သင့်အနေနဲ့ နေ့စဉ်ဘဝရဲ့ ပြဿနာတွေကြားထဲမှာ နေရတာ အဆင်မပြေဘဲ စိတ်ဖိစီးမှုတွေဖြစ်လာပြီလား။ ပြဿနာတွေ အထွေးလိုက်ကြီးထဲမှာ ကိုယ်က ပါဝင်ပတ်သက်နေရသူ တစ်ယောက်ဖြစ်နေပြီဆိုရင်တော့ တစ်နေ့တစ်နေ့ဘဝကို ဖြတ်သန်းရတဲ့နေရာမှာ အချိန်တိုင်း စိတ်ရှုပ်နေရမှာပါ။ ဒီလို ပြဿနာတွေထဲကနေ ဘယ်လို ရုန်းထွက်ကြမလဲ။
အမှားတွေကို ချက်ချင်း ပြင်ဆင်ပါ
Photo : Freepik
ပြဿနာဖြစ်တယ်ဆိုတာ တကယ်တော့ အမှားကို လုပ်ခဲ့လို့ပါ။ ကိုယ်လုပ်ခဲ့တဲ့ အမှားကြောင့် ဖြစ်ရတဲ့ ပြဿနာဖြစ်တဲ့အတွက် အဲဒီအမှားကို အချိန်မီ ပြင်ဆင်ရပါမယ်။ အချိန်မီဆိုတာ ချက်ချင်း လုပ်ဆောင်ဖို့ ပြောတာပါ။ လူ့ဘဝမှာ အမှားကို ပြင်ဆင်ဖို့အတွက် အချိန်မမီတော့ဘူးဆိုတာ မရှိပါဘူး။ အမှားတွေကို ချက်ချင်းပြင်ဆင်ပါ။
လက်တွေ့ကျကျ တွေးခေါ်ဆောင်ရွက်ပါ
Photo : Freepik
ပြဿနာတစ်ခုပေါ်လာတဲ့အခါမှာ ဖြေရှင်းဖို့အတွက် လက်တွေ့ကျကျ တွေးခေါ်ဆောင်ရွက်ဖို့ကလည်း အရေးကြီးပါတယ်။ အထက်ကပြောခဲ့သလို ပြဿနာရဲ့ ရင်းမြစ်ကို ရှာတွေ့ပြီဆိုရင်တော့ လက်တွေ့ကျတဲ့ အဖြစ်နိုင်ဆုံး အဖြေကို ရှာရမှာပါ။ မဖြစ်နိုင်တာတွေကို လျှောက်တွေးမနေပါနဲ့။ ပြဿနာကို ဘယ်လိုဖြေရှင်းရမယ်ဆိုတာ သင်ကိုယ်တိုင် ရှင်းရှင်းလင်းလင်း သိပါတယ်။
ပြဿနာတွေကို ရှောင်ပြေးဖို့ မစဉ်းစားပါနဲ့
Photo : Freepik
ပြဿနာတွေကို ရင်မဆိုင်ဘဲ ထွက်ပြေးတိမ်းရှောင်နေတယ်ဆိုတာ နည်းလမ်းမှန် အဖြေမှန်တော့ မဟုတ်ပါဘူး။ ကံကောင်းထောက်မလို့ ပြဿနာတစ်ခုဆီက ထွက်ပြေးတိမ်းရှောင်နိုင်ခဲ့တယ်ဆိုရင်တော့ နောက်ထပ်ပြဿနာတွေနဲ့ သင်ကြုံတွေ့နေရဦးမှာပါပဲ။ ဒီတော့ ပြဿနာတွေကို ထိပ်တိုက်ရင်ဆိုင်ပါ။ ပြဿနာတွေရဲ့ ရင်းမြစ်ကို သေချာရှာပါ
ဆုံးရှုံးမှုတွေထဲက သင်ခန်းစာယူပါ
Photo : Freepik
ပြဿနာတွေ အမှားတွေ တွေ့ကြုံပြီးချိန်မှာတော့ ဘယ်လိုဖြေရှင်းနိုင်ပါစေ၊ ဘယ်လိုပဲ အမှားတွေ ပြင်ဆင်လိုက်ပါစေ ဆုံးရှုံးမှုကတော့ ကြုံရစမြဲပါပဲ။ ဆုံးရှုံးမှု များတာနဲ့ နည်းတာပဲ ကွာပါတယ်။ ဆုံးရံှုးရပြီဆိုမှတော့ ကိုယ့်ဘက်က ပေးလိုက်ရတာချည်းပါပဲ။ ဒီတော့ ကိုယ့်ရဲ့ ဆုံးရှုံးမှုတွေကတဆင့် နောက်ပြဿနာတွေ၊ အမှားတွေ ထပ်မကြုံအောင် သင်ခန်းစာယူပါ။
