ဘဝမှာ ဘယ်လောက်ပဲ ရည်မှန်းချက်ကောင်းတွေရှိနေပါစေ တစ်ခါတစ်လေ လမ်းပျောက်နေပြီ ၊ ကိုယ့်ကိုယ်ကိုပျောက်ဆုံးနေပြီလို့ ခံစားရတဲ့အချိန်တွေ ရှိတက်ကြပါတယ်။ ဒါဟာ သင်တစ်ယောက် တည်းမဟုတ်ပါဘူး။ သင့်အနေနဲ့ ဒီလို ဘဝမှာကိုယ့်ကိုယ်ကိုယ်ပျောက်ဆုံးနေတယ်လို့ ခံစားရတဲ့အခါ အခုပြောပြမယ့်အချက်လေးတွေလုပ်ဆောင်ကြည့်ဖို့ အကြံပြုပါရစေ။
(၁) စိတ်ခံစားချက်ကိုထိန်းချုပ်ပါ
Source : Freepik
လူတစ်ယောက်မှာ စိတ်ခံစားချက်ကအရမ်းကို အရေးကြီးပါတယ်။ ကိုယ့်ကိုယ်ကို ပျောက်ဆုံးနေပြီလို့ ခံစားရတဲ့အချိန်မျိုးမှာ အရာအားလုံးက အပျက်သဘောဆောင်တဲ့ ခံစားမှုကိုသာ ဖြစ်စေပါတယ်။ ကိုယ့်ရဲ့စိတ်ခံစားချက်ကို မထိန်းချုပ်ပဲ စိတ်၏စေရာလွတ်ထားလိုက်ရင် အဆိုးဆုံးတွေပဲ ကြုံတွေ့ခံစားနေရမှာပါ။ ကိုယ့်ရဲ့ အတွေးတွေနှင့် ခံစားချက်တွေကို ထိန်းချုပ်နိုင်သူမှာ မိမိကိုယ်တိုင်သာဖြစ်တယ်ဆိုတာကို နားလည်လက်ခံထားဖို့လို ပါတယ်။
(၂) ကျန်းမာတဲ့အလေ့အထတွေလုပ်ဆောင်ပါ
Source : Freepik
စိတ်ခံစားမှုမကောင်းတဲ့အချိန်မှာ ကျန်းမာတဲ့အလေ့အထတွေကို များများပိုလုပ်သင့်ပါတယ်။ အချိန်မှန်မှန်အစားစားတာ ၊ လေ့ကျင့်ခန်းပုံမှန်လုပ်တာ ၊ အိပ်ရေးဝဝအိပ်စက်တာ ၊ စာအုပ်ဖတ်တာ ၊ အပြင်ဘက်လမ်းလျောက်ထွက်တာ ၊ ဆိုရှယ်မီဒီယာလျော့သုံးတာစသည်ဖြင့် သင့်ရဲ့နေ့စဉ်လုပ်ရိုးလုပ်စဉ်အလေ့အထတွေမှာ ကျန်းမာရေးနဲ့ညီညွတ်စေမယ့် ပြောင်းလဲမှုတွေ အရင်ထက်ပိုလုပ်ဆောင်ပေးဖို့ လိုအပ်ပါတယ်။
(၃) ကိုယ့်ကိုယ့်ကိုဆန်းစစ်ပါ
Source : Freepik
သင့်ဘဝမှာ ဘာလိုချင်လဲဆိုတာသိဖို့ သင်ကိုယ်သင်ပြန်လည်ဆန်းစစ်ဖို့ လိုအပ်ပါတယ်။ ကိုယ့်ဘဝမှာ အမှန်တကယ်ဖြစ်ချင်တဲ့ရည်မှန်းချက်က ဘာလဲ ၊ ကိုယ်လျောက်ချင်တဲ့လမ်းက ဘာလဲ ၊ ဘယ်အရာတွေက သင့်ကိုပျော်ရွှင်စေလဲ ၊ စိတ်ကျေနပ်မှုရစေလဲ ဆိုတာစာအုပ်မှာချရေးထားပါ။ ကိုယ့်ဘဝရည်မှန်းချက်တွေနဲ့ပတ်သတ်ပြီး ဖြတ်သန်းခဲ့တဲ့တစ်လျောက်မှာ ဘယ်လောက်ထိ ခရီးပေါက်ခဲ့ပြီးပြီလဲ ၊ ရှုံးနိမ့်မှုတွေကနေ ဘယ်လိုသင်ခန်းစာယူမလဲ ၊ ရှေ့ဆက်ပြီးသင်ဘာတွေဆက်လုပ်သွားနိုင်လဲဆိုတာ ကွဲကွဲပြားပြားသိရင် ကိုယ့်ကိုယ်ကိုပျောက်ဆုံးနေကနေ ပြန်လည်ရှာတွေ့နိုင်ပါလိမ့်မယ်။
(၄) အသစ်သစ်သောအရာတွေစမ်းလုပ်ကြည့်ပါ
Source : Freepik
ဘဝမှာ ပြောင်းလဲမှုနဲ့အတွေ့အကြုံအသစ်တွေရဖို့ ကိုယ်မလုပ်သေးတဲ့အရာတွေကို Try ကြည့်သင့်ပါတယ်။ တစ်ခါမှမထိုင်ဖူးသေးတဲ့ ကော်ဖီဆိုင်အသစ်မှာ တစ်ယောက်တည်းသွားထိုင်တာမျိုး ၊ မလုပ်ဖူးသေးတဲ့ အားကစားအသစ်အဆန်းတစ်ခုလုပ်ကြည့်တာမျိုး ၊ တစ်ယောက်တည်း မြို့တစ်ပတ် ကားမောင်းထွက်တာမျိုး ၊ မဆုံတာနှစ်ချီနေပြီဖြစ်တဲ့ သူငယ်ချင်းနဲ့ ချိန်းတာမျိုးစသည်ဖြင့် ပုံမှန်လုပ်နေကျမဟုတ်တဲ့ အသစ်သစ်သောအရာတွေလုပ်ဆောင်ခြင်းက သင့်စိတ်ခံစားမှုကိုတိုးတက်ကောင်းမွန်လာစေမှာဖြစ်ပါတယ်။
