ဒီနေ့ခေတ်မှာ အလုပ်တစ်ခု ရဖို့ ထင်သလောက် မလွယ်တော့ပါဘူး။ အရည်အချင်းရှိပြီး တော်တဲ့ထက်တဲ့ လူငယ်လူရွယ်တွေ ပေါ်ထွန်းလာတဲ့အမျှ လုပ်ငန်းခွင်နယ်ပယ်မှာ ပြိုင်ဆိုင်မှု ၊ စိန်ခေါ်မှုတွေဟာ ပိုမိုပြင်းထန် လာပါတယ်။ အဓိက အရေးကြီးတာကတော့ ကိုယ့်ကိုယ်ကိုယ် အရည်အချင်း ပြည့်ဝနေအောင် လိုအပ်သမျှ ကွက်လပ်တွေကို ဖြည့်တင်းထားဖို့ပါ။ အရည်းအချင်း ရှိသူတိုင်းအတွက် နေရာတစ်ခုဆိုတာ ရှိစမြဲပါပဲ။ ဒီတစ်ခေါက်မှာ အလုပ်လျှောက်သူများစွာထဲကမှ သင်ဟာ အလုပ် ရနိုင်တဲ့ အခွင့်အရေး ပိုများစေဖို့ ပြင်ဆင်ထားသင့်တဲ့ အချက်လေးတွေကို မျှဝေပေးချင်ပါတယ်။
(၁) Resume ကောင်းကောင်း ပြင်ဆင်ထားပါ
Photo : ProQuest Recruitment
ကိုယ်ရေးအချက်အလက် Resume တစ်ခုဟာ ကြည့်လိုက်တာနဲ့ ထူးခြားပြီး ဆွဲဆောင်မှု ရှိနေရပါမယ်။ အလုပ် လျှောက်တဲ့အခါ အလုပ်ရှင်ဘက်က ပထမဆုံး မြင်ရမှာက သင့်ရဲ့ CV Form ကိုပါ။ CV Form မှာ အဓိကဖော်ပြချင်တဲ့ သင့်ရဲ့ ကျွမ်းကျင်မှုတွေ ၊ လုပ်ငန်းအတွေ့အကြုံတွေကို ရှင်းရှင်းလင်းလင်းနဲ့ သပ်သပ်ရပ်ရပ် ရေးသားထားဖို့ လိုပါတယ်။
(၂) ကျွမ်းကျင်မှု ၊ အရည်အချင်းနဲ့ ကိုက်ညီတဲ့ အလုပ်ကို ရှာပါ
Photo : MBO Partners
အလုပ်ရှာတဲ့အခါ ရရာ အလုပ် ဝင်လုပ်တာမျိုး မဟုတ်ပဲ သင်ဘာတွေ အားသာလဲ ၊ သင့်ရဲ့ ကျွမ်းကျင်မှု အရည်အချင်းတွေက ဘာလဲဆိုတာ ဆန်းစစ်လေ့လာပြီး ကိုက်ညီတဲ့ အလုပ်ကို ရှာဖွေလျှောက်ထား သင့်ပါတယ်။ ရှေ့မှာ အတွေ့အကြုံ ရှိပြီးသား အလုပ်ရှိတယ်ဆိုရင် တာဝန်ယူလုပ်ဆောင်ခဲ့တဲ့ အလုပ်တွေအကြောင်း ၊ လုပ်ငန်းအတွေ့အကြုံကို သေချာလေး ရေးသားဖော်ပြပေးပါ။ သင့်ရဲ့ကျွမ်းကျင်မှု ၊ အတွေ့အကြုံတွေဟာ ကုမ္မဏီဘက်က လိုအပ်ချက်ကို ဖြည့်တင်းပေးနိုင်မယ်ဆိုရင် အလုပ်ခန့်ဖို့ ရာခိုင်နှုန်ပိုများပါတယ်။
(၃) အဆက်အသွယ် ချိတ်ဆက်မှုတွေကို မြှင့်တင်ထားပါ
Photo : Entrepreneur
အလုပ်ရှာတဲ့အခါ အဆက်အသွယ်ဟာ အရေးကြီးပါတယ်။ Network ကောင်းလေ ရှင်သန်ကျလည်ရာ ပတ်ဝန်းကျင်ဟာ ပိုကျယ်ပြီး သင့်အတွက် အခွင့်အလမ်းကောင်း ၊ အလုပ်ကိုင်ကောင်းတွေ ရဖို့ အခွင့်အရေး ပိုများနိုင်ပါတယ်။ သင်ကိုယ်တိုင်က ပြည့်ဝတဲ့ အရည်အချင်းတွေကို ပိုင်ဆိုင်ထားသင့်သလို အဆက်အသွယ် ချိတ်ဆက်မှုကောင်းကောင်း ရှိရင် ပိုကောင်းတဲ့ အလုပ်ခွင် နယ်ပယ်တစ်ခုမှာ လုပ်ကိုင်ခွင့် ရနိုင်ဖို့ အလားအလာ ပိုရှိပါတယ်။
(၄) ပုံရိပ်ကောင်းတစ်ခု တည်ဆောက်ပါ
Photo : DecodeHR
ဝန်ထမ်းတိုင်း ပရော်ဖက်ရှင်နယ် နယ်ပယ်မှာ ပုံရိပ်ကောင်း တည်ဆောက်ထားနိုင်ဖို့က အရေးကြီးပါတယ်။ လုပ်ငန်းရှင်ဘက်က ယုံကြည်မှု ၊ အားကိုးအားထားပြုမှု ခံရသူတစ်ယောက် ဖြစ်ဖို့အတွက် သင့်ရဲ့ လုပ်ရည်ကိုင်ရည် ၊ ကျွမ်းကျင်မှု ၊ တာဝန်ယူမှု တာဝန်ခံမှု ၊ ကြိုးစားအားထုတ်မှု ပိုင်းတွေကို ပိုကောင်းအောင် အားစိုက်ထုတ် သင့်ပါတယ်။ အလုပ်ခွင် နယ်ပယ်တစ်ခုမှာ ခိုင်မာတဲ့ နာမည်ကောင်းတစ်ခု ရလာတဲ့အခါ သင်ကိုယ်တိုင် အလုပ် ရှာနေရတာထက် အလုပ်တွေက သင့်ကို လာရှာကြပါလိမ့်မယ်။
Source : Aston Carter
Featured Photo : Forbes
