အောင်မြင်မှုပန်းတိုင်ဆီ အရောက်လှမ်းတဲ့အခါ အရေးကြီးဆုံးအချက်သည် ဘယ်အရာဖြစ်မယ်လို့ သင် ထင်ပါသလဲ။
အောင်မြင်မှုပန်းတိုင်ဆီ လျှောက်လှမ်းတဲ့အခါ အတားအဆီး၊ အခက်အခဲပေါင်းစုံကို ရင်ဆိုင်ကျော်ဖြတ်ရမှာဖြစ်ပါတယ်။ ထိုအတားအဆီးများကို အောင်မြင်စွာ ဖြတ်ကျော်နိုင်ဖို့အတွက် အရေးကြီးဆုံးအရာကတော့ သင့်စိတ်ပဲ ဖြစ်ပါတယ်။
ဘယ်အရာအတွက်မဆို သင့်စိတ်သာလျှင် အဓိကပါ။ စိတ်ဆောင်မယ်ဆိုရင် မလုပ်နိုင်ဘူးလို့ ထင်ရတဲ့အရာကိုတောင် အောင်မြင်စွာလုပ်ဆောင်နိုင်ပါတယ်။
သင့်အနေနဲ့ ကိုယ့်ရည်မှန်းချက်ဆီ လျှောက်လှမ်းနေတုန်း လမ်းတစ်ဝက်မှာ လက်လျော့ချင်စိတ်ပေါ်လာခဲ့တဲ့အခါ အခုဝေမျှပေးမယ့်အချက်များကိုသာ သတိရလိုက်ပါ။
သင် ဘယ်လောက်ပဲ နှေးနှေးသွားနေပါစေ အရေးကြီးဆုံးကတော့ လက်မလျော့မိဖို့ပါနဲ့
ယုန်နဲ့လိပ်ပုံပြင်ကို ကြည့်မယ်ဆိုရင် လိပ်သည် အင်မတန်နှေးကွေးသောသတ္တဝါတစ်ကောင်ပါ။ သိုပေမယ့် သူသည် နှေးကွေးလို့ဆိုပြီး ပန်းတိုင်ဆီ မရောက်ခင် ရပ်တန့်လိုက်တာမျိုးမရှိပါဘူး။ သူ့ဘာသာသူ ဖြည်းဖြည်းမှန်မှန်လေးပဲ သွားပါတယ်။
ထိုနည်းတူပဲ သင်သည်လည်း ကိုယ့်ရဲ့လုပ်ဆောင်နိုင်စွမ်းက နှေးလွန်းနေတယ်လို့ သံသယရှိလာတဲ့အခါ ယုန်နဲ့လိပ်ပုံပြင်ထဲက လိပ်ကိုသာ သတိရလိုက်ပါ။ သင် မရပ်တန့်သရွေ့၊ လက်မလျော့သရွေ့ အောင်မြင်မှုသည် သင့်အတွက်ပါပဲ။
သင် စိတ်ကူးယဉ်နိုင်တယ်ဆိုရင် လုပ်လည်း လုပ်နိုင်ပါတယ်
သင့် စိတ်ဖြင့် စိတ်ကူးယဉ်ပြီး ပုံဖော်နိုင်တယ်ဆိုရင် သင့်ရဲ့အိပ်မက်ကို အမှန်တကယ် ပုံဖော်နိုင်ပါတယ်။ အရေးကြီးတာက သင့်ကိုယ်သင် ယုံကြည်မှုရှိဖို့ပါပဲ။ ကိုယ့်အိပ်မက်ကို အမှန်တကယ်ယုံကြည်တယ်ဆိုရင် အောင်မြင်မှုပန်းတိုင်ဆီ သေချာပေါက် အရောက်လှမ်းနိုင်ပါတယ်။
လမင်းကြီးကို ချိန်ရွယ်ထားပါ။ လမင်းကြီးနဲ့ လွဲချော်ခဲ့ရင်တောင် ကြယ်တာရာတစ်ခုနဲ့ တိုက်မိကောင်းပါရဲ့
ဘဝမှာ ကျရှုံးမှုဟူသည် ငြင်းဆန်လို့မရပါဘူး။ ကိုယ်က ဘယ်လောက်ပဲ ကြိုးစားနေပါစေ ကံတရားက မျက်နှာသာမပေးတဲ့ အခိုက်အတန့်မျိုး ခံစားဖူးကြပါလိမ့်မယ်။ အောင်မြင်ကျော်ကြားတဲ့ Walt Disney တောင်မှ ထိုကုမ္ပဏီကို မထောင်ခင်မှာ ရှုံးနိမ့်မှုတွေနဲ့ ကြုံတွေ့ခဲ့ရဖူးပါတယ်။
သင့်အနေနဲ့ ကျရှုံးမှုနဲ့ ကြုံတွေ့တဲ့အခါ သင် ယခင်က အသုံးပြုခဲ့တဲ့နည်းလမ်းကို ပြောင်းလဲလိုက်ပါ။ တစ်နည်းမဟုတ် တစ်နည်း ပြောင်းလဲလိုက်တဲ့အခါ ဘယ်နေရာမှာ မှားယွင်းချွတ်ချော်ခဲ့သလဲဆိုတာကို ပြန်လည်တွေ့ရှိသွားပါလိမ့်မယ်။
Source: Indiatoday.in
Featured Image Source: Average2alpha.com
