ဒီဘက်ခေတ်ဟာ စိတ်ရော လူပါ ကျန်းမာရေးယိုယွင်းအောင် တိုက်ခိုက်ဖျက်ဆီးမှုတွေ အများကြီးနဲ့ ကြုံတွေ့ရတဲ့ခေတ်ဖြစ်ပါတယ်။ ကျန်းမာရေးထိခိုက်စေနိုင်တဲ့ အန္တရာယ်တွေအကြားမှာ ကျန်းမာအောင်နေဖို့ကပဲ ဆရာဝန်တိုင်းညွှန်ကြားကြတဲ့ အကြံပေးချက် ဖြစ်ပါတယ်။ ကျန်းမာအောင် နေဖို့ဆို အခြေခံလူနေမှုပုံစံလေးတွေ ပြောင်းဖို့လည်း ဆရာဝန်တွေက ထောက်ခံကြပါတယ်။ ဘယ်လို Lifestyle မျိုးနဲ့ နေထိုင်ရမလဲဆိုတာကို အောက်မှာ ဖော်ပြလိုက်ပါတယ်။
(၁) ကိုယ်လက်လှုပ်ရှားမှု လုပ်ပါ
Photo: Unsplash
ကျန်းမာချင်ရင် တစ်ကြိမ်ကို နာရီဝက် ၄၅ မိနစ်နှုန်းနဲ့ တစ်ပတ်ကို ၃-၄ ကြိမ် Workout ကစားပေးဖို့ လိုပါတယ်။ Workout တွေထဲမှာ ကိုယ်အလေးချိန်ပြန်ထိန်းညှိတဲ့ Weight Training နဲ့ နှလုံးကျန်းမာစေမယ့် Aerobic လေ့ကျင့်ခန်းတွေလည်း ပါဝင်သင့်ပါတယ်။
(၂) ဟန်ချက်မျှမျှ စားသောက်ပါ
Photo: Unsplash
ဟန်ချက်မျှတဲ့ အစားအသောက် Balanced Diet ဆိုတာ အဆီနည်းနည်း ၊ အသီးအရွက် ၊ ပရိုတိန်း ၊ အမျှင် ၊ အဆီမပါတဲ့ အသားနဲ့ ကာဗွန်ဟိုက်ဒရိတ်တို့ ပါဝင်တဲ့ အစားအသောက်တွေကို ပြောတာပါ။ ကျန်းမာရေးမညီညွတ်တဲ့ သကြားများတဲ့ အစားအသောက်တွေ ၊ တာရှည်ခံအောင် စီမံထားတဲ့ အစားအစာတွေ စားတာတော့ ကန့်သတ်ပေးဖို့ လိုပါတယ်။
(၃) ရေသောက်ပါ
Photo: Unsplash
လူ့ကိုယ်ခန္ဓာဟာ ရေဓါတ်အမြောက်အများ လိုအပ်နေပါတယ်။ ရေဓါတ်ပြည့်နေဖို့ နေ့စဉ် အနည်းဆုံးရေ ၃ လီတာသောက်ပေးဖို့ အရည်ရွှမ်းတဲ့ အသီးအနှံတွေ စားပေးဖို့လည်း ဆရာဝန်တွေက တိုက်တွန်းကြပါတယ်။
(၄) ဆေးလိပ်ဖြတ်ပါ
Photo: Unsplash
အဆုတ်ကင်ဆာသမားတွေရဲ့ ၉၀% ဟာ ဆေးလိပ်သောက်သူတွေ ဖြစ်တယ်လို့ ဆိုပါတယ်။ ဆေးလိပ်သောက်ခြင်းဟာ အဆုတ်ကင်ဆာအပြင် တခြားကင်ဆာနဲ့ နာတာရှည်ရောဂါတွေ အဖြစ်များစေလို့ ဆေးလိပ်ဖြတ်ဖို့ ဆရာတွေက အကြံပေးကြပါတယ်။
(၅) အရက်သောက်တာ လျှော့ပါ
Photo: Unsplash
အယ်လ်ကိုဟော သောက်သုံးမှုမြင့်ခြင်းဟာ အသည်းတစ်သျှူးတွေ ပျက်စီးရောင်ရမ်းတာ ဖြစ်နိုင်သလို အသိစိတ်လွတ်ပြီး စိတ်မမှန်တာမျိုးအထိ ဖြစ်နိုင်ပါတယ်။ အရက်သောက်ခြင်းဟာ ကျန်းမာရေးအပြင် လူမှုရေးနဲ့ စီးပွားရေးပါ ထိခိုက်စေနိုင်လို့ ရှောင်ကြဉ်တာ အကောင်းဆုံးပါပဲ။
(၆) နှစ်နှစ်ခြိုက်ခြိုက် အိပ်ပါ
Photo: Unsplash
ကျန်းမာဖို့အတွက် အိပ်ရေးဝဝ အောက်ဖို့ လိုပါတယ်။ တစ်ရက်ကို အနည်းဆုံး ၇ နာရီလောက် အိပ်ချိန်ရှိရင် အဆင်ပြေပါတယ်။ အိပ်ရာဝင်ချိန်ကိုလည်း သိပ်နောက်မကျစေဘဲ မနက်စောစော ထနိုင်အောင် ညဘက် ၁၀ နာရီလောက်ဆို အိပ်ရာဝင်တာမျိုး လုပ်ဖို့လည်း အကြံပေးချင်ပါတယ်။
Featured Photo: muscleandfitness
