တီထွင်ကြံဆနိုင်စွမ်းသည် ဘယ်နေရာမှာမဆို အရေးကြီးတဲ့အရာတစ်ခု ဖြစ်ပါတယ်။ အထူးသဖြင့် အပြိုင်အဆိုင်များတဲ့ စီးပွားရေးလောကမှာ အလိုအပ်ဆုံးအရာ ဖြစ်ပါတယ်။

ဘာကြောင့် တီထွင်ဖန်တီးနိုင်စွမ်းသည် မိမိရဲ့ စီးပွားရေးလုပ်ငန်းတစ်ခု အောင်မြင်ဖို့ရန်အတွက် ဘာ့ကြောင့် အရေးကြီးရသလဲဆိုတော့ …

ကြုံတွေ့ရမယ့် ပြဿနာများကို ကြိုတင်ခန့်မှန်းနိုင်ခြင်း

တွေးတောကြံဆနိုင်စွမ်း မြင့်မားတဲ့အတွက်ကြောင့် ကိစ္စတစ်ခု မဆောင်ရွက်ခင်ကတည်းက နောက်ဆက်တွဲကြုံတွေ့ရမယ့် ပြဿနာများကို သိမြင်လာပါလိမ့်မယ်။ ထိုပြဿနာအတွက်လည်း ဘယ်လိုရင်ဆိုင်ရမလဲဆိုတာကို ချက်ချင်းသိမြင်နိုင်ပါတယ်။ ဒါ့ကြောင့် တီထွင်ဖန်တီးနိုင်စွမ်းသည် လုပ်ငန်းတစ်ခုအတွက် အရေးကြီးတာ ဖြစ်ပါတယ်။

ထုတ်လုပ်နိုင်စွမ်းကို တိုးမြှင့်ပေးနိုင်ခြင်း

ကိုယ့်မှာ တီထွင်ဖန်တီးနိုင်စွမ်းရှိတဲ့အခါ မိမိရဲ့အလုပ်ကို လုပ်ဆောင်တဲ့နေရာမှာလည်း ပိုမိုကျွမ်းကျင်မြန်ဆန်လာပြီး ကုန်ထုတ်နိုင်စွမ်းသည်လည်း တိုးမြှင့်လာမှာဖြစ်ပါတယ်။ ဒီလိုနဲ့ သင့်ရဲ့စီးပွားရေး လုပ်ငန်းသည်လည်း တဖြည်းဖြည်း တိုးပွားကာ လုပ်ငန်းသစ်များ ချဲ့ထွင်လာနိုင်မှာဖြစ်ပါတယ်။

ဆုံးဖြတ်ချက်များ ချမှတ်နိုင်ဖို့ရန်အတွက် ကူညီပေးခြင်း

အရှေ့မှာ ဖော်ပြခဲ့သလိုပဲ တီထွင်ဖန်တီးနိုင်စွမ်းရှိသူတွေသည် ကြုံတွေ့ရမယ့် ပြဿနာများကို ကြိုတင်ခန့်မှန်းနိုင်ကြပါတယ်။ ဒီ့အတွက်ကြောင့် တစ်စုံတစ်ရာ ဆုံးဖြတ်ချက် ချရမယ်ဆိုရင်လည်း မှန်ကန်တဲ့ဆုံးဖြတ်ချက်များကို လျင်မြန်စွာ ချမှတ်နိုင်ကြပါတယ်။ စီးပွားရေးလုပ်ငန်းတစ်ခုမှာ မှန်ကန်တဲ့ ဆုံးဖြတ်ချက် ချမှတ်နိုင်မှသာလျှင် ဆုံးရှုံးမှုတွေနဲ့ ကင်းဝေးသွားမှာ ဖြစ်ပါတယ်။

အတားအဆီးများကို ကျော်လွှားနိုင်ခြင်း

သင် ကြုံတွေ့နေရတဲ့ အတားအဆီးများကို တီထွင်ဖန်တီးနိုင်စွမ်းကို အသုံးချကာ ကျော်လွှားနိုင်ပါတယ်။ လုပ်ငန်းတစ်ခုသည် တိုးတက်မှုမြန်လာလေ အတားအဆီး အတိုက်အခိုက်တွေ မနာလိုမုန်းတီးသူတွေကလည်း များလာပါလိမ့်မယ်။ ထိုအရာများကို လိမ္မာပါးနပ်စွာနဲ့ ကျော်လွှားနိုင်ဖို့အတွက်ဆိုရင် သစ်လွင်ဆန်းသစ်တဲ့ တီထွင်ဖန်တီးနိုင်စွမ်းတို့ လိုအပ်ပါတယ်။

ပိုမိုထူးခြားကောင်းမွန်တဲ့ အသင်းအဖွဲ့တစ်ခု ဖန်တီးနိုင်ခြင်း

တီထွင်ဖန်တီးနိုင်စွမ်းသည် မွေးရာပါအရည်အချင်းတစ်ခုမဟုတ်ပါဘူး။ သင် ကိုယ်တိုင် ဖန်တီးရယူနိုင်ပါတယ်။ ထိုကဲ့သို့ ဖန်တီးနိုင်ဖို့ရန်အတွက် စာများများ ဖတ်ဖို့လိုအပ်ပြီး အသစ်အသစ်သောအရာများကို အမြဲတမ်း လေ့လာသင်ယူနေဖို့လိုအပ်ပါတယ်။

ငါးယောက်ရှိတဲ့ အသင်းအဖွဲ့တစ်ခုမှာ တစ်ယောက်က တီထွင်ဖန်တီးနိုင်စွမ်းရှိတဲ့အခါ အခြားမန်ဘာဝင်တွေကို လက်ဆင့်ကမ်းကာ ပြန်လည်ဝေမျှနိုင်ပါတယ်။ ထိုမှတဆင့် တဖြည်းဖြည်းနဲ့ ထူးခြားကောင်းမွန်တဲ့ အသင်းအဖွဲ့တစ်ခု ဖန်တီးနိုင်လာပါလိမ့်မယ်။ ထိုကဲ့သို့ Team များ သင့်လုပ်ငန်းများ များပြားလာပြီဆိုရင် သင့် စီးပွားရေးသည်လည်း တဟုန်ထိုးအောင်မြင်လာမှာဖြစ်ပါတယ်။

Source: Businessacademia.co

Featured Image: Europeanbusinessreview