အထိရောက်ဆုံး စိတ်ဖိစီးမှု တိုက်ထုတ်နည်းများ

စိတ်ဖိစီးမှုတွေကို တိုက်ထုတ်နိုင်ဖို့ရာ နည်းလမ်းတွေများစွာရှိပါတယ်။ ဒီနည်းလမ်းတွေထဲကမှ လူတိုင်းလုပ်နိုင်တဲ့ လွယ်ကူရိုးရှင်းတဲ့နည်းတွေကို ပြောပြပေးချင်ပါတယ်။

(၁) စိုးရိမ်ပူပန်မှုတွေလျော့ချပါ

Source : Freepik

စိုးရိမ်ပူပန်မှုတွေကလည်း စိတ်ဖိစီးမှုကိုဖြစ်ပေါ်စေတဲ့အဓိကအကြောင်းအရင်းတစ်ရပ်ဖြစ်ပါတယ်။ ဖြစ်မလာသေးတဲ့အရာတွေကိုတွေးပူနေတာက စိတ်ဖိစီးမှုတွေများစေသလို လက်ရှိပိုင်ဆိုင်ထားတဲ့ဘဝရဲ့ ပျော်ရွှင်စရာအချိန်တွေကိုလည်း ပျောက်ဆုံးစေနိုင်တာကြောင့် ဖြစ်နိုင်ရင် စိုးရိမ်ပူပန်မှုတွေ မဖြစ်သေးတဲ့အရာတွေကို ကြိုတင်သောကရောက်နေခြင်းတွေကိုလျော့ချဖို့ တိုက်တွန်းပါရစေ။

(၂) တရားထိုင်ပါ

Source : Freepik

တရားထိုင်ခြင်းက စိတ်ကိုအကောင်းဆုံးတည်ငြိမ်အေးချမ်းစေတဲ့ နည်းလမ်းတစ်ခုဖြစ်ပါတယ်။ ပြန့်လွင့်နေတဲ့ စိတ်အာရုံတွေကိုပြန်လည်စုစည်းပြီး မကောင်းတဲ့အတွေးတွေ စိတ်ဖိစီးမှုတွေကို တိုက်ထုတ်ဖို့အတွက် အထိရောက်ဆုံးနည်းလမ်းဖြစ်တာကြောင့် တစ်နေ့ကို ၁၅ မိနစ်လောက်ပုံမှန်တရားထိုင်ပေးဖို့အကြံပြုချင်ပါတယ်။

(၃) ကိုယ်လက်လှုပ်ရှားမှုလုပ်ပါ

Source : Freepik

နေ့စဉ်ခန္ဓာကိုယ် ကိုယ်လက်လှုပ်ရှားမှုအတွက် အချိန် ၁နာရီလောက်ပေးသင့်ပါတယ်။ နေ့ရက်တိုင်း ပုံမှန်ကိုယ်လက်လှုပ်ရှားမှုပြုလုပ်ပေးတာဟာ ခန္ဓာကိုယ်ကျန်းမာကြံ့ခိုင်စေတဲ့အပြင် စိတ်ဖိစီးမှုတွေကိုလည်း တိုက်ထုတ်ပေးနိုင်ပါတယ်။ ဒါကြောင့် ခန္ဓာကိုယ် ကိုယ်လက်လှုပ်ရှားမှုအတွက် လမ်းလျောက်ခြင်း ပြေးခြင်း စက်ဘီးနင်းခြင်း Gym ကစားခြင်းစသည်ဖြင့် မိမိနှစ်သက်ရာလေ့ကျင့်ခန်းတစ်ခုခုပြုလုပ်ပေးဖို့ လိုအပ်ပါတယ်။

(၄) ကျန်းမာတဲ့နေထိုင်မှုပုံစံမွေးမြူပါ

Source : Freepik

နေ့စဉ်ဘဝမှာ စိတ်ရောကိုယ်ပါကျန်းမာအောင်နေထိုင်ခြင်းက စိတ်ဖိစီးမှုတွေကိုတိုက်ထုတ်ဖို့အကောင်းဆုံးနည်းလမ်းဖြစ်ပါတယ်။ ဒါကြောင့် ခန္ဓာကိုယ်အတွက် အဟာရရှိတဲ့အစားအစာတွေစားသုံးပါ။ အိပ်ရေးဝဝအိပ်စက်အနားယူပါ။ဆေးလိပ်အရက်တက်နိုင်ရင်ရှောင်ပါ။ ကိုယ့်ကိုယ်ကိုချစ်ပြီးကိုယ့်ကိုပျော်ရွှင်မှုပေးနိုင်မယ့်အရာလေးတွေလုပ်ဆောင်ပါ။