ဘဝမှာ အောင်မြင်ဖို့ရန်အတွက် ဇွဲ၊ လုံ့လ၊ ဝီရိယတို့သည် အရေးကြီးဆုံးအခန်းကဏ္ဍမှာ ပါဝင်ပါတယ်။ အောင်မြင်မှုဆီသို့ လျှောက်လှမ်းနေတဲ့ ယောကျာ်းများအတွက် စိန်ခေါ်မှုများ၊ အခက်အခဲများသည်လည်း ရံဖန်ရံခါဆိုသလို ဝင်ရောက်လာမှာဖြစ်ပါတယ်။
ထိုအချိန်မျိုးမှာ မိမိရဲ့ဇွဲ၊ လုံ့လ၊ ဝီရိယကိုအရင်ကထက် ပိုမိုမြင့်တင်ဖို့လိုအပ်ပါတယ်။ ဇွဲ၊ လုံ့လ၊ ဝီရိယကို ဘယ်လိုနည်းလမ်းများနဲ့ မြှင့်တင်နိုင်မလဲ။
တစ်နေ့လျှင် ၁ ရာခိုင်နှုန်းခန့် ပိုပိုတိုးကာ ကြိုးစားပါ
မနေ့ကထက်စာရင် ဒီနေ့အဖို့ ၁ ရာခိုင်နှုန်းခန့် ပိုမိုကြိုးစားပေးလိုက်ပါ။ ၁ ရာခိုင်နှုန်းခန့် မပိုနိုင်ဘူးဆိုရင်လည်း ဝ.၅ ရာခိုင်နှုန်းခန့် ကြိုးစားပေးလည်းရပါတယ်။ အဓိကကတော့ မနေ့ကထက် ဒီနေ့တစ်ရက် ပိုကြိုးစားဖို့ပါပဲ။
ကိုယ့်ရဲ့ပန်းတိုင်ကို မမေ့ပါစေနဲ့
အမှားတွေ ပြုလုပ်မိဖို့ စိတ်ပင်ပန်းနေချိန်မှာ ကိုယ့်ကိုယ်ကိုယ် အပြစ်မတင်ပါနဲ့။ လူတိုင်း အမှားနဲ့မကင်းနိုင်ဘူးဆိုတာ သင် သိပြီးသားဖြစ်ပါတယ်။ အမှားထဲကနေ သင်ခန်းစာယူရင်း ကိုယ့်ကိုယ့်ကိုယ် ဗားရှင်းမြှင့်တင်လိုက်ပါ။
ဘာ့ကြောင့် အစပျိုးခဲ့သလဲ သတိရပါ
လူသားတွေသည် ပင်ပန်းခက်ခဲချိန်မှာ လက်လျော့တတ်ကြပါတယ်။ သင့်အနေနဲ့ လမ်းတစ်ဝက်ရောက်မှ လက်လျော့ချင်စိတ်ပေါ်လာတဲ့အခါ မိမိသည် ဘာ့ကြောင့် ပထမခြေလှမ်းကို စတင်ခဲ့သလဲဆိုတာ သတိရဖို့လိုပါတယ်။ ဒါဆိုရင်တော့ အရှုံးပေးချင်စိတ်များ လျော့နည်းသွားပါလိမ့်မယ်။
လဲကျသွားမှာကိုလည်း မကြောက်ပါနဲ့
သင့်ရဲ့ကလေးဘဝကို သတိရလိုက်ပါ။ သင် လမ်းလျှောက်သင်ခါစတုန်းက မကြာခဏဆိုသလို တဘုန်းဘုန်း လဲကျဖူးပါလိမ့်မယ်။ လဲကျတဲ့အချိန်မှာ နာကျင်တဲ့အတွက်ကြောင့် ငိုကောင်း ငိုခဲ့ဖူးပါလိမ့်မယ်။ ဒါပေမဲ့ သင်သည် လဲကျသလိုပဲ ဆက်နေခဲ့ပါသလား။ လဲကျနေရာကနေ ပြန်ထပြီး လမ်းဆက်လျှောက်တဲ့အတွက်ကြောင့် ယခု လူကြီးဘဝရောက်လာတဲ့အခါ ကောင်းမွန်စွာ လှုပ်ရှားသွားလာနိုင်တယ်မဟုတ်လား။
ထိုနည်းလည်းကောင်းပါပဲ။ ပန်းတိုင်ဆီ လျှောက်လှမ်းနေစဉ် တစ်စုံတစ်ရာချွတ်ချော်သွားလို့ ရှုံးနိမ့်သွားတဲ့အခါ ပြန်လည်ရုန်းထလိုက်ပါ။ ဒုတိယအကြိမ် ထပ်မံကြိုးစားလိုက်ပါ။ ဇွဲ၊ လုံ့လ၊ ဝီရိယတို့ကိုလည်း အဖော်အဖြစ် ခေါ်ဆောင်သွားဖို့မမေ့ပါနဲ့။
ဒါဆိုရင်သင့်ရဲ့ပန်းတိုင်သည် တစ်နေ့မဟုတ်တစ်နေ့ ရောက်ရှိမှာ ဧကန်မလွဲပါပဲ၊
Source: Success.com
Featured Image Source: Success.com