောင်းတဲ့အချက်တွေပါ။ ဒါပေမယ့် မိုဘိုင်းဖုန်းကို အလွန်အကျွံ အသုံးပြုမယ်ဆိုရင်တော့ မကောင်းတဲ့အချက်တွေလည်း ရှိနေပြန်ပါတယ်။
ဒီနေ့ kwee page က ဖုန်းအလွန်အကျွံ အသုံးပြုခြင်းရဲ့ဆိုးကျိုးတွေအကြောင်း ဆွေးနွေးတင်ပြပေးသွားမှာပါ။
မျက်စိကျန်းမာရေး
Source: Rirs Vision
မျက်စိ ညောင်းကိုက်တာ၊ မျက်စိနာတာ၊ မျက်စိအမြင်အာရုံ မှုန်လာတာ၊ မျက်စိညောင်းတာ၊ ခေါင်းမူးလာတာတွေဟာ ဖုန်းကို မျက်စိနဲ့ အမြဲ အားစိုက်ပြီး ကြည့်နေသူတွေမှာ မကြာခဏတွေ့ရတတ်တဲ့ ပြဿနာတွေ ဖြစ်ပါတယ်။
ညဘက်အိပ်မပျော်ခြင်း
Source : Healthline
ဖုန်းကို အသုံးပြုနေရတာကြောင့်ရော၊ ညအမှောင်ထဲမှာ ဖုန်းအလင်းရောင်ကို အကြာကြီးကြည့်နေတဲ့အခါ မျက်စိကို ထိခိုက်စေတဲ့အပြင် အိပ်ချိန်မမှန်တာ၊ အိပ်ရေးမဝတာ၊ အိပ်စက်ဖို့ အချိန်ကြာမြင့်တာတွေ ဖြစ်နိုင်ပါတယ်။
ယာဉ်တိုက်မှုဖြစ်ခြင်း
Source: That Oregon Life
ယာဉ်မောင်းတဲ့သူတွေ မကြာခဏ ဖြစ်တတ်တဲ့ မတော်တဆမှုတွေရဲ့ အကြောင်းရင်းထဲမှာ ဖုန်းအသုံးပြုခြင်းဟာလည်း တစ်ခုအပါအဝင်ပါပဲ။ ဖုန်းမျက်နှာပြင်ကို အာရုံစိုက်နေမိတဲ့အခါ ယာဉ်မောင်းကိုရော၊ တခြား လမ်းသွားလမ်းလာ ပြည်သူတွေကိုပါ ဒုက္ခရောက်စေနိုင်ပါတယ်။
အရိုးအကြော
Source: Self Magazine
ခေါင်းကို အမြဲအောက်စိုက်ပြီး ဖုန်းကို ငုံ့ကြည့်နေရတာကြောင့် ဇက်ကြောတက်တာ၊ ပုခုံး၊ အရိုးအဆစ်တွေ နာကျင်ကိုက်ခဲတာ၊ အထိုင်များပြီး လှုပ်ရှားမှုနည်းတဲ့အတွက် အရိုးအဆစ်တွေ ပျော့ခွေလာတာမျိုးတွေ ဖြစ်နိုင်ပါတယ်။
