ကောင်မလေးတစ်ယောက်နဲ့ ချိန်းတွေ့ရမယ့် ကိစ္စဟာရင်ခုန်စရာကောင်းသလို ကောင်းကောင်းပြင်ဆင်မှုလုပ်ဖို့လည်းလိုပါတယ်။ ကိုယ်နဲ့ တွေ့ရမယ့် ကောင်မလေးဟာ ကိုယ်အလေးအနက်ထားရတဲ့ ဘဝလက်တွဲဖော်လည်း ဖြစ်နိုင်ပါတယ်။ ပထမဆုံးအကြိမ်ဒိတ်လုပ်ချိန်မှာ ဝတ်စားဆင်ယင်မှုဟာလည်း အရေးပါတာပေါ့။ ဒါကြောင့် First Date မှာဘယ်လိုဝတ်စားရမလဲဆိုတာပြောပြပေးချင်ပါတယ်။
(၁) လိုက်ဖက်အောင်ဝတ်ပါ
Photo : Freepik
သင်နဲ့ လိုက်ဖက်ပြီး Fit ဖြစ်တဲ့ ဝတ်စုံကို အရင်ရွေးပါ။ ဈေးကြီးတာ ဝတ်ရင် ကောင်မလေး အထင်ကြီးမှာပဲ ဆိုပြီး Suit ကြီး ဝတ်သွားတာမျိုး မလုပ်ပါနဲ့။ သင့်မှာ T-Shirt နဲ့ Jeans ပဲ ရှိတော့ ဘာဖြစ်လဲ။ သင့်ကိုယ်လုံးကိုယ်ပေါက်နဲ့ အချိုးကျနေတယ် ၊ ဝတ်လို့လည်း သက်တောင့်သက်သာ ရှိနေတယ်ဆိုရင် ပြဿနာမရှိပါဘူး။
(၂) နာရီဝတ်ပါ
Photo : Just A Guy Thing
နာရီဝတ်တဲ့သူတွေဟာ လူတွေအကြားမှာ ထူးခြားနေတယ်လို့ ခံစားမိစေပါတယ်။ နာရီတစ်လုံးဟာ သင့်ရဲ့ ရှိရင်းစွဲ Rank ကို မြှင့်ပေးနိုင်လို့ လူအကြား သွားမယ်ဆိုရင် နာရီကောင်းကောင်း ပတ်သွားတာ အကောင်းဆုံးပါပဲ။
(၃) ဖိနပ်ကောင်းကောင်းစီးပါ
Photo : The Adult Man
မိန်းကလေးတွေဟာ ခေါင်းအစခြေအဆုံး စူးစမ်းတတ်သူတွေပါ။ သင်ဘာပဲ ဝတ်လာဝတ်လာ ဖိနပ်ခပ်ညံ့ညံ့စီးလာရင် အမှတ်လျှော့မှာပါ။ ဒီတော့ First Date မှာ ဖိနပ်ကောင်းကောင်း စီးသွားဖို့လည်း မမေ့ပါနဲ့။
Featured Photo : Perpetual Magazine
