ကိုယ်ပိုင်စီးပွားရေး စလုပ်တော့မယ်ဆိုတဲ့သူတိုင်းမှာ စိုးရိမ်သောကတွေ၊ ပူပန်မှုတွေရှိကြမှာပါ။ ကိုယ့်လုပ်ငန်းအောင်မြင်ပါ့မလား။ အရှုံးပေါ်ပြီး ဘဝပျက်မလားစတဲ့ အတွေးဆိုးတွေက အချိန်တိုင်းနှိပ်စက်နေနိုင်ပါတယ်။ ဒီအချိန်မှာစိတ်အေးအေးထားပြီး အောက်ပါအချက်တွေကို လေ့လာပေးလိုက်ပါ။
အရှုံးပေးတတ်တဲ့စိတ်ကို မောင်းထုတ်ပါ
Photo : NegativeSpace
ဘယ်အလုပ်မဆို စစချင်းအောင်မြင်တယ်ဆိုတာမရှိပါဘူး။ အတွေ့အကြုံတွေ၊ လိုအပ်ချက်တွေအရ အရှုံးတွေကအရင်ရောက်လာပါလိမ့်မယ်။ အဲ့အခါမှာ စိတ်ပျက်အားလျော့ပြီး အရှုံးမပေးလိုက်ပါနဲ့။ ရှုံးနိမ့်မှုတွေရဲ့ နောက်ကအောင်မြင်မှုတွေကို ဇွဲရှိရှိနဲ့စောင့်ဆိုင်းလိုက်ပါ။
စနစ်ကျတဲ့အစီအစဉ်ဆွဲပါ
Photo : The Business Magazine
လုပ်ငန်းတစ်ခုအောင်မြင်ဖို့မှာ စနစ်တကျရှိတဲ့ လုပ်ငန်းအစီအစဉ်တစ်ခုလိုအပ်ပါတယ်။ လုပ်ငန်းစဉ်အစအဆုံး အစီအစဉ်တကျလုပ်ဆောင်နိုင်ဖို့အတွက် လိုအပ်တဲ့ဇယားကွက်တွေ၊ အချိန်စာရင်းတွေ၊ သုတေသနပြုချက်တွေကို အမြန်လုပ်ဆောင်လိုက်ပါ။
ခိုင်မာတဲ့စိတ်ဓာတ်မွေးမြူပါ
Photo : CEOWORLD magazine
ဒါကိုလုပ်ချင်တယ်။ ဒီအလုပ်ကိုအောင်မြင်ချင်တယ်။ ဒါဆိုနည်းလမ်းရှာပြီး မဖြစ်ဖြစ်အောင်လုပ်ဖို့ပဲလိုပါတယ်။ အဓိကက ခိုင်မာတဲ့စိတ်ဓတ်ကိုပိုင်ဆိုင်ထားဖို့ပါပဲ။ ဘယ်လိုအခက်အခဲတွေပဲလာလာ၊ မဖြစ်ဖြစ်အောင် ကျော်လွှားမယ်ဆိုတဲ့ စိတ်သာရှိပါစေ။ သင်ဟာအောင်မြင်တဲ့ စီးပွားရေးလုပ်ငန်းရှင်ကြီးတစ်ယောက်ပါပဲ။
Featured Photo : Entrepreneur
