ဆံပင်ကျွတ်ခြင်းနဲ့ ထိပ်ပြောင်ခြင်းဟာ ကမ္ဘာတစ်ဝှမ်းက သန်းပေါင်းများစွာသော အမျိုးသား တွေမှာ အဖြစ်များနေတဲ့ ပြဿနာတစ်ခု ဖြစ်ပါတယ်။ ဆံသား သန်စွမ်းကျန်းမာမှုကို အားလျော့စေပြီး ဆံပင်ကျွတ်တာ ထိပ်ပြောင်တာတွေဖြစ်စေတဲ့ အကြောင်းအရင်းတွေထဲမှာတော့ မျိုးရိုးဗီဇ ၊ ဟော်မုန်းအပြောင်းအလဲ ၊ ဆေးဘက်ဆိုင်ရာ အခြေအနေတွေနဲ့ အသက်အရွယ် အိုမင်းရင့်ရော်ခြင်းတွေက အဓိကတရားခံတွေ ဖြစ်ပါတယ်။ ကွီးတို့ အကြောင်းအမျိုးမျိုးကြောင့် ဆံပင်တွေ မကြာခဏ ကျွတ်နေတယ် ၊ ထိပ်ပြောင်တဲ့ လက္ခဏာတွေ ကြုံတွေ့နေရတယ်ဆိုရင်တော့ အခုပြောပြမယ့် အိမ်တွင်းကုထုံး နည်းတွေနဲ့ ဆံပင်တွေ ပြန်လည် ကြီးထွားသန်စွမ်း လာအောင်လုပ်ဆောင်လို့ ရပါတယ်။
(၁) ဦးရေပြားကို နှိပ်နယ်ပေးပါ
Photo : Bodhi Spa
ဦးရေပြားကို နှိပ်နယ်ပေးခြင်းဟာ ဦးရေပြားသို့ သွေးစီးဆင်းမှုကို အားကောင်းစေပြီး ဆံပင်မွေးညင်းပေါက်တွေကို ပြန်လည်နုပျိုစေပါတယ်။ လေ့လာမှုများစွာအရ ဦးရေပြားကို နှိပ်နယ်ပေးခြင်းက ဆံပင်ကြီးထွားမှုကို သိသိသာသာ တိုးတက်ကောင်းမွန်စေတယ်လို့ အကြံပြုထားပါတယ်။ ဦးရေပြားကို အုန်းဆီ/သံလွင်ဆီ တစ်မျိုးမျိုး လိမ်းကျံပြီး ၁၅ မိနစ်ခန့် နှိပ်နယ်ပေးနိုင်ပါတယ်။
(၂) ရွှေဖရုံစေ့ဆီ လိမ်းပေးပါ
Photo : Healthline
Pumpkin Seed Oil လို့ခေါ်တဲ့ ရွှေဖရုံစေ့ဆီဟာ အမျိုးသားတွေရဲ့ ဆံပင်ကြီးထွားသန်မာမှုအပေါ် ကောင်းမွန်တဲ့ အကျိုးသက်ရောက်မှု ရှိစေပါတယ်။ ရွှေဖရုံစေ့ဆီမှာ Phytosterols လို့ခေါ်တဲ့ ဒြပ်ပေါင်းတွေပါဝင်ပြီး ၎င်းက ဆံသား ကြီးထွားသန်မာ မှုကို အားကောင်းစေပါတယ်။
(၃) ကြက်သွန်နီ ဖျော်ရည်လိမ်းပါ
Photo : eMediHealth
ကြက်သွန်နီဖျော်ရည် ဟာ ရှေးခေတ်ကတည်းက အသုံးပြုလာတဲ့ ဆံပင်ကြီးထွားမှုအတွက် ရိုးရာဆေးတစ်လက် ဖြစ်ပါတယ်။ ကြက်သွန်နီမှာ ဆာလဖာနဲ့ ဓာတ်တိုးဆန့်ကျင်ပစ္စည်းတွေ ကြွယ်ဝစွာပါဝင်တာကြောင့် ဆံပင်ကြီးထွားမှုနဲ့ ဆံသားသန်းစွမ်းကျန်းမာဖို့ အထောက်အပံ့ ဖြစ်စေပါတယ်။ မကြာသေးမီက ပြုလုပ်ခဲ့တဲ့ လေ့လာမှုတစ်ခုအရ ကြက်သွန်နီ ဖျော်ရည် လိမ်းပေးခြင်းဖြင့် ၈ ပတ်အတွင်း ဆံပင်ကြီးထွားမှုနှုန်းကို တိုးမြင့်စေတယ်လို့ သုတေသီတွေက ဆိုထားပါတယ်။
(၄) နနွင်းအသုံးပြုပါ
Photo : Verywell Health
နနွင်းမှာ ဓာတ်တိုးဆန့်ကျင် ပစ္စည်းတွေ ၊ ရောင်ရမ်းမှုကို ဆန့်ကျင်တဲ့ ပစ္စည်းတွေနဲ့ ပိုးမွှားတွေကို သေစေနိုင်တဲ့ ဂုဏ်သတ္တိများစွာပါဝင်တာကြောင့် ဦးရေပြားပေါ်လိမ်းတဲ့အခါ ဦးရေပြားပေါ်မှာ စွဲကပ်နေတဲ့ မှိုနဲ့ ဘက်တီးရီးယားပိုးမွှားတွေကို ဖယ်ရှားသန့်စင်ပေးပြီး ဦးရေပြားနဲ့ ဆံသားကျန်းမာရေးအတွက် အကျိုးပြုပါတယ်။ နောက်ပြီး နနွင်းဟာ ဆံပင်ကျွတ်တာကို သက်သာနိုင်တယ်လို့ မကြာသေးမီက လေ့လာမှုတွေအရ သိရပါတယ်။
Photo : Isabella’s Clearly
