ကြက်ဥကို ပြုတ်၊ ကြော်၊ ချက်၊ ကာကျက် စသခြင့်ပုံစံအမျိုးမျိုးလုပ်ပြီး စားသုံးနိုင်ပါတယ်။ လူတော်တော်များကတော့ ကြက်ဥစားရင် အားရှိတယ်ဆိုတာ သိထားကြတယ်။ ဒီနေ့ kwee page က ကြက်ဥစားတာကနေ ဘယ်လိုအာဟာရဓာတ်တွေ ရနိူင်သလဲ ကျန်းမာရေးအတွက် ဘယ်လိုအကျိုးကျေးဇူးတွေ ရနိူင်သလဲဆိုတာကို ပြောပြပေးသွားမှာပါ။

ကြက်ဥမှာ ခန္ဓာကိုယ်ရဲ့ တစ်ရှူးတွေ ဖွံ့ဖြိုးတိုးတက်မှု၊ ဇီဝဖြစ်ပျက်မှုနဲ့ ခန္ဓာကိုယ် ကိုယ်ခံအားစနစ်ကောင်းမွန်စေအောင် စွမ်းဆောင်ပေးနိူင်တဲ့ အမိုင်နိုအက်ဆစ်တွေပါဝင်နေပါတယ်။ ကြက်ဥအကြီးတစ်လုံးမှာ ပရိုတင်း(၆) ဂရမ် ပါဝင်ပြီး အကောင်းဆုံးသော ပရိုတင်းဓါတ်လည်း ဖြစ်ပါတယ်။ သွေးကြောတွေထဲ ကယ်လ်စီယမ်ပါဝင်မူ လျှော့ကျစေတာကြောင့် နှလုံးသွေးကြောတွေ ကျန်းမာရေးအတွက်လည်း ကောင်းမွန်စေပါတယ်။

Source: Health

ကြက်ဥမှာ ခန္ဓာကိုယ်အတွက် လိုအပ်တဲ့ သတ္တုဓါတ်တွေဖြစ်တဲ့ ဖော့စဖော့ရပ်၊ ဇင့်ဓါတ်နဲ့ သံဓါတ်တွေ ပါဝင်ပါသေးတယ်။ ဇင့်ဓါတ်ကတော့ အစားအစာကနေ စွမ်းအင်အဖြစ်ကူးပြောင်းခြင်းကို ကူညီပေးပြီး ကိုယ်ခံစွမ်းအား မြှင့်တက်စေပါတယ်။ ဖော့စဖော့ရပ်ကတော့ အရိုးနဲ့ သွားတွေ ကျန်းမာဖို့ အကောင်းဆုံးပါပဲ။

Source: Healthline

ကြက်ဥစားသုံးခြင်းရဲ့ အကျိုးဆက်အနေနဲ့ အမြင်အာရုံတွေ ပျက်စီးတာကိုလည်း လျော့ချပေးပါသေးတယ်။  ကြက်ဥမှာပါဝင်တဲ့ ဓါတ်တိုးဆန့်ကျင်ပစ္စည်းတွေဟာ မျက်စိအားကောင်းစေဖို့ အကျိုးပြုပါတယ်။ အမြင်အာရုံကျန်းမာရေးအတွက် လိုအပ်တဲ့ ဗီတာမင် အေ လည်းပါဝင်တာကြောင့် ကြက်ဥကို နေ့စဉ်စားသုံးပေးဖို့ အကြံပြုချင်ပါတယ်။

Source: Keck Medicine of USC

ကြက်ဥအနှစ်မှာ ကြက်ဥအကာထက် ပိုပြီးတော့ ဗီတာမင်တွေ ပိုများပါတယ်။ ကြက်ဥအနှစ်မှာ ဗီတာမင် B6၊ B12၊ A၊ D ၊E နဲ့ K တွေ စုံစုံလင်လင် ပါဝင်ပါတယ်။ ကြက်ဥမှာ ကလိုရင်းလည်း ပါဝင်တာမို့ ဦးနှောက်အတွက်လည်း ကောင်းမွန်စေပါတယ်။

ခန္ဓာကိုယ်ကျန်းမာရေးကို ဂရုစိုက်တယ်ဆိုရင်တော့ ကြက်ဥကို နေ့စဉ်စားသုံးပေးဖို့ အကြံပေးပါရစေ။