ကိုယ့်ရဲ့ကိုယ်ပိုင် အဝတ်လဲခန်းကို တခမ်းတနားကြီး တည်ဆောက်ချင်တဲ့ ယောကျာ်းများအတွက် အသုံးဝင်မယ့် နည်းလမ်းများကို ဝေမျှပေးချင်ပါတယ်။
ကိုယ့်အဝတ်ဘီဒိုကို ခမ်းခမ်းနားနားဖြစ်သွားအောင် ဘယ်လိုပြင်ဆင်မလဲဆိုတာကို အတူတူဆက်လေ့လာကြည့်လိုက်ရအောင်။
အဆင့် (၁) ဘယ်လို Theme မျိုး ကြိုက်နှစ်သက်သလဲ အရင်စဉ်းစားပါ
အဝတ်ဘီဒိုကို ဘယ်လိုဒီဇိုင်မျိုး လိုချင်သလဲ။ နံရံထဲ ထည့်မြှုပ်ထားတဲ့ ဒီဇိုင်းမျိုးလား။ ဒါမှမဟုတ် သာမန်အဝတ်ဘီဒိုပေါ်မှာပဲ စတေကာဒီဇိုင်းမျိုးစုံ ကပ်ချင်တာလား စတဲ့အချက်များကို အရင်စဉ်းစားလိုက်ပါ။ မစဉ်းစားတတ်ဘူးဆိုရင်လည်း အွန်လိုင်းပေါ်မှာ ဒီဇိုင်းအမျိုးမျိုး ရှာဖွေမွှေနှောက်နိုင်ပါတယ်။
အဆင့် (၂) ကိုယ့်အဝတ်ဘီဒိုထဲမှာ ဘာတွေထည့်မှာလဲ
အင်္ကျီ၊ ဘောင်းဘီသီးသန့်ပဲထည့်မှာလား။ ဒါမှမဟုတ် အောက်ခံဘောင်းဘီ စွပ်ကျယ်တွေရော ဘယ်မှာထည့်မလဲ။ ဖိနပ်တွေကိုရော ဖုန်မတက်အောင် တစ်ခါတည်း ထည့်သိမ်းထားမှာလား။ အဝတ်အစားတွေကိုရော ဘယ်လိုစီမလဲ။ သူ့ရာသီအလိုက် မိုးတွင်းဝတ်၊ ဆောင်းတွင်းဝတ်ဆိုပြီး စီမှာလား (သို့) အရောင်တူရာတွေကို သပ်သပ်စီစုထားမလားဆိုတာကို အဝတ်အစားများ မထည့်ခင်ကတည်းက သေချာစဉ်းစားလိုက်ပါ။
အဆင့် (၃) အဝတ်ဘီဒိုအတွက် ထည့်စရာနေရာ (လုံးဝ) မရှိတော့တဲ့အခါ နောက်ဆုံးလက်နက် ထုတ်သုံးပါ
နောက်ဆုံးလက်နက်ကတော့ ခန်းစီးလိုက်ကာ အသုံးပြုခြင်းပါပဲ။ ၃ ပေ၊ ၄ ပေ ပတ်ချာလည် နေရာပဲ ရှိတယ်ဆိုရင်တော့ ထိုနေရာကို လိုက်ကာနဲ့ ပိတ်ထားလိုက်မယ်ဆိုရင် သင့်အဝတ်အစားများလည်း ဖုန်တက်မှာ စိုးရိမ်စရာမလိုတော့ပါဘူး။ တစ်နေရာတည်းမှာပဲ အဝတ်အစားတွေကို တောင်ပုံရာပုံ ပုံထားတာထက်စာရင် ခန်းစီးလိုက်ကာနဲ့ ပိတ်ထားလိုက်တာအခါ သူ့နေရာနဲ့သူ သပ်သပ်ရပ်ရပ်လေးဖြစ်သွားတော့ ခမ်းနားလှပသွားပါလိမ့်မယ်။
Source: Brightside.me
Featured Image Source: Apetogentleman.com
