မုတ်ဆိတ် ၊ နှုတ်ခမ်းမွေးတွေ ရိတ်မယ်ဆိုရင် ရေချိုးပြီးမှ ရိတ်တဲ့သူတွေ ရှိသလို ရေမချိုးခင် Shaving လုပ်တဲ့ သူတွေလည်း ရှိကြတာပါပဲ။ အခုတစ်ခေါက်မှာတော့ ရေချိုးပြီး မုတ်ဆိတ်ရိတ်တဲ့ Post-Shower Shaving လုပ်မယ့်သူတွေအတွက် သိသင့်တဲ့အချက်တချို့ မျှဝေလိုက်ရပါတယ်။
(၁) ရေအပူချိန် မှန်ပါစေ
Photo: Freepik
Shaving လုပ်မယ်ဆိုရင် ရေခပ်နွေးနွေးက အကောင်းဆုံးပါပဲ။ ရေအေးအေးနဲ့ဆို အသားအရေရော ရိတ်မယ့် အမွေးအမှင်ပါ ထိခိုက်နိုင်လို့ ဖြစ်ပါတယ်။ ရေပူလွန်းရင်လည်း အသားအရေ ခြောက်သွေ့အက်ကွဲသွားစေနိုင်လို့ ရှောင်ကြဉ်သင့်ပါတယ်။
(၂) ရေအကြာကြီး မချိုးမိစေနဲ့
Photo: Freepik
Shower Time ကလည်း သိပ်မကြာရင် ကောင်းပါတယ်။ ရေအကြာကြီး ချိုးရင်လည်း အသားအရေထိခိုက်နိုင်သလို အမွေးတွေပါ ခြောက်သွေ့ကြမ်းတမ်းမှု ပိုဖြစ်နိုင်လို့ပါ။ အများဆုံးမှ မိနစ် ၃၀ ထက် ပိုမကြာရင် ကောင်းပါတယ်။
(၃) Moisturizer သုံးဖို့ မမေ့ပါနဲ့
Photo: Freepik
မုတ်ဆိတ်ရိတ်ပြီးရင် Aftershave Cream ဒါမှမဟုတ် Moisturizer တစ်ခုခု သုံးဖို့လည်း အကြံပေးချင်ပါတယ်။ အရေပြားဆဲလ်လေးတွေ ပြန်ပြီး သန်စွမ်းနူးညံ့စေဖို့နဲ့ မွှေးကြိုင် သင်းပျံ့ပြီး နေရအဆင်ပြေစေဖို့ ဖြစ်ပါတယ်။
