အလေ့အကျင့်ရှိခြင်းနှင့် လုပ်ရိုးလုပ်စဉ်တွေက ကွီးတို့ရဲ့ နေ့စဉ်ဘဝတွင် မရှိမဖြစ်လိုအပ်သော ကဏ္ဍများဖြစ်ပါတယ်။။ ပန်းတိုင်ကိုရောက်ချင်တယ်၊ ပိုအကျိုးရှိအောင် လုပ်ချင်တယ်၊ ဒါမှမဟုတ် ပိုဟန်ချက်ညီတဲ့ဘဝကို ဖြတ်သန်းချင်တာပဲဖြစ်ဖြစ်၊ အလေ့အကျင့်တွေနဲ့ဘဲ လုပ်ကြရတာပါ။ အလေ့ အကျင့်တွေဟာ အချိန်ကြာလာတာနဲ့အမျှ သိသာထင်ရှားတဲ့ ရလဒ်တွေကို ပေါင်းထည့်နိုင်ပါတယ်။ အလေ့အကျင့်ကောင်းများဟာ ထပ်ခါတလဲလဲ အပြုအမူများ သို့မဟုတ် ကွီးပြန်လုပ်လိုသော အပြုအမူ များဖြစ်ပါတယ်။ ၎င်းတို့မှာ အပြုသဘောဆောင်သော ရုပ်ပိုင်းဆိုင်ရာ၊ စိတ်ပိုင်းဆိုင်ရာ သို့မဟုတ် စိတ်ပိုင်းဆိုင်ရာ အကျိုးဆက်များရှိပါတယ်။ အကျင့်ဆိုးများကတော့ ကွီးပြန်လုပ်မိသော အကျင့်ဆိုး များဖြစ်ပြီး ဆိုးကျိုးများ ဖြစ်ပေါ်စေပါတယ်။ အချို့သောအကျင့်ဆိုးတွေက အန္တရာယ် မရှိသော်လည်း အချို့သောအကျင့်ဆိုးက ပိုမိုနက်ရှိုင်းလာပြီး ရေရှည်အတွက် ဆိုးကျိုးသက်ရောက်မှုရှိလာနိုင်ပါတယ်။ အလေ့အကျင့်တွေ ရအောင်လုပ်ဖို့က ရိုးရိုးရှင်းရှင်းလေးပါပဲ။ ကွီးမှာ လုပ်နိုင်တဲ့ အစွမ်းအစ ရှိပါတယ်။ ကွီးတို့ ဘဝကို ပြောင်းလဲတိုးတတ်စေမဲ့ အဓိက ကျတဲ့ အလေ့အကျင့်ကောင်းများ ကို ပြောပြပါမယ်။
၁။ သင့်လျော်သောအချိန်မှာ နိုးထပါ
Photo : Masala!
ကွီးတို့ ဘဝကို ပြောင်းလဲတိုးတတ်စေမဲ့ အဓိကကျတဲ့ အလေ့အကျင့်ကောင်းများ ထဲက ပထမဆုံးတစ်ခုကတော့ မနက် မှာ သင့်တော်တဲ့ အချိန်ထခြင်းပါပဲ။ စောစောထခြင်းက ကွီးတစ်နေ့တာကို ဘယ်လိုပုံစံနဲ့ ပြောင်းလဲသွားမလဲဆိုတာကို သိသာ ထင်ရှားတဲ့ အကျိုးသက်ရောက်မှုတွေ ဖြစ်စေပါတယ်။ ဟုတ်ပါတယ်၊ ကွီးနေ့စဉ် မနက်ငါးနာရီမှာ ထရမယ်လို့ မဆိုလိုပါဘူး။ သို့သော် ကွီးခန္ဓာကိုယ်ကို စောစောနိုးထစေရန် လေ့ကျင့်ပေးခြင်းက ကြီးမားသောဆုလာဘ်ကို ပေးစွမ်းမည့် အကောင်းဆုံးအလေ့အကျင့်တစ်ခုဖြစ်ပါတယ်။
စောစောထခြင်းက ကွီးမနက်ခင်းလုပ်စရာစာရင်းကို ပြီးမြောက်ရန် အချိန်ပေးကာ တစ်နေ့တာအတွက် ကောင်းကောင်း အပြီးသတ်လုပ်နိုင်မှာပါ။ ကွီးအနေနဲ့ ပုံမှန်ထက် (၁၅-၂၀) မိနစ်စောထတာက တိုးတက် ဖို့အတွက် ကောင်းတဲ့ အလေ့အကျင့်တစ်ခုပါ။ သိပ်မထင်ရပါဘူး၊ အဲဒါက အစပျိုးအကျင့် တစ်ခုဖြစ်ပြီး တစ်နေ့တာကို အချိန်ပိုတိုးစေတဲ့အတွက်ကြောင့် ကွီးလုပ်ရမည့် အလုပ်တွေကို ရှုတ်မသွားပါဘူး။ စောစောထတာက အိပ်ရေးမဝဘူးလို့ မဆိုလိုပါဘူး။ စောစောထတာက ကွီးကို အလေ့အကျင့်ကောင်း တစ်ခုအဖြစ် သတ်မှတ်ပေးပါလိမ့်မယ်။ ဘဝမှာ စည်းစနစ်ကျတဲ့ ခံစားချက်ကို ရရှိပြီး ပျော်ရွှင်မှုကို ပိုခံစားရစေပါတယ်။
၂။ ကွီးရဲ့ တစ်နေ့တာအချိန်ဇယားကို အစီအစဉ်ဆွဲပါ
Photo : Live Plan
ကွီးရဲ့ တစ်နေ့တာကို အချိန်ဇယားဆွဲခြင်းက ကွီးဘဝကို ပြောင်းလဲတိုးတတ်စေမဲ့ အလေ့အကျင့် ကောင်းများ စာရင်းမှာ ပါသင့်တဲ့ အရေးကြီးနောက်ထပ်တစ်ခု ဖြစ်ပါတယ်။ အာရုံပျံ့လွင့်ခြင်း နှင့် အာရုံစူးစိုက်မှု ဆုံးရှုံးခြင်းတို့ကို ရှောင်ရှားဖို့အတွက် ကွီးတစ်နေ့တာအတွက် ဘာတွေလုပ်နေလဲ သိရန် အရေးကြီးပါတယ်။ ဒါအပြင်၊ ကွီးတစ်နေ့တာကို အချိန်ဇယားဆွဲခြင်းက ကွီးအတွက် အရေးတကြီး လုပ်ရမဲ့အရာများကို ပြီးမြောက်အောင်မြင်စေပါတယ်။ ကွီးအနေနဲ့ ဦးစားပေးအစီအစဉ်တွေကို လွယ်ကူစွာ သိရှိစေပါတယ်။
ရှင်းရှင်းလင်းလင်းရှိတဲ့ အချိန်ဇယားဖြင့် ကွီးတာဝန်အားလုံးကို လွှမ်းခြုံပြီး နစ်မွန်းမနေဘဲ ဖြစ်ထွန်းအောင်မြင်နိုင်စေပါတယ်။ ဒါပေမယ့် အချိန်ဇယားထဲ မရောက်နိုင်တဲ့ အချို့အရာတွေကိုလည်း လုပ်ရမှာပါ။ လက်ရှိအချိန်ဇယားက အလုပ်မဖြစ်ရင် ပြင်ဖို့နည်းလမ်းတွေ ရှိပါတယ်။ အချိန်ဇယားတစ်ခုရှိခြင်းက ထိုမိနစ်များနှင့် နာရီများကို အောင်မြင်စွာအသုံးပြုနိုင်ပြီးတော့ ကောင်းမွန်သောလုပ်ရိုးလုပ်စဉ်တစ်ခုကို ပျိုးထောင်ဖို့ အူအညီ ရပါလိမ့်မယ်။
၃။ Deadline အချိန် သတ်မှတ်ပါ
Photo : 1ZOOM.Me
နေ့စဥ်အောင်မြင်ရန် သတ်မှတ်ရက် (Deadline) ပေးခြင်းက ကွီးမွေးမြူနိုင်သည့် အလေ့အကျင့်ကောင်းတစ်ခုဖြစ်ပါတယ်။ လူအများစုကတော့ သတ်မှတ်ရက်များ သို့မဟုတ် ၎င်းတို့ နှင့်အတူ ပါလာသည့် ဖိအားများကို မကြိုက်ပါဘူး။ မကြာခဏ အချိန်ဆွဲနေတာထက် (Deadline) သတ်မှတ်ရက် တွေက ကွီးကို အလုပ်ပြီးဖို့ အများကြီး အထောက်အကူ ဖြစ်စေပါတယ်။
နောက်ဆုံးသတ်မှတ်ရက်အောက်တွင် ကွီးလုပ်ဆောင်နိုင်သည့် အဓိက အကျိုးကျေးဇူး အချို့ ရှိပါတယ်။ တာဝန်ခံမှုဆိုတာ ကြီးကြီးမားမား အကျိုးကျေးဇူးပါ။ ကွီးနောက်ဆုံးရက်ရောက်လာကာ အလုပ်ပြီးဆုံးသွားပါက ကွီးကိုယ်ကွီးတာဝန်ခံမှုကို ရယူပြီး ဖြစ်ပါတယ်။
ထိုတာဝန်ယူမှုရှိခြင်းက အလုပ်မပြီးသေးသည့်အကြောင်းရင်းနှင့် အနာဂတ်မှာ နောက်ဆုံး သတ်မှတ်ရက်ချဖို့ ကွီးတို့ကို ဘယ်လိုတိုးတက်စေတာကို စိစစ်နိုင်ပါတယ်။ နောက်ဆုံးသတ်မှတ်ရက် ရှိခြင်းက ကွီးရဲ့ အရှိန်အဟုန်ကို တည်ဆောက်ရာမှာလည်း ကူညီပေးသလို စိတ်အားတက်ကြွစေပြီး အနှောင့်အယှက်များကို ဖယ်ရှားဖို့ ကူညီပေးနိုင်ပါတယ်။
၄။ ခန္ဓာကိုယ်လှုပ်ရှားမှုအတွက် အချိန်ပေးပါ
Photo : Sporting Goods
တစ်နေ့တာလုံး ကွီးခန္ဓာကိုယ်ကို လှုပ်ရှားစေတဲ့ အလေ့အကျင့်ကို ထူထောင်ခြင်းက ကွီးဘဝကို ပြောင်းလဲစေနိုင်ပါတယ်။ မထဘဲ မလှုပ်ဘဲ တနေကုန် ထိုင်နေရတာက မကောင်းဘူး။ လေ့ကျင့်ခန်း မလုပ်ဘဲ ထိုင်ခြင်းက သွေးတိုး၊ လေဖြတ်ခြင်းအပါအဝင် ကျန်းမာရေးအန္တရာယ်များစွာကို တိုးစေနိုင် ပါတယ်။ နှလုံးရောဂါ၊ အဝလွန်ခြင်း၊ ကိုလက်စထရောများခြင်း၊ သွေးတိုးနှင့် အခြားအရာများက ကျန်းမာရေးအန္တရာယ်များဘဲ ဖြစ်ပါတယ်။
ဒါကြောင့် ကွီးအနေနဲ့ ကိုယ်လက်လှုပ်ရှားမှု လိုအပ်ပါတယ်။ ပြေးစက်ကိုသုံးမယ် သို့မဟုတ် အခန်းထဲ ပတ်ပတ်လည် လမ်းလျှောက်ခြင်းကဲ့သို့ ရိုးရှင်းသော အလေ့အကျင့်တွေက ကွီးရဲ့ ကျန်းမာ ရေးကို သိသိသာသာ အကျိုးသက်ရောက်စေပါတယ်။ အနားယူရင် ထိုင်ခုံကနေထဖို့ သေချာပါစေ။ မိနစ် (၃၀) တိုင်း မကြာခဏ မတ်တပ်ရပ်ခြင်းက ကွီးအတွက် ကြီးမားနိုင်ပါတယ်။ ဖုန်းပြောနေရင်းနဲ့တောင် မတ်တပ်ရပ်နေနိုင်ရင် ရပ်ပါ။ ဒါက အလုပ်ပြီးစအချိန်မှာ ခြေထောက်တွေ လှုပ်ရှားဖို့ အကောင်းဆုံး နည်းလမ်းတစ်ခုပါပဲ။
၅။ ကိုယ့်ကိုယ်ကို ဂရုစိုက်စောင့်ရှောက်ခြင်းကို ဦးစားပေးလေ့ကျင့်ပါ
Photo : DICK’s Sporting Goods
ကွီးအနေနဲ့ အခြားအရာများထက် မိမိကိုယ်ကို ဂရုစိုက်ရန် လိုအပ်ပါတယ်။ ကိုယ်ပိုင် ထူးခြားတဲ့ အလေ့အကျင့်တစ်ခုကို ထူထောင်ပါ။ တရားထိုင်တာ၊ မေတ္တာပို့တာ၊ စာဖတ်တာ၊ ဂျာနယ်ကြည့်တာ သို့မဟုတ် ကွီးစိတ်ထဲက အလုပ်နှင့်မသက်ဆိုင်တဲ့ ရည်မှန်းချက်တစ်ခုခုကို အာရုံစူးစိုက်ခြင်းကဲ့သို့သော ရိုးရှင်းသည့်အရာတစ်ခုကို လုပ်ခြင်းဟာ ကွီးကိုယ်ကို ဂရုစိုက်ခြင်းကို ဖြစ်စေပါတယ်။။ ကွီးကိုယ်ကို စောင့်ရှောက်ခြင်းက စိတ်နှင့် ရုပ်ပိုင်းဆိုင်ရာ ကျန်းမာရေး နှစ်ခုလုံးကို ကောင်းစေပါတယ်။
ကွီးတို့ရဲ့ ဘဝ အတွက် ပြောင်းလဲတိုးတတ်စေမဲ့ အပြင်အောင်မြင်မှုကို ရရှိစေနိုင်မဲ့ အလေ့ကျင့်ကောင်းများ ကို ပြုစုပျိုးထောင်စို့။
Source : Entrepreneur
Featured Photo : Allbusiness
