စွမ်းဆောင်ရည်မြင့်မားပြီး လုပ်နိုင်ကိုင်နိုင်စွမ်းကောင်းတဲ့ သူတစ်ယောက်ဖြစ်ဖို့ အလိုအပ်ဆုံးက ဘာဖြစ်မလဲ။ ထူးချွန်ထက်မြတ်သူတွေကတော့ ဒီလို Productive ဖြစ်တဲ့သူတစ်ယောက် ဖြစ်ဖို့ ကြိုတင်အစီအစဉ်ချခြင်းနဲ့ အာရုံစိုက်ခြင်းက အကြီးမားဆုံးလိုအပ်ချက်တွေလို့ ဆိုထားပါတယ်။ ဒါ့ထက်ပိုပြီး Productive People တွေနေ့စဉ်လုပ်လေ့ရှိတဲ့ အလေ့အထတွေကိုလည်း ဒီဆောင်းပါးလေးကနေ ပြောပြပေးချင်ပါတယ်။
(၁) ကောင်းမွန်တဲ့ နေ့စဉ်မနက်ခင်း အလေ့အထတွေရှိတယ်
Photo : FitOn
ထူးချွန်ထက်မြတ်သူတွေဟာ တစ်နေ့တာကို စတင်တဲ့မနက်ခင်းအချိန်မှာ ကောင်းမွန်တဲ့ပုံမှန်အလေ့အထလေးတွေ လုပ်လေ့ရှိကြပါတယ်။ မနက်စောစောပုံမှန်အိပ်ရာထတာ ၊ ရေတစ်ခွက်သောက်တာ ၊ လေ့ကျင့်ခန်းလုပ်တာ ၊ သတင်းစာဖတ်တာ ၊ မနက်စာကောင်းကောင်းစားတာ စသည်ဖြင့်ပေါ့။ ဒီလို မနက်ခင်းအလေ့အထတွေဟာ တစ်နေ့တာအတွက် စွမ်းအင်တွေအပြည့်အဝရစေဖို့ ကူညီပေးမှာ ဖြစ်ပါတယ်။
(၂) အချိန်ကို ဘယ်လိုအကျိုးရှိစွာ အသုံးချရမလဲသိကြတယ်
Photo : EAF Resources
အချိန်ဆိုတာ အကျိုးရှိရှိအသုံးချတက်မယ်ဆိုရင်တော့ ရွှေပါပဲ။ ထူးချွန်ထက်မြတ်သူတွေဟာ အားလပ်ချိန်ရချိန်တိုင်းမှာ အချိန်ကိုအကျိုးရှိစွာ အသုံးတက်ကြပါတယ်။ စာအုပ်ဖတ်တာ ၊ တရားထိုင်တာ ၊ လေ့လာမှုအသစ်တစ်ခုခုလုပ်တာ စတဲ့အရာတွေအတွက် အချိန်သုံးလေ့ရှိကြပါတယ်။ အချိန်ကို ပညာရှိရှိအသုံးတက်ခြင်းက အောင်မြင်တိုးတက်ဖို့လက်စပဲဖြစ်ပါတယ်။
(၃) မှတ်စုစာအုပ် အမြဲဆောင်ထားကြတယ်
Photo : PIXNIO
Bill Gates ၊ Sheryl Sandberg နဲ့ Richard Branson တို့လို အောင်မြင်တဲ့သူတွေဟာ မှတ်စုရေးခြင်းကို အမြဲပြုလုပ်လေ့ရှိကြသူတွေပါ။ နေ့စဉ်လုပ်ဆောင်ရမယ့် အရေးကြီးတဲ့အရာတွေ အချိန်ဇယားတွေကို မှတ်စုစာအုပ်မှာရေးမှတ်ထားလေ့ရှိသလို စိတ်ကူးစိတ်သန်းတွေ အတွေး အခေါ်ကောင်းတွေပေါ်လာချိန်မှာလည်း မှတ်စုမှာရေးမှတ်ထားလေ့ရှိပါတယ်။ ဒီလိုလုပ်တာဟာ အလုပ်အပေါ်အာရုံစိုက်နိုင်စွမ်းမြင့်တက်စေသလို ကောင်းမွန်တဲ့အတွေးအမြင်သစ်တွေကို အမိအရဖမ်းဆုပ်ထားရာရောက်စေပါတယ်။
(၄) Smart People တွေဝန်းရံတဲ့ ပတ်ဝန်းကျင်မှာနေထိုင်တယ်
Photo : HuffPost UK
ဘဝမှာ ရည်မှန်းချက်ပြည့်ဝပြီး ထူးချွန်တဲ့ Smart People တွေကိုယ့်အနား ရှိနေတာဟာ ကိုယ့်ကို ကြိုးစားချင်စိတ်ဖြစ်စေမယ့် တွန်းအားတစ်ခုပါပဲ။ ထူးချွန်ထက်မြတ်သူတွေဟာ စွမ်းဆောင်ရည်မြင့်မားတဲ့ တော်တဲ့ထက်တဲ့လူတွေနဲ့ ပေါင်းသင်းဆက်ဆံရေးကောင်း တစ်ခုတည်ဆောက်ထားလေ့ရှိပါတယ်။ ဒီလိုလူတွေနဲ့ တွေ့ဆုံပြောဆိုဆက်ဆံရတာဟာ ကိုယ့်အတွက် စိတ်ခွန်အားတွေ အကြံဉာဏ်တွေ အကူညီတွေနဲ့ အခွင့်အလမ်းကောင်းတွေပါရလာနိုင်ပါတယ်။
Featured Photo : Unsplash