ဘဝမှာ ဆူးညှောင့်ခလုတ်တွေ၊ အတားအဆီးတွေဆိုတာ ရှိစမြဲပါပဲ။ အတားအဆီတွေကို မကျော်ဖြတ်ချင်လို့ ဒီအတိုင်းပဲ ထိုင်နေမယ်ဆိုရင်တော့ သင်က ပျင်းရိသူပဲဖြစ်သွားပြီး ဘဝမှာ တိုးတက်မှုလမ်းကြောင်းကို ရှာတွေ့မှာမဟုတ်တော့ပါဘူး။
ငယ်ရွယ်စဉ်မှာတော့ မိမိဝမ်းစာအတွက် ရှာဖွေစားသောက်နိုင်ပေမယ့် အသက်အရွယ်ရလာပြီး အလုပ် မလုပ်နိုင်တော့တဲ့အခါ ဘယ်သူ့ကို သင် အားကိုးမလဲ။ အသက်အရွယ် ကြီးလာမှ နောင်တမရရအောင် ငယ်ရွယ်စဉ်ကတည်းက မိမိကိုယ်ကို ခိုင်းတတ်ရပါမယ်။
အလုပ်တွေ ကြိုးစားပြီး ပိုက်ဆံစုမယ်။ စုမိဆောင်းမိဖြစ်သွားတဲ့အခါ ဘဝအာမခံချက်ရအောင် စီးပွားရေးတစ်ခု စတင်ပြုလုပ်မယ်။ တစ်စထက် တစ်စ တိုးတက်လာတဲ့အခါမှာတော့ နောက်ဆုံးမှာ အောင်မြင်မှုအသီးအပွင့်ကို စားသုံးနိုင်ပါတယ်။
ထိုကဲ့သို့ ခြေလှမ်းအသစ် စတင်လိုက်ပြီဆိုတာနဲ့ အတားအဆီတွေက သင့်ကို စောင့်ကြိုနေပါတယ်။ ထိုအတားအဆီးတွေကို ဘယ်လိုကျော်ဖြတ်ရမလဲ။
မညည်းညူပါနဲ့
Photo Source: Freepik.com
အတားအဆီးတွေကလည်း များလိုက်တာ ဘယ်လိုလုပ်ရမလဲဆိုပြီး စိတ်ညစ်ပြီး ညည်းညူနေမယ့်အစား တတ်ကျွမ်းနားလည်သူများထံ အကူအညီတောင်းကြည့်ပါ။ အကြံဉာဏ်ရယူလိုက်ပါ။ အခြားသူတွေကလည်း အခက်အခဲကိုယ်စီရှိကြတာကြောင့် သင့်ကို အကြံဉာဏ်ပေးရုံကလွဲပြီး သင့်ကိုယ်စားလုပ်ဆောင်ပေးနိုင်မှာမဟုတ်ပါဘူး။
ဘယ်လိုဖြေရှင်းရမလဲ စဉ်းစားပါ
Photo Source: Salesforce.com
ပြဿနာတစ်ခု ကြုံတွေ့ရတဲ့အခါ ထိုပြဿနာကနေ ရှောင်ပြေးလိုက်ခြင်းသည် အဖြေမဟုတ်ပါဘူး။ ထိုပြဿနာကို ဖြေရှင်းဖို့အတွက် နည်းလမ်းပေါင်းစုံအသုံးပြုပါ။ ပုစ္ဆာတိုင်းမှာ အဖြေဆိုတာ ရှိစမြဲမို့ ဘယ်တော့မှ လက်မြှောက်အရှုံးမပေးဘဲ အကောင်းဆုံးကြိုးစားဖြေရှင်းပါ
အတားအဆီးအကြီးကြီးကို သေးသေးလေးခွဲကာ ရင်ဆိုင်ဖြေရှင်းပါ
Photo Source: Freepik.com
အတားအဆီးသေးသေးလေးများကို ရင်ဆိုင်ဖြေရှင်းရခြင်းက ပိုမိုလွယ်ကူပါတယ်။ ဒါ့ကြောင့် သင် ဘယ်လိုအခက်အခဲနဲ့ပဲ ကြုံတွေ့ရပါစေ ပြဿနာအကြီးကြီးကို ထပ်ကြီးလာတဲ့အထိ စောင့်ဆိုင်းမနေဘဲ ခေါင်းအေးအေးဖြင့် သေချာစဉ်းစားကာ ရင်ဆိုင်ဖြေရှင်းလိုက်ပါ။
အကောင်းမြင်စိတ် မွေးပါ
Photo Source: Everypixel.com
အကောင်းမြင်စိတ် ရှိခြင်းသည် သင့်အခက်အခဲများကို အလွယ်တကူ ဖြေရှင်းနိုင်အောင် ကူညီပေးနိုင်ပါတယ်။ ဒါ့ကြောင့် မကောင်းမြင်စိတ်များ သင့်စိတ်ထဲ ဝင်နေရာယူလာပြီဆိုတာနဲ့ တတ်နိုင်သမျှ မြန်မြန်မောင်းထုတ်ပစ်ပါ။ မိမိရဲ့အခက်အခဲများကို လက်တွေ့ကျကျ ရင်ဆိုင်နိုင်မှသာ အောင်မြင်မှုပန်းတိုင်ကို ဆွတ်ခူးရရှိနိုင်မှာဖြစ်ပါတယ်။
Source: Fullsailpartners.com
