ကိုယ် ကြိတ်ခရက်ရှ်နေတဲ့ ကောင်မလေးတစ်ယောက်ကို ဒိတ်ဖို့အတွက် အောင်အောင်မြင်မြင်နဲ့ စည်းရုံးနိုင်ခဲ့ပေမယ့် First Date မှာ စိတ်လှုပ်ရှားလွန်ပြီး ဘာတွေပြောလို့ ပြောရမှန်းမသိဖြစ်နေပါသလား။ ထိုကောင်မလေးက သင့်ကို First Date ကတည်းက ကြွေသွားအောင် ကြိုးစားချင်ပါသလား။

သူ့အကြိုက် ကိုယ့်အကြိုက် စိတ်ဝင်စားစရာများကို ဖလှယ်ပါ

သူ(မ)က ဘယ်လိုရုပ်ရှင်မျိုး၊ သီချင်းမျိုး၊ အဆိုတော်အဖွဲ့တွေကို နှစ်သက်သလဲဆိုတာ မေးမြန်းကြည့်ပါ။ သူ(မ) စိတ်ဝင်စားတဲ့အရာကို သင်လည်း သိတယ်ဆိုရင် သင် ဘယ်လောက်ထိသိကြောင်း ပြောကာ သင်တို့ရဲ့စကားပြောကို အနေအထားပိုသွက် ၊ အခြေအနေပိုကောင်းလာစေပါတယ်။ သင့်ဘက်က ထိုအရာတွေအကြောင်း မသိဘူးဆိုရင်လည်း သူ(မ)က အားရပါးရနဲ့ စိတ်ဝင်တစားရှင်းပြပေးပါလိမ့်မယ်။

သူ(မ) ငယ်ငယ်တုန်းက အကြောင်းအရာများကို မေးမြန်းပါ

သူ(မ) ကလေးဘဝက ပျော်ဖို့ကောင်းလား။ ဘယ်လိုဖြတ်သန်းခဲ့ရလဲ။ ဘယ်လိုဟာသလေးတွေ ကြုံတွေ့ခဲ့ရသလဲဆိုတာ မေးမြန်းကြည့်ပါ။ သင့်ငယ်ဘဝအကြောင်းလည်း အပြန်အလှန်ပြောကြားကာ သင်တို့ရဲ့ရင်းနှီးမှုကို ပိုမိုမြန်ဆန်လာအောင် ဖန်တီးယူလိုက်ပါ။

အစားအစာတွေအကြောင်းပြောပါ

မိန်းကလေးအများစုကတော့ အရသာရှိတဲ့ အစားအစာတွေကို နှစ်သက်ကြပါတယ်။ သူ(မ)အကြိုက်ဆုံး အစားအစာကို သိထားတယ်ဆိုရင် နောင်တချိန် သမီးရည်းစားတွေဖြစ်သွားလို့ သူ(မ) စိတ်ကောက်တဲ့အခါမျိုးမှာ သူ(မ)အကြိုက်ဆုံးအစားအစာနဲ့ ပြန်ချော့နိုင်တာပေါ့။

သူ့ရည်မှန်းချက် ကိုယ့်ရည်မှန်းချက်များ ဖလှယ်ပါ

နောင် ငါးနှစ်၊ ဆယ်နှစ်ကြာတဲ့အခါမှာ ဘယ်လိုအနေအထားမျိုး ရောက်ချင်သလဲ။ သူ့ရည်မှန်းချက် ကိုယ့်ရည်မှန်းချက်များကို ဖလှယ်ပါ။ နှစ်ယောက်စလုံးက ရည်မှန်းချက် ကြီးမားတဲ့သူတွေဆိုရင်တော့ သူ့အနာဂတ် ကိုယ့်အနာဂတ်အတွက် အပြန်အလှန်ကူညီဖေးမရင်း လက်တွဲရှေ့ဆက်နိုင်ပါတယ်။

ဟာသဉာဏ်ရွှင်ပါစေ

First Date မှာ သင့်အနေနဲ့ ဟာသဉာဏ်ရွှင်ဖို့လိုပါတယ်။ ကိုယ်က ရှက်ပြီး စိတ်လှုပ်ရှားလွန်းလို့ဆိုပြီးတော့ မှာထားတဲ့ အစားအစာတွေပဲ စွတ်စားနေလို့ မရပါဘူး။ သင့်ကို တစ်မျိုးထင်သွားပါလိမ့်မယ်။ ဒါ့ကြောင့် ဘယ်လိုဟာသမျိုးလေးတွေက အသုံးတည့်မလဲဆိုတာ အစကတည်းက သေသေချာချာစဉ်းစားသွားပါ။ ကောင်မလေးက First Date မှာ ရယ်ရယ်မောမောနဲ့ ပြုံးရွှင်နေမယ်ဆိုရင်တော့ သင့်အတွက် အလားအလာကောင်းပါတယ်။

Source: Lovepanky.com

Featured Image Source: Insider.com