မိမိအနာဂတ်ကို သေသေချာချာ Plan ချကာ အစီအစဉ်များ ချမှတ်ထားခြင်းသည် အောင်မြင်မှုနဲ့ ပိုမိုနီးစပ်အောင် ကူညီပေးပါတယ်။ အောင် မြင်မှုလိုလားတဲ့ ယောကျာ်းများအတွက် အစီအစဉ်ချမှတ်ခြင်းသည် အရေးကြီးဆုံးသောအရာတစ်ခုဖြစ်ပါတယ်။
Plan မရှိပါက သင် မျှော်မှန်းထားသလိုဖြစ်မှာမဟုတ်ဘဲ အောင်မြင်မှုနဲ့ တဖြည်းဖြည်းဝေးကွာလာနိုင်ပါတယ်။
အနာဂတ်အတွက် မိမိရဲ့အတွေးစိတ်ကူးများကို သေချာပုံဖော်ကာ အစီအစဉ်ဆွဲထားခြင်းကြောင့် ရရှိမယ့် အကျိုးကျေးဇူးများကတော့ …
စိတ်ဖိစီးမှုများကို လျော့ချပေးခြင်း
ယနေ့ခေတ်မှာ စိတ်ဖိစီးမှု မခံရတဲ့လူတွေကို ရှာဖွေပြပါဆိုရင် မရှိသလောက်ကို ရှားပါလိမ့်မယ်။ ဒီလိုမျိုး စိတ်ဖိစီးမှုဒဏ်မှ ကင်းဝေးချင်တယ်ဆိုရင်တော့ သင့်ရဲ့အနာဂတ်အတွက် စိတ်ကူးအိပ်မက်များကို သေသေချာချာ အစီအစဉ်ဆွဲထားဖို့လိုအပ်ပါလိမ့်မယ်။
စိတ်ခွန်အား ထက်သန်မှုကို ပေးစွမ်းနိုင်ခြင်း
လူသားတွေသည် တိကျပြတ်သားတဲ့ ရည်မှန်းချက်တစ်ခုမရှိတဲ့အခါ စိတ်ခွန်အား လျော့ကျသွားတတ်ကြပါတယ်။ မိမိအနာဂတ်အတွက် Plan တစ်ခု တိကျသေချာစွာ ထားရှိထားတယ်ဆိုရင်တော့ သင့်အနေနဲ့ ကိုယ့်ရည်မှန်းချက်ပန်းတိုင်ကို ရှင်းရှင်းပြတ်သားစွာ မြင်ရတဲ့အတွက် ကိုယ့်ရဲ့ကြိုးစားမှုအတွက်လည်း အားတစ်ခုဖြစ်စေပါတယ်။
ကိုယ့်ရဲ့ ဦးနှောက်စွမ်းဆောင်ရည်ကို ပိုမိုမြင့်မားစေခြင်း
ခေါင်းထဲမှာပဲ စိတ်ကူးယဉ်နေရုံနဲ့ မရပ်လိုက်ပါနဲ့။ ကိုယ့်ရဲ့အစီအစဉ်တွေကို စာရွက်ပေါ်မှာပါ သေသေချာချာချမှတ်ထားလိုက်ပါ။ ဒီလိုချမှတ်ထားခြင်းသည် သင့်ကို ပိုမိုမှတ်မိနေအောင် ကူညီပေးပြီး သင့်ရဲ့ ဦးနှောက်စွမ်းဆောင်ရည်ကို မြင့်မားစေပါတယ်။
အချိန်ကုန် သက်သာစေခြင်း
မိမိရဲ့အချိန်ကို စနစ်တကျစီမံခန့်ခွဲနိုင်ခြင်းသည် ယနေ့ခေတ်တွင် မရှိမဖြစ်လိုအပ်တဲ့ အရည်အချင်းတစ်ခုပဲဖြစ်ပါတယ်။ ကိုယ့်အနာဂတ်မှာ လုပ်ရမယ့်အရာများကို တစ်ရက်စာ တစ်ရက်စာ (သို့) တစ်ပတ်စာ တစ်ပတ်စာ အစီအစဉ်ချမှတ်ထားခြင်းသည် သင့်ရဲ့အချိန်ကို အချိန်ကုန်သက်သာအောင် ကူညီပေးပါတယ်။
ဒီလိုကောင်းမွန်တဲ့ အကျိုးကျေးဇူးများ ပေးစွမ်းနိုင်တဲ့အတွက်ကြောင့် သင့်ရဲ့အနာဂတ် အောင်မြင်မှုအတွက် Plan များကို သေသေချာချာ ချထားဖို့လိုအပ်ပါတယ်။
Source: Thriveglobal.com
Featured Image Source: Alexishaselberger.com
