ခန္ဓာကိုယ်တည်ဆောက်မှုဆိုတာ စိန်ခေါ်မှု များပါတယ်။ အချိန်တွေ ပေးပြီး အားနဲ့ မာန်နဲ့ တည်ဆောက်ရတာပါ။ တကယ်လို့ ထိရောက်တဲ့ နည်းလမ်းတွေ မသုံးမိရင် အချိန်ကုန် ပင်ပန်းပြီး ခရီးမရောက်ဘဲ ဖြစ်မှာပါ။ အခုတစ်ခေါက်ကတော့ လက်မောင်းကြီးအောင် ကစားရာမှာ လိုက်နာသင့်တဲ့ အချက်တွေအကြောင်း ဖော်ပြသွားမှာပါ။
ပထမဆုံး ပရိုတိန်းနဲ့ ကယ်လိုရီ လုံလောက်အောင် စားပေးပါ။ ကြွက်သားတည်ဆောက်ဖို့အတွက် ကယ်လိုရီနဲ့ ပရိုတိန်း ပြည့်ပြည့်ဝဝ မရှိရင် ကောင်းကောင်း ကစားနိုင်မှာ မဟုတ်ပါဘူး။ နောက်တစ်ခုက Weight ကို ဖြည်းဖြည်းချင်း အကြိမ်ရေ တိုးတင်ရမှာပါ။ နောက်တစ်ခုက လေ့ကျင့်ခန်းကို နည်းစနစ်တကျ လုပ်ဖို့ ဖြစ်ပါတယ်။
Photo: Muscle & Fitness
လက်မောင်းအရွယ်အစား အကြီးဆုံး ဖြစ်လာဖို့ဆိုရင် မတူညီတဲ့ လက်မောင်းလေ့ကျင့်ခန်းအမျိုးမျိုးကနေ လှုပ်ရှားမှုပုံစံတွေ လုပ်ရတာပါ။ Dumbbell Incline ကို ၄၅ ဒီဂရီ ဆွဲတာ EZ bar နဲ့ လက်မောင်းကစားပေးရတာတွေ လုပ်ပေးရမှာပါ။ Triceps အတွက်ဆိုရင် ကြိုးဆွဲကစားမှုကိုလည်း ပုံမှန် ထည့်လုပ်ပေးဖို့ လိုပါတယ်။ Cable ဆွဲတဲ့ နည်းစနစ်မှာ ဟန်ချက်ညီမှုရှိဖို့က အဓိက ဖြစ်ပါတယ်။
နောက်တစ်ခုက လက်အနေအထားကို ပြောင်းတာပါ။ လက်ကို ပက်လက် ၊ မှောက်ခုံနဲ့ ပုံမှန်ဒေါင်လိုက် သုံးမျိုးအနေအထားအားလုံးကို သုံးရမှာပါ။ မတူညီတဲ့ လက်အနေအထားတွေနဲ့ ၄ ပတ်ကနေ ၆ ပတ်အတွင်း ကစားပေးရင် ပုံမှန်ကစားတာထက် သိသာပါလိမ့်မယ်။ နောက်တစ်ခုက Training လုပ်တဲ့ အကြိမ်ရေကိူလည်း တိုးပေးသွားဖို့ လိုပါတယ်။
Source : Freepik
နောက်တစ်ခုက လက်ကစားတဲ့ ပုံစံနဲ့ အကြိမ်ရေကို တစ်ပတ်နဲ့ တစ်ပတ် အတိုးအလျှော့ပုံမှန် လုပ်ပေးရမှာ ဖြစ်ပါတယ်။ ပုံမှန်အားဖြင့် အနည်းဆုံး ကစားတဲ့ ၄ ကြိမ်ကနေ အများဆုံး အကြိမ် ၃၀ အထိ အပြောင်းအလဲနဲ့ ကစားပေးတာဟာ ကြွက်သားတည်ဆောက်မှုမှာ ရလဒ်ကောင်းတွေ ထွက်စေတယ်လို့ ဆိုပါတယ်။ ကစားတဲ့ Weight ကိုလည်း တိုးတိုးပြီး ကစားသွားမယ်ဆိုရင် သိသိသာသာ လက်မောင်းကြွက်သားတက်လာမှာ ဖြစ်ပါတယ်။
