သံဓာတ်ဆိုတာ ကျွန်တော်တို့ ခန္ဓာကိုယ်ရဲ့ လုပ်ငန်းဆောင်တာတွေကို ကောင်းမွန်စွာလည်ပတ်စေနိုင်ဖို့အတွက် အဓိကအရေးပါတဲ့ သတ္တုဓာတ်တစ်မျိုးပါ။ ခန္ဓာကိုယ်မှာ သံဓာတ်ချို့တဲ့ နေမယ်ဆိုရင် သွေးအားနည်းခြင်း အပါအဝင် အခြားသော ကျန်းမာရေးဆိုင်ရာ အခြေအနေအမျိုးမျိုး ဖြစ်စေနိုင်ပါတယ်။ သံဓာတ်ကို ဖြည့်စွက်ဆေးဝါးတွေ သောက်သုံးခြင်းဖြင့် ရနိုင်သလို ကျွန်တော်တို့နေ့စဉ် စားသုံးနေတဲ့ အစားအစာတွေကနေလည်း ရရှိနိုင်ပါတယ်။ အခုပြောပြပေးမှာကတော့ ခန္ဓာကိုယ်က လိုအပ်တဲ့ သံဓာတ် ပမဏကို လုံလုံလောက်လောက် ဖြည့်တင်းပေးနိုင်မယ့် အစားအစာတွေပဲ ဖြစ်ပါတယ်။
(၁) ဟင်းနုနွယ်
Photo : BBC Good Food
ကျန်းမာရေးနဲ့ ညီညွတ်ပြီး သံဓာတ်ကြွယ်ဝတဲ့ အစားအစာတစ်ခုကတော့ ဟင်းနုနွယ်ရွက်ပါပဲ။ ဟင်းနုနွယ်ရွက် တစ်ပန်းကန်လုံးခန့်မှာ သံဓာတ် ၆.၄ မီလီဂရမ်ပါဝင်ပြီး တစ်နေ့တာလိုအပ်တဲ့ သံဓာတ်ပမဏရဲ့ ၃၆ ရာခိုင်နှုန်းကို ဖြည့်တင်းပေးနိုင်ပါတယ်။
(၂) ပန်းဂေါ်ဖီအရွက်
Photo : The Spruce
ပန်းဂေါ်ဖီစားတဲ့အခါ အများစုက အရွက်ကို လွှင့်ပစ်ကြတာ များပါတယ်။ တကယ်တော့ ပန်းဂေါ်ဖီအရွက်မှာ သံဓာတ်တွေအများကြီး ပါဝင်နေတာပါ။ ပန်းဂေါ်ဖီအရွက် ၁၀၀ မီလီဂရမ်မှာ သံဓာတ် ၄၀ မီလီဂရမ် ပါဝင်ပါတယ်။ ဒါဟာ ခန္ဓာကိုယ်က တစ်နေ့တာအတွက် လိုအပ်တဲ့သံဓာတ်ပမာဏရဲ့ နှစ်ဆနီးပါး ဖြစ်ပါတယ်။
(၃) ကလီစာ
Photo : Better Humans
ကိုယ်တွင်းကလီစာ အသားတွေမှာ အာဟာရဓာတ် အလွန်ကြွယ်ဝပါတယ်။ ဥပမာအားဖြင့် အသည်း ၊ ကျောက်ကပ် ၊ ဦးနှောက်နဲ့ နှလုံး တို့မှာ သံဓာတ်ပမဏက အမြင့်ဆုံးပါ။ အမဲအသည်း ၃.၅ အောင်စ ( ၁၀၀ ဂရမ်) မှာဆိုရင် သံဓာတ် ၆.၅ မီလီဂရမ်ခန့် ရနိုင်ပါတယ်။ ကလီစာတွေက ပရိုတင်းဓာတ်မြင့်မားပြီး ဗီတာမင်ဘီ ၊ ကော့ပါးနဲ့ ဆီလီနီယမ်ဓာတ်တွေလည်း ကြွယ်ဝစွာပါဝင်ပါတယ်။
(၄) ဖရုံစေ့
Photo : BBC
အဆာပြေ ၊ အပျင်းပြေ ဝါးလို့လည်းရသလို သံဓာတ်လည်းရစေမယ့် အစားအစာကတော့ ဖရုံစေ့ပါ။ ဖရုံစေ့ ၁ အောင်စ (၂၈ ဂရမ်) မှာ သံဓာတ် ၂.၅ မီလီဂရမ် ပါဝင်ပါတယ်။ ဒါ့အပြင် ဖရုံစေ့တွေမှာ ခန္ဓာကိုယ်အတွက် အလွန်အရေးကြီးတဲ့ ဗီတာမင် K ၊ ဇင့်နဲ့ မန်းဂနိစ် တို့လိုဓာတ်တွေလည်း အများကြီး ပါဝင်နေပါတယ်။
(၅) အနက်ရောင် ချောကလက်
Photo : Runner’s World
ချောကလက် ချစ်သူတွေအတွက် သတင်းကောင်းပါပဲ။ အနက်ရောင် ချောကလက် ၁ အောင်စ ( ၂၈ဂရမ်) စားတိုင်းမှာ သံဓာတ် ၃.၄ မီလီဂရမ် ရရှိမှာပါ။ အနက်ရောင် ချောကလက်မှာ အာဟာရဓာတ်များစွာ ပြည့်စုံကြွယ်ဝပြီး Prebiotic Fiber ပါဝင်တဲ့အတွက် အူလမ်းကြောင်း ကျန်းမာရေးကိုလည်း အကျိုးပြုပါတယ်။
Featured Photo : Healthline
