ဘဝဟာ တိုတောင်းပေမယ့် ဘဝထဲမှာကြုံတွေ့ရမယ့် လောကဓံတွေကတော့ ရှည်လျားလှပါတယ်။ ဒီလိုဘဝမျိုးကို ဖြတ်သန်းကြတဲ့အခါမှာ အလိုအပ်ဆုံးကတော့ မိတ်ကောင်းဆွေကောင်းပါပဲ။
မိတ်ဆွေအစစ်အမှန်
Photo : Freepik
ကိုယ့်အပေါ်စိတ်ကောင်းမရှိတဲ့ မိတ်ဆွေအယောက် ၁၀၀ မလိုအပ်ပါဘူး။ ကိုယ့်အတွက် စိတ်ရင်းစေတနာမှန်နဲ့ ခင်မင်ပေါင်းသင်းမယ့် မိတ်ဆွေအစစ်တစ်ယောက်တော့ မဖြစ်မနေလိုအပ်ပါတယ်။
အဆုံးရှုံးမခံသင့်ပါ
Photo : Freepik
သင်နဲ့ဆိုးတူကောင်းဖက်ပေါင်းသင်းပြီး ဒုက္ခတွေကိုမျှဝေခံစားပေးတဲ့ သူငယ်ချင်းကောင်းကို ဘယ်လိုနည်းနဲ့မှ အဆုံးရှုံးမခံလိုက်ပါနဲ့။ ဘဝအတွက်ကြီးမားတဲ့ နစ်နာမှုကြီးဖြစ်သွားပါလိမ့်မယ်။
ကိုယ့်ဘက်ကလည်းပြန်ပေးဆပ်ရမယ်
Photo : Freepik
အမြဲတမ်းယူနေရသူအဖြစ်နဲ့ ကိုယ့်ကိုကိုယ်ကျေနပ်မနေသင့်ပါဘူး။ ကိစ္စရပ်တိုင်းမှာ အပြန်အလှန်သဘောတွေရှိပါတယ်။ ကိုယ်ကအကောင်းပေးမှ သူကလည်းအကောင်းပြန်ပေးနိုင်မှာဖြစ်ပါတယ်။ တတ်နိုင်သလောက် ကိုယ့်ဘက်ကပြန်ပေးဆပ်ဖို့ လိုအပ်ပါတယ်။
တန်ဖိုးထားသင့်တယ်
Photo : Freepik
ကိုယ့်မှာ မိတ်ကောင်းဆွေကောင်းရှိပြီဆိုရင် အစွမ်းကုန်တန်ဖိုးထားသင့်ပါတယ်။ မိတ်ဆွေကောင်းတစ်ယောက်ရဲ့ တန်ဖိုးဟာ ဘယ်လိုမှ အဖိုးမဖြတ်နိုင်တဲ့အတွက်ဖြစ်ပါတယ်။
