ပထမဆုံး အကြံပေးချင်တာက ကယ်လိုရီလောင်ကျွမ်းစေချင်ရုံနဲ့ Gym သွားစရာမလိုဘူးဆိုတာပဲ။ အိမ်မှုကိစ္စလေးတွေ နေ့စဉ်လုပ်ရင်းနဲ့လည်း ကယ်လိုရီ လောင်ကျွမ်းစေနိုင်ပါတယ်။
(၁) ကားရေဆေးခြင်း
Source: Freepik
စနေ ၊ တနင်္ဂနွေနေ့တွေမှာ အားလပ်ရက်ရတုန်း ကိုယ့်ကားလေးကို ရေဆေး သန့်ရှင်းပေးမယ်ဆိုရင် ကားလည်း သန့်ရှင်း ၊ လူလည်း ကယ်လိုရီလောင်ကျွမ်းတာကြောင့် ရောဂါ အဖြစ်နည်းစေပါတယ်။ ကားရေဆေးတာဟာ အနည်းဆုံး၂ နာရီခန့် ကြာတာ ဖြစ်လို့ လူအတွက်လည်း အကျိုးရှိ ၊ အလုပ်လည်း တွင်စေပါတယ်။
(၂) ကခုန်ခြင်း
Source: Freepik
ကလပ်မှာပဲ ကက ၊ ကိုယ့်အခန်းထဲမှာပဲ သီချင်းတေးသွားဖွင့်ပြီး ကက အကအခုန် တစ်နာရီ လောက် လုပ်တာနဲ့ ကယ်လိုရီ ၅၀၀ အထိ ကျစေပါတယ်။
(၃) ခွေးနဲ့ လမ်းလျှောက်ခြင်း
Source: Freepik
လမ်းလျှောက်ခြင်းဟာ အဖိုးတန်သလောက် အခကြေးငွေ ပေးစရာမလိုတဲ့ လေ့ကျင့်ခန်းပါ။ ခွေးတစ်ကောင်နဲ့ လမ်းလျှောက်မယ်ဆိုရင် ပိုလည်း လမ်းလျှောက်ဖြစ်သလို လမ်းလျှောက်တာကလည်း စိတ်ဝင်စားစရာ ဖြစ်လာပါလိမ့်မယ်။ တစ်နာရီလောက် နေ့တိုင်း ပုံမှန် လမ်းလျှောက်ဖြစ်မယ်ဆိုရင် နှလုံးကြွက်သား ကြံ့ခိုင်အားကောင်းတဲ့ အကျိုးကျေးဇူးပါ ရလာမှာပါ။
(၄) ဥယျာဉ်စိုက်ခြင်း
Source: Freepik
သဘာဝထဲ နေထိုင်သူတွေဟာ အသက်ပိုရှည်ကြပါတယ်။ အိမ်မှာ မြေနေရာလွတ်ရှိရင် အပင်စိုက်ဖို့ အကြံပြုချင်ပါတယ်။ တစ်ပတ်ကို ၅ နာရီပဲ ဥယျာဉ်ထဲမှာ အချိန်ကုန်စေတယ်ဆိုရင်တောင် တစ်နှစ်ကို ကယ်လိုရီ ၁၉၀၀၀ လောင်ကျွမ်းတယ်လို့ ဆိုပါတယ်။ သန့်ရှင်းတဲ့ လေလည်း ရှုရှိုက်ရလို့ ကျန်းမာသွက်လက်တဲ့ ကိုယ်ကို ပိုင်ဆိုင်နိုင်မှာပါ။
(၅) အိမ်မှုကိစ္စလုပ်ခြင်း
Source: Freepik
တိုတိုထွာထွာဆိုပေမယ့် အိမ်သန့်ရှင်းရေးလုပ်တာ ၊ မီးဖိုချောင်ထဲ ဝင်တာဟာ ခန္ဓာကိုယ် ကြွက်သားတွေ ပျော့ပြောင်းပြီး ကိုယ်လက်ကြံ့ခိုင်လာစေပါတယ်။ ကြမ်းတိုက်ဖို့အတွက် ဖုန်သန့်ရှင်းဖို့အတွက် လူရဲ့ ကိုယ်ခန္ဓာဟာ ပုံစံမျိုးစုံနဲ့ ပြောင်းပေးနေရပါတယ်။ ဒါဟာ ကိုယ်လက်အကြောတွေ ပျော့ပြောင်းတဲ့အပြင် ကယ်လိုရီကိုလည်း ဆက်တိုက် လောင်ကျွမ်းစေပါတယ်။
(၆) ဈေးဝယ်ထွက်ခြင်း
Source: Freepik
အွန်လိုင်းကပဲ ဈေးဝယ်နေတာဟာ ခေတ်မီပေမယ့် ကျန်းမာရေးနဲ့ မညီပါဘူး။ အပြင်ထွက်ပြီး ဈေးဝယ်လိုက်ပါ။ ဈေးဝယ်တာဟာ ကိုယ့်အကြိုက် မတွေ့မချင်း လှည့်သွားနေရတာဖြစ်လို့ လူလည်း လမ်းလျှောက်ဖြစ် ၊ကယ်လိုရီလည်း အများကြီး လောင်ကျွမ်းပါတယ်။
