လူတိုင်းသည် မွေးကတည်းက ယုံကြည်ချက်အပြည့်နဲ့ မွေးဖွားလာတာမဟုတ်ပါဘူး။ သူ့ရဲ့ပတ်ဝန်းကျင်အသိုင်းအဝိုင်း၊ သွန်သင်ဆုံးမမှု၊ ထိန်းကျောင်းမှုများအကြား အချို့သည် မိမိကိုယ်ကို ယုံကြည်ချက်အပြည့်ရှိသလို အချို့ကတော့ မိမိကိုယ်ကို မိမိ တဖြည်းဖြည်းနဲ့ ယုံကြည်ချက်ကျဆင်းလာပါတယ်။

ကံကောင်းထောက်မစွာနဲ့ပဲ ယုံကြည်မှုကို သင် ကိုယ်တိုင် တည်ဆောက်ယူနိုင်ပါတယ်။ သင့်ရဲ့အချိန်ရယ်၊ စွမ်းအင်နှင့် အာရုံစူးစိုက်မှုတို့ကိုသာ စိုက်ထုတ်ရမှာဖြစ်ပါတယ်။

မိမိကိုယ်ကို စိန်ခေါ်ကြည့်ပါ

ယုံကြည်မှု တည်ဆောက်ဖို့အတွက် အလျင်မြန်ဆုံးနည်းကတော့ သင့်ရဲ့ Comfort Zone ထဲကနေ ရုန်းထွက်ကာ မိမိကိုယ်ကို စိန်ခေါ်ကြည့်ရမှာပဲဖြစ်ပါတယ်။ သင် ကြောက်တဲ့အရာတွေကို ချရေးကြည့်ပါ။ ထိုအကြောက်တရားကို အနိုင်ယူဖို့ မိမိကိုယ်ကို စိန်ခေါ်ကြည့်လိုက်ပါ။

ပြောတဲ့အတိုင်း ဖြစ်အောင် လုပ်ပါ

ကိုယ်တိုင် ချမှတ်ထားတဲ့အရာများ၊ အကြောက်တရားများကို အနိုင်ယူမယ်လို့ ပြောထားတဲ့အတိုင်း အမှန်တကယ်ဖြစ်အောင် လုပ်ပါ။ တစ်ခုချင်းစီ ဖြစ်အောင် လုပ်တဲ့အခါ သင် ကိုယ်တိုင်လည်း မိမိကိုယ်ကို ကျေနပ်အားရလာပြီး ကိုယ့်ကိုယ်ကိုယ် ယုံကြည်စိတ်တွေ တိုးမြှင့်လာပါလိမ့်မယ်။

သင့်ရဲ့စိတ်ကို အစာကျွေးပါ

စိတ်အင်အား ကြီးမားမှသာလျှင် ကိုယ်လုပ်ချင်တာတွေ ဖြစ်အောင်လုပ်ဖို့ ယုံကြည်ချက်ရှိမှာပါ။ ကိုယ့်ကိုယ်ကိုယ် ချစ်ပါ။ ဘာအတွက်ကြောင့်နဲ့မှ စိတ်ညစ်မခံပါနဲ့။ စိတ်ဓာတ်ကျတဲ့အခါ စိတ်ငြိမ်အောင် တရားထိုင်ကြည့်ပါ။ ဒီလိုမျိုး အလုပ်လုပ်လိုက် နားလိုက်ဖြင့် သင့်ရဲ့စိတ်ကို အားဖြည့်ပေးဖို့ လိုအပ်ပါတယ်။

ကိုယ့်ရဲ့ပုံပန်းသွင်ပြင်ကို ဂုဏ်ယူတတ်ပါစေ

ကိုယ့်ကိုယ်ကိုယ် ရုပ်ဆိုးတယ်လို့ ဘာ့ကြောင့် မှတ်ယူနေမှာလဲ။ လူတိုင်းမှာ သူမတူတဲ့ ကိုယ်ပိုင်အလှတွေ ပိုင်ဆိုင်ထားကြတာပါ။ အသားအရေလှပဖို့အတွက် ကျန်းမာရေးနဲ့ ညီညွှတ်တဲ့အစားအစာများ စားပါ။ အိပ်ရေးဝဝ အိပ်ပါ၊ လေ့ကျင့်ခန်း ပုံမှန်ပြုလုပ်ပါ။ ဒါဆိုရင်တော့ သင့်ရဲ့ခန္ဓာကိုယ်သည် သင့်ကို ကျေးဇူးတင်နေပါလိမ့်မယ်။

မိမိကိုယ်ကို စည်းကမ်းတင်းကြပ်ပါ

အောင်မြင်မှုနှင့် မိမိကိုယ်ကို စည်းကမ်းတင်းကြပ်ထားမှုသည် တစ်ခုနဲ့တစ်ခု ဆက်နွယ်နေတာဖြစ်ပါတယ်။ ကိုယ့်စိတ်ထဲမှာ ပျင်းရိတဲ့စိတ်၊ အဖျက်အမှောက်စိတ်လေး ဝင်လာပြီဆိုတာနဲ့ အသိစိတ်ပြန်ဝင်အောင် ကိုယ့်ကိုယ်ကို ဆုံးမပါ။ ကိုယ့်ရဲ့မူလပန်းတိုင်ကို ပြန်လည်စဉ်းစားပါ။ ကိုယ်တိုင်ချမှတ်ထားတဲ့ စည်းကမ်းများကို သင် ကိုယ်တိုင် ပြန်လည်လိုက်နာနိုင်တယ်ဆိုရင်တော့ ကိုယ့်ကိုယ်ကို ဂုဏ်ယူပြီး Confidence များ တက်လာပါလိမ့်မယ်။

Source: Nextluxury.com