ဂရမ်မီဆုရှင် အင်္ဂလန်အဆိုတော် နဲ့ ရုပ်ရှင်သရုပ်ဆောင်တစ်ဦးဖြစ်တဲ့ ဟယ်ရီစတိုင်းစ် က သူ့ရဲ့ အယ်လ်ဘမ် သစ် Harry’s House ထွက်မယ့်ရက် ကြေညာလိုက်ပြီ ဖြစ်ပါတယ်။
Source : Harry Styles
ကိုလံဘီယာထုတ်လုပ်ရေးကုမ္ပဏီနဲ့ ထွက်လာမယ့် Harry’s House အယ်လ်ဘမ်ကို မေလ ၂၀ ရက်နေ့မှာ စတင် ဖြန့်ချိသွားမယ်လို့ ဆိုပါတယ်။ Harry’s House အယ်လ်ဘမ်မှာ သီချင်းအပုဒ်ရေ ၁၃ ပုဒ် ပါရှိမှာ ဖြစ်ပြီး အရင်အယ်လ်ဘမ်နှစ်ချပ်ဖြစ်တဲ့ Harry Styles (2017) ၊ Fine Line (2019) တို့ထက် သီချင်းအပုဒ်ရေ ပိုများတာ ဖြစ်ပါတယ်။
အယ်လ်ဘမ်မှာ ပါမယ့် သီချင်းတွေရဲ့ နာမည်တော့ လောလောဆယ် မသိရသေးပါဘူး။ 1D လို့ အတိုကောက်ခေါ်ကြတဲ့ One Direction အမျိုးသားပေါ့ဂီတအဖွဲ့ဝင်ဟောင်းတစ်ယောက်ဖြစ်တဲ့ ဟယ်ရီစတိုင်းဟာ အဖွဲ့ဖျက်သိမ်းပြီး တစ်နှစ်အကြာ ၂၀၁၇ မှာ ကိုယ်ပိုင်တစ်ကိုယ်တော်အယ်လ်ယမ်ကို စတင် ဖြန့်ချိခဲ့ပါတယ်။ နောက်နှစ်နှစ်အကြာမှာ ထွက်တဲ့ Fine Line အယ်လ်ဘမ်ထဲက Watermelon Sugar သီချင်းဟာ Hit ဖြစ်ခဲ့ပြီး ဒီသီချင်းနဲ့ပဲ ၂၀၂၁ အကောင်းဆုံးတစ်ကိုယ်တော် Pop Performance အတွက် ဂရမ်မီဆု ရခဲ့ပါတယ်။
Photo : Glamour UK
ဟယ်ရီစတိုင်းစ်ဟာ ၂၀၂၁ ဂရမ်မီဆုစာရင်းအတွက် Adore You သီချင်းနဲ့ Best Music Video ဆု ၊ Best Pop Vocal Album ဆုတို့မှာလည်း ဆန်ကာတင် Nomination ဝင်ခဲ့ပါတယ်။ ဒီနှစ် ဧပြီ ၁၅-၁၇ နဲ့ ဧပြီ ၂၂-၂၄ Weekends တွေမှာ ကျင်းပမယ့် Coachella 2022 ဂီတပွဲတော်မှာလည်း စတိုင်းစ်ဟာ ကင်ညေးဝက်စ် ၊ ဘီလီ အီလ်လစ် တိုနဲ့အတူ ဖျော်ဖြေဖို့ ရှိပါတယ်။
Featured Photo : lifestyleasia
