ကွီးတို့ရဲ့ လက်ရှိ သမီးရည်းစား ဆက်ဆံရေးဟာ ချစ်စကြိုက်စ တုန်းကလို ရင်ခုန်သက်ဝင် ချစ်ကျွမ်းဝင်တဲ့ ခံစားမှုလေးတွေ လျော့ကျလာနေတယ်လို့ ခံစားနေရပြီလား။ ဒါဟာ ကွီးတို့ တစ်ယောက်တည်း မဟုတ်ပါဘူး။ Relationship တစ်ခု အချိန်ကြာလာတာနဲ့အမျှ ကြုံရတက်တဲ့ ပုံမှန် ပြဿနာ တစ်ခုပါပဲ။ ကွီးတို့အနေနဲ့ ချစ်သူကောင်မလေးနဲ့ ဆက်ဆံရေးကို ပျင်းရိ ငြီးငွေ့ ဖွယ် မဖြစ်စေချင်ဘူး ၊ အခုလက်ရှိထက်ပိုပြီး ရင်နှီးမှု တည်ဆောက်ချင်တယ် ၊ ရင်ခုန်ပျော်ရွှင်စရာကောင်းတဲ့ အချစ်ရေး တစ်ခု ပိုင်ဆိုင်ချင်တယ် ဆိုရင်တော့ အခုပြောပြမယ့် အရာလေးတွေ လုပ်ကြည့်လိုက်ပါ။
(၁) ရယ်စရာလေးတွေ ပြောတက်ပါစေ
Photo : Allergy & Asthma Care
ဟာသဉာဏ်မရှိတဲ့ မောင်လူအေးကြီးတွေကို ဘယ်မိန်းကလေးကမှ ဒိတ်လုပ်ချင်မှာ မဟုတ်ပါဘူး။ ချစ်သူနှစ်ဦးသား တွေ့ဆုံချိန်မှာ ရယ်စရာကောင်းတဲ့ ဟာသလေးတွေ ပြောတက်ဖို့ကလည်း အရေးကြီးပါတယ်။ အတူတူ ရယ်မောပျော်ရွှင်ချိန်လေးတွေ ဖန်တီးတာက ချစ်သူနှစ်ဦးရဲ့ ဆက်ဆံရေးကို ပိုပြီးရင်းနှီးမှု ရစေမှာဖြစ်သလို အချစ်တွေလည်း ခိုင်မြဲလာစေဖို့ အထောက်အပံ့ဖြစ်စေပါတယ်။
(၂) အသစ်အဆန်းတစ်ခုခု လုပ်ကြည့်ပါ
Photo : Freepik
အမြဲတမ်း ထပ်တလဲလဲဖြစ်နေတဲ့ ပုံစံခွက်ထဲက ရုန်းထွက်ပြီး စိတ်လှုပ်စရာကောင်းတဲ့ အသစ်အဆန်းလေးတွေ ဖန်တီးဖို့ လိုပါတယ်။ ဒိတ်လုပ်တဲ့အခါ နှစ်ယောက်စလုံး မသွားဖူးသေးတဲ့ နေရာအသစ်တစ်ခုခုကို သွားတာ ၊ အစားအသောက် အသစ်အဆန်းလေးတွေ မြည်းစမ်းကြည့်တာ ၊ စိတ်ဝင်စားတဲ့ သင်တန်းတစ်ခု အတူတူတက်တာ စသည်ဖြင့် လုပ်လို့ ရပါတယ်။ ပုံမှန် လုပ်နေကျအရာတွေထဲက ခွဲထွက်ပြီး စိတ်လှုပ်ရှားဖို့ကောင်းတဲ့ အသစ်အဆန်းတစ်ခုခု လုပ်ကြည့်ပါ။
(၃) ခရီးတိုလေးတစ်ခု သွားပါ
Photo : CuddlyNest
ခရီးသွားရတာ ဝါသနာပါတဲ့ ချစ်သူနှစ်ဦးဆိုရင်တော့ ၃ လ တစ်ကြိမ်လောက်တော့ အနည်းဆုံး ခရီးတိုလေးတစ်ခု ထွက်သင့်ပါတယ်။ ခရီးသွားတယ်ဆိုတာ ချစ်သူနှစ်ဦးကြား ရင်းနှီးမှု ပိုတိုးလာစေမှာဖြစ်သလို တစ်ယောက်အပေါ် တစ်ယောက်လည်း ပိုမိုသိကျွမ်းနားလည်လာစေမှာ ဖြစ်ပါတယ်။
(၄) ရူးရူးမိုက်မိုက် အရာလေးတွေ လုပ်ကြည့်ပါ
Photo : Biba Magazine
ဒီလိုပြောလို့ The Notebook ရုပ်ရှင်ဇာတ်ကားထဲကလိုတော့ ကားလမ်းမပေါ်သွား မအိပ်နဲ့နော်။ ရင်ခုန်ပျော်ရွင်စရာကောင်းပြီး ချစ်သူနှစ်ဦးအတွက် အတွေ့အကြုံ အသစ်အဆန်းလေးတွေ ရစေမယ့် ရူးရူးမိုက်မိုက် အရာလေးတွေ လုပ်ကြည့်ရင်ပဲ ရပါပြီ။ ဥပမာ မိုးရေထဲမှာ ထီးမပါပဲ လမ်းလျောက်တာ ၊ ရင်ခုန်စရာ အနမ်းလေးတွေ ခြွေတာ ၊ စွန်းစားခန်းဖွင့်ရမယ့် အရာလေးတွေ လုပ်ဆောင်တာ စသည်ဖြင့် စိတ်လှုပ်ရှားဖို့ ကောင်းတဲ့ အရာလေးတွေ လုပ်ကြည့်သင့်ပါတယ်။
Featured Photo : GQ España
