လူသားတိုင်းသည် အောင်မြင်ချင်ကြတဲ့လူတွေချည်းပါပဲ။ လူတိုင်းသည်လည်း အောင်မြင်မှုကို ပိုင်ဆိုင်နိုင်ဖို့အတွက်ဆိုပြီး စိတ်ကူးယဉ်တတ်ကြပေမယ့် လူအချို့ကသာ အောင်မြင်မှုဆီသို့ လျှောက်လှမ်းနိုင်ကြတာပါ။
ဘာ့ကြောင့်လဲဆိုတော့ သူတို့သည် အခုဖော်ပြပေးမယ့် အခက်အခဲများကို မကျော်ဖြတ်နိုင်ကြလို့ပါပဲ။ အောင်မြင်သော ယောကျာ်းများအတွက်ကတော့ ယခုဖော်ပြမယ့် အခက်အခဲများသည်လည်း တစ်ချိန်က ခေါင်းကိုက်စရာ စိန်ခေါ်မှုအကြီးကြီးတစ်ခုဖြစ်ခဲ့ပါလိမ့်မယ်။
အချိန်ဆွဲခြင်း
ကျွန်တော်တို့သည် လူသားများသည် အချိန်ဆွဲရတာကို ကြိုက်နှစ်သက်ကြတဲ့ကမ္ဘာထဲမှာ နေထိုင်ကြတာပါ။ ကျွန်တော်တို့တွေ ဘာ့ကြောင့်အချိန်ဆွဲကြတာလဲ။
ပထမဖြစ်နိုင်ချေကတော့ ပျင်းရိခြင်းပါ။ ဒုတိအချိန်ဆွဲရခြင်းအကြောင်းအရင်းကတော့ ကိုယ်မကျွမ်းကျင်တဲ့အလုပ်အတွက် ဆိုးရွားတဲ့ရလာဒ်များ ထွက်လာမှာကို ကြောက်ရွံ့လို့ပါပဲ။
ပတ်ဝန်းကျင်မကောင်းခြင်း
ကိုယ့်ပေါင်းသင်းတဲ့ သူငယ်ချင်းမိတ်ဆွေများကို ကြည့်ခြင်းအားဖြင့် ကိုယ့်အကြောင်းကို လူအများ ခန့်မှန်းလို့ရပါတယ်။ သင် အများဆုံး အချိန်ကုန်ဆုံးလေ့ရှိတဲ့ လူ ငါးယောက်ကြောင့်လည်း သင့် ဘဝသည် ပြောင်းလဲသွားနိုင်ပါတယ်။ ဒါ့ကြောင့် မိမိလိုပဲ အောင်မြင်ချင်တဲ့သူများ၊ ရည်မှန်းချက်ကြီးမားတဲ့သူများနဲ့သာ ပေါင်းသင်းဆက်ဆံသင့်ပါတယ်။
အရာရာတိုင်းမှာ ကျေနပ်ရောင့်ရဲလွန်းခြင်း
“သူကတော့ ကိုယ့်မှာရှိတာလေးနဲ့ ရောင့်ရဲတင်းတိမ်တတ်လိုက်တာ” ဆိုပြီး အကောင်းဘက်ကသာ ချီးကျူးလေ့ရှိပါတယ်။ တကယ်တော့ရောင့်ရဲတင်းတိမ်ခြင်းသည် သင့်ရဲ့စိတ်ခံစားချက်ပေါ်မူတည်ပြီး အဓိပ္ပာယ်အကောင်း၊ အဆိုး ကွဲသွားပါလိမ့်မယ်။
သင်သည် အရာရာတိုင်းမှာ ကျေနပ်ရောင့်ရဲနေမယ်ဆိုရင် သင့်အတွက် တိုးတက်မှုအလားအလာ၊ အောင်မြင်နိုင်မှုအလားအလာ၊ ချမ်းသာကြွယ်ဝနိုင်မှုအလားအလာသည် လျော့နည်းသွားတတ်ပါတယ်။ ဒါ့ကြောင့် သင်သည် ကိုယ်ရှိတဲ့နေရာမှာပဲ ကျေနပ်တယ်ဆိုရင်လည်း သင့်ရဲ့ခံယူချက်ပါပဲ။
စိတ်ဓာတ် တက်ကြွမှုမရှိခြင်း
စိတ်ဓာတ်တက်ကြွမှုသည် သင် အလိုရှိရာသို့ လျှောက်လှမ်းနိုင်အောင် တွန်းပို့ပေးနေတဲ့အရာတစ်ခုပါ။ Motivation မရှိပါက ဘာမှ လုပ်ကိုင်လို့မရပါဘူး။ Motivation တက်လာအောင်လည်း ပိုက်ဆံပေး ဝယ်လို့မရတာကြောင့် သင်ကိုယ်တိုင်ပဲ ကြိုးစားဖို့လိုပါလိမ့်မယ်။
အောင်မြင်မှုအတွက် ဒီအခက်အခဲများကို ဖြတ်ကျော်နိုင်မှသာလျှင် အသီးအပွင့်ကောင်းများကို ခံစားရရှိနိုင်မှာဖြစ်ပါတယ်။
Source:Elitedaily.com
Featured Image Source: Allprodad.com
