လုပ်ငန်းခွင်မှာ တက်ကြွတဲ့ဝန်ထမ်းကောင်းတစ်ယောက် ဖြစ်ချင်ပေမယ့် အမြဲထှိုင်းမှိုင်းနေပါသလား။ လုပ်ငန်းခွင်မှာ ပျော်ရွှင်လန်ဆန်းဖို့အတွက် စိတ်အားထက်သန်မှုတွေ လိုအပ်ပါတယ်။ တကယ်လို့လုပ်ငန်းအပေါ်မှာ စိတ်အားထက်သန်မှုတွေ ပျောက်ဆုံးနေပြီဆိုရင် ဒီအချက်လေးတွေကို လေ့လာပြီး တက်ကြွလန်းဆန်းတဲ့ ဝန်ထမ်းကောင်းဖြစ်အောင် ပြောင်းလဲလိုက်ပါ။
Photo : Peoplebox
အလုပ်ကို တိတိကျကျလုပ်ဆောင်နိုင်ဖို့အတွက် လုပ်ငန်းတာဝန်ပေါ်မှာ အာရုံစူးစိုက်မှုထားဖို့လိုပါတယ်။ အလုပ်ချိန်မှာ အလုပ်ကိုစိတ်ဝင်တစားဆောင်ရွက်မယ်ဆိုရင် အလုပ်နဲ့ပတ်သက်လို့ ပြီးပြည့်စုံတဲ့သူတစ်ယောက်ဖြစ်နိုင်ပါတယ်။
လူသားတစ်ယောက်ဖြစ်တဲ့အတွက် ကိုယ်ရေးကိုယ်တာခံစားမှုတွေလည်း များစွာရှိနိုင်ပါတယ်။ မိသားစုရဲ့ အိမ်တွင်းရေးပြဿနာတွေ၊ ချစ်သူရည်းစားရဲ့ စိတ်ဆိုးစိတ်ကောက်မှုတွေဟာ သင့်အတွက် စိတ်ဖိစီးမှုတွေပါပဲ။ ဒီလို ကိုယ်ရေးကိုယ်တာခံစားချက်တွေကို လုပ်ငန်းခွင်ထဲယူလာမိပြီဆိုရင်တော့ လုပ်ငန်းခွင်အတွက် တက်ကြွတဲ့ဝန်ထမ်းကောင်းတစ်ယောက် ဘယ်လိုမှမဖြစ်နိုင်တော့ပါဘူး။
Photo : Podemos
အလုပ်ကိုအများနဲ့စုပေါင်းလုပ်ရတဲ့အခါမှာ Teamwork ရှိရှိနဲ့ လုပ်ဆောင်နိုင်ဖို့လိုအပ်ပါတယ်။ လုပ်ဖော်ကိုင်ဖက်များနဲ့ အပေးအယူမျှမျှရှိပြီး တစ်ကိုယ်ကောင်းဆန်တဲ့အကျင့်တွေကို ဖယ်ထုတ်ပစ်နိုင်ဖို့လဲလိုပါတယ်။ ဒါမှလုပ်ငန်းခွင်ထဲမှာ အမြဲတက်ကြွပျော်ရွှင်နေနိုင်မှာပေါ့။
ညနေပိုင်းအချိန်တွေကနေ ညနက်ထိ သူငယ်ချင်းတွေနဲ့ ပျော်ပါးနေရင်တော့ အိပ်ချိန်တွေလျော့ပါးလာမှာပဲဖြစ်ပါတယ်။ ဒါမှမဟုတ် ညနက်တဲ့အထိဂိမ်းဆော့တာမျိုး၊ ဇာတ်လမ်းတွဲတွေကြည့်နေတာမျိုးဆိုရင်လည်း အိပ်ရေးမဝနိုင်ပါဘူး။ အိပ်ရေးမဝဘူးဆိုလျှင် လုပ်ငန်းခွင်မှာတက်ကြွလန်းဆန်းနေဖို့ဆိုတာ ဘယ်ဖြစ်နိုင်ပါ့မလဲ။
