အားကစားမှာ အစားအသောက်က အရေးကြီးတဲ့ကဏ္ဍက ပါဝင်နေတာ အားလုံးပဲ သိကြမှာပါ။ အားကစားမလုပ်ခင်မှာရော အားကစားလုပ်ပြီးမှာပါ အစားအသောက် ရွေးချယ်စားသုံးမှု မှန်ကန်ဖို့ လိုပါတယ်။ အခုတစ်ခေါက်မှာတော့ Post-Workout Nutrition လို့ခေါ်တဲ့ အားကစားလုပ်ပြီး စားပေးသင့်တဲ့ အစားအသောက်တွေအကြောင်း ပြောပြပေးသွားမှာ ဖြစ်ပါတယ်။
အခြေခံအားဖြင့် အားကစားလုပ်ပြီးရင် Macronutrient လို့ ခေါ်တဲ့ ပရိုတိန်း ၊ ကာဗွန်ဟိုက်ဒရိတ် နဲ့ အဆီဓါတ်တွေ စားပေးဖို့ လိုပါတယ်။ ပရိုတိန်းဟာ ကြွက်သားတွေ တည်ဆောက်ပေးပြီး စုတ်ပြဲသွားတဲ့ ကြွက်သားတွေ ပြန်ကောင်းမွန်စေပါတယ်။ ကာဗွန်ဟိုက်ဒရိတ်ကတော့ အားကစားလုပ်စဉ် ဆုံးရှုံးသွားတဲ့ Glycogen တွေ ပြန်ဖြည့်ပေးနိုင်ပါတယ်။
Photo: Art of Healthy Living
ကာဗွန်ဟိုက်ဒရိတ်နဲ့ ပရိုတိန်းကို အချိုးအားဖြင့် ၃:၁ စားပေးသင့်ပါတယ်။ တစ်နည်းအားဖြင့် ပရိုတိန်း ဂရမ် ၄၀ စားတယ်ဆိုရင် ကာဗွန်ဟိုက်ဒရိတ် ၁၂၀ ဂရမ် စားရမှာပါ။ အဆီဓါတ်လို့ ပြောရင် လူတွေက ကြောက်စရာလို့ မြင်ကြပါတယ်။ အားကစားလုပ်ပြီးမှာ အဆီပြည့် နွားနို့သောက်တာဟာ ကြွက်သားကြီးထါားမှုအတွက် အထောက်အကူ ဖြစ်စေတာကြောင့် ထိုက်သင့်သလောက် စားပေးဖို့ လိုပါတယ်။
ကာဗွန်ဟိုက်ဒရိတ်ဓါတ်အနေနဲ့ စားပေးသင့်တဲ့ အစားအစာတွေထဲမှာ ကန်စွန်းဥ ၊ ချောကလက်နွားနို့ ၊ နာနတ်/ဘယ်ရီ/ငှက်ပျော/ကီဝီ စတဲ့ အသီးများ ၊ Oatmeal ၊ အာလူး ၊ ဆန်လုံးညို နဲ့ အစိမ်းရင့်ရောင် ဟင်းသီးဟင်းရွက်များ ပါဝင်ပါတယ်။ ပရိုတိန်းဓါတ် ပြည့်စေဖို့အတွက် ဆိုရင် ကြက်ဥ ၊ ဒိန်ချဉ် ၊ ဆယ်လ်မွန်ငါး ၊ ကြက်သား ၊ တူနာငါး စတဲ့ အသားတွေ စားပေးနိုင်ပါတယ်။
Source : Healthline
အဆီဓါတ်အတွက် အကောင်းဆုံးနဲ့ အလွယ်ဆုံး ရနိုင်တဲ့ အစားအစာတွေကတော့ အခွံမာသီးတွေနဲ့ အစေ့ခြောက်တွေ ဖြစ်ပါတယ်။ Gym ကစားတဲ့သူဟာ ချွေးအထွက်များတာကြောင့် ရေဓါတ်ပြည့်စေမယ့် အစားအသောက်တွေလည်း စားပေးသင့်ပါတယ်။ ရေများများသောက်ပေးတာမျိုးလည်း လုပ်သင့်ပါတယ်။ အစားအသောက် စားတာကိုတော့ Gym ကစားပြီး ၄၅ မိနစ်အတွင်း စားပေးသင့်ပါတယ်။
