အချိန်စီမံခန့်ခွဲမှုက အရေးကြီးတဲ့အချက် (၄)ချက်တန်ဖိုးဖြတ်လို့ရသည်ဖြစ်စေ မရသည်ဖြစ်စေ အချိန်ဆိုတာလူတွေအတွက် အလွန်အရေးကြီးတဲ့အရာဖြစ်ပါတယ်။ အလုပ်တခုပြီးမြောက်ဖို့ (သို့) ရည်မှန်းချက်တခုကိုရောက်ဖို့ အချိန်အလုံအလောက်မရှိဘူးလို့ သင်ခံစား နေရတယ်ဆိုရင်တော့ သင်ဟာအချိန်စီမံခန့်ခွဲဖို့လိုအပ်နေပါပြီ။ အချိန်စီမံခန့်ခွဲမှုနဲ့ပတ်သတ်လို့ သင့်ကိုအကူ အညီဖြစ်စေမယ့်အချက်တွေ ဟုတ်မဟုတ်ဆိုတာအောက်မှာ ဖတ်ကြည့်လိုက်ပါဦး။
(၁) အချိန်က အကန့်အသတ်နဲ့ရတာပါ
Source : YouWorkForThem
ဘယ်လောက်ခွဲခြမ်းစိတ်ဖြာပါစေ အချိန်ဆိုတာလူတယောက်အတွက် တရက်ကို၂၄နာရီစီပဲရတာပါ။ အလုပ်လုပ်တဲ့အခါ အချိန်ကိုကန့်သတ်လုပ်ဆောင်တဲ့အတွက် အာရုံစူးစိုက်နိုင်စွမ်းလဲတိုးတက်လာပါတယ်။ အလုပ်ပြီး မြောက်ဖို့ ပိုပြီးမြန်မြန်ဆန်ဆန်လုပ်ဆောင်တာကြောင့် အလုပ်လုပ်ရတာသင့်အတွက်ပိုပေ့ါပါးသွက် လက်နေပါလိမ့်မယ်။
(၂) ဆုံးဖြတ်ချက်ချနိုင်စွမ်းရည်ကို တိုးတက်စေတယ်
Source : NUS Blog
ကန့်သတ်ထားတဲ့အချိန်အတွင်း လုပ်ဆောင်တဲ့အခါ ပိုကောင်းမွန်တဲ့ဆုံးဖြတ်ချက်တွေကို ချနိုင်လာတာတွေ့ရပါ တယ်။ ဒါဟာ သင့်အနေနဲ့ ဆုံးဖြတ်ချက်ချဖို့ဖိအားပေးခံရတဲ့အခါ ရွေးချယ်မှုတိုင်းရဲ့ရလဒ်တွေကို တွေးကြောက် ဖို့အချိန်မရှိတော့တာကြောင့်ဖြစ်ပါတယ်။ တဖြည်းဖြည်းသင့်ကိုသင်လဲ ပိုယုံကြည်မှုရှိလာပါလိမ့်မယ်။
(၃) ရည်မှန်းချက်ပန်းတိုင်တွေဆီကို အမြန်ဆုံးရောက်စေတယ်
Source : PraCarreiras
သင့်အနေနဲ့ အချိန်စီမံခန့်ခွဲမှုကိုနားလည်လာတဲ့အခါ လက်တွေ့လုပ်ဆောင်မှုတွေမှာပိုပြီးတက်ကြွမှုရှိလာပါ တယ်။ သင့်ရဲ့ရည်မှန်းချက်ပန်းတိုင်သို့ရောက်အောင် ဆောင်ရွက်ရမယ့်လုပ်ငန်းဆောင်တာတွေကို ပိုနားလည် လာပြီး သင့်ပန်းတိုင်နဲ့မကိုက်ညီတဲ့ အရာတွေမှာအချိန်ဖြုန်းမိတာတွေကိုလဲ ဖယ်ရှားနိုင်လာပါလိမ့်မယ်။
(၄) စိတ်လန်းဆန်းစေတယ်
Source : anarchak
ထိရောက်တဲ့ အချိန်စီမံခန့်ခွဲမှုဆိုတာဟာ သင်လုပ်ချင်တဲ့အရာတွေနဲ့ပတ်သတ်လို့ အကောင်းဆုံးအခြေအနေမှာ လုပ်ဆောင်တာဖြစ်ပါတယ်။ ရလဒ်တခုရရန်အတွက် အာရုံစူးစိုက်လာတဲ့အခါ ခက်ခဲတဲ့အလုပ်တွေအတွက် လုပ်ဆောင်ရပိုလွယ်လာပြီး ရလဒ်ကိုရောက်ရှိဖို့ သင့်စိတ်အားထက်သန်နေပါလိမ့်မယ်။
