စာဖတ်ခြင်းဟာ ကောင်းမွန်တဲ့ အလေ့အထတစ်ခုဆိုတာ လူတိုင်းလက်ခံထား ကြပါတယ်။ စာတွေထဲကနေ အသိပညာ ဗဟုသုတများစွာရရှိနိုင်သလို စာဖတ်ခြင်းဟာ ကွီးတို့ဘဝကို တိုးတက်ပြောင်းလဲအောင် လမ်းပြပေးနိုင်စွမ်းလည်း ရှိပါတယ်။ ဒီတစ်ခေါက်မှာတော့ ကျွန်တော်တို့ရဲ့ နေ့ရက်တိုင်းမှာ စာဖတ်ခြင်းအလေ့အကျင့်ကို လုပ်ဆောင်ပေးခြင်းဖြင့် ရရှိလာနိုင်မယ့် ကောင်းကျိုးတွေကို မျှဝေပေးချင်ပါတယ်။
(၁) စိတ်ဖိစီးမှုလျော့ကျစေတယ်
Photo : DforDelhi
နေ့စဉ်ဘဝမှာ မရေမတွက်နိုင်တဲ့ စိတ်ဖိစီးစရာတွေ များစွာရှိပါတယ်။ စိတ်ဖိစီးမှုလျော့ချဖို့ နည်းလမ်းတွေအများကြီးကို ရှာဖွေနေကြပေမယ့် အလွယ်ကူဆုံးနဲ့ ကွီးတို့ရဲ့ လက်တကမ်းမှာရှိနေတဲ့ စိတ်ဖိစီးမှုလျော့ချပေးနိုင်မယ့် အရာတစ်ခုကိုတော့ မေ့နေတက်ကြပါတယ်။ ဒါကတော့ စာဖတ်ခြင်းပါပဲ။ စာဖတ်ခြင်းဟာ စိတ်ကိုငြိမ်သက်အေးချမ်းစေပြီး စိတ်ဖိစီးမှုတွေကို သက်သာစေဖို့ များစွာအထောက်အကူ ဖြစ်စေပါတယ်။
(၂) ဗဟုသုတများစွာရစေတယ်
Photo : Tech in Asia
စာအုပ်တွေဟာ အသိပညာဗဟုသုတများစွာပါဝင်တဲ့ ရသာစုံဟင်းပွဲကြီးတစ်ခုလို့ ပြောနိုင်ပါတယ်။ စာများများဖတ်လေ ကိုယ်မသိသေးတဲ့ အသိပညာ ဗဟုသုတများစွာကို သိရှိနိုင်လေဖြစ်ပါတယ်။ အသိပညာဗဟုသုတကြွယ်ဝခြင်းရဲ့ အကျိုးဆက်ကတော့ ဘဝမှာကြုံတွေ့ရမယ့် စိန်ခေါ်မှုတိုင်းကို ကောင်းစွာကိုင်တွယ်ဖြေရှင်းနိုင်စေမှာပဲ ဖြစ်ပါတယ်။ ဒါကြောင့်လည်း ဗဟုသုတများစွာပေးစွမ်းနိုင်မယ့် စာအုပ်ကောင်းတွေကို နေ့စဉ်ဖတ်ရှု့လေ့လာသင့်တာပါ။
(၃) ဝေါဟာရ ကြွယ်ဝစေတယ်
Photo : Medium
စာများများဖတ်ခြင်းရဲ့ နောက်ထပ်ကောင်းကျိုးတစ်ခုကတော့ ဝေါဟာရ ကြွယ်ဝစေတာဖြစ်ပါတယ်။ သွက်သွက်လက်လက်နဲ့ စကားပြောကောင်းသူတွေဟာ စာဖတ်အားကောင်းကြသူတွေ ဖြစ်ပါတယ်။ စာဖတ်တဲ့အလေ့အကျင့်ဟာ စကားလုံးတွေနဲ့ ပိုမိုထိတွေ့ခွင့်ရစေတာကြောင့် ကွီးတို့ကို ဝေါဟာရ ကြွယ်ဝလာစေပြီး စကားပြောကောင်းသူတစ်ယောက်ဖြစ်လာစေမှာပါ။
(၃) စိတ်ကူးကောင်းတွေ ရစေတယ်
Photo : Prestige Hong Kong
စာများများဖတ်ခြင်းဟာ ကွီးတို့ကို စဉ်းစားတွေးခေါ် ဆုံးဖြတ်နိုင်စွမ်းတွေတိုးတက်လာစေနိုင်သလို စိတ်ကူးကောင်း အတွေးအခေါ်သစ်တွေလည်း ရရှိနိုင်ပါသေးတယ်။ ဦးနှောက်ရဲ့ စွမ်းဆောင်ရည်ကိုလည်း တိုးတက်ကောင်းမွန်စေပြီး မှတ်ဉာဏ်စွမ်းအားတိုးမြှင့်ပေးနိုင်တယ်လို့ သုတေသီတွေက ဆိုထားပါတယ်။
Featured Photo : Medium
