လိင်စိတ်ခံစားမှု မြင့်တက်ပြီး အချိန်တိုင်းနီးပါး မှောင်နေတာဟာ ပုံမှန်မှဟုတ်လားရဲ့ မေးခွန်းထုတ်စရာ ရှိပါတယ်။ တကယ်တော့ ခန္ဓာကိုယ်မှာ Libido မြင့်တက်လာတဲ့အခါမှာ လိင်မှုရေးရာ ကိစ္စတွေကို အမြဲတွေးတာ ၊ လိင်စိတ်ဆက်ဆံလိုစိတ် အမြဲဖြစ်တာ စတဲ့ ခံစားချက်တွေကို ဖြစ်စေနိုင်ပါတယ်။ များသောအားဖြင့် လူပျိုဖော် / အပျိုဖော် ဝင်ချိန်ကစတင်ပြီး ဒီလို လိင်မှုဆိုင်ရာ ခံစားချက်တွေကို စွဲစွဲလမ်းလမ်း ဖြစ်ပေါ်စေတက်ပြီး ဒါဟာ သဘာဝအရဖြစ်တဲ့ ပုံမှန်ဖြစ်စဉ်တစ်ခု ဖြစ်ပါတယ်။ လိင်စိတ်မြင့်မားတာဟာ ခန္ဓာကိုယ်ရဲ့ ဇီဝဆိုင်ရာ လုပ်ဆောင်ချက်တွေ ၊ စိတ်ခံစားချက်တွေနဲ့ ဆက်ဆံရေးအခြေအနေတွေ အပေါ်မှာလည်း အများကြီး လွှမ်းမိုးမှုရှိနေပါတယ်။ ဒီတစ်ခေါက်တော့ ကျွန်တော်တို့ တစ်ခါတစ်လေမှာ ဘာကြောင့် အချိန်တိုင်း မှောင်နေတာလဲ ? အမှောင် ဘက်ခြမ်းမှာ အမြဲတမ်း အားကြီးနေရတာ ဘာကြောင့်လဲဆိုတဲ့ အကြောင်းအရင်းတွေ ကို ပြောပြပေးချင်ပါတယ်။
(၁) ဟော်မုန်း အပြောင်းအလဲ
Photo : Piedmont Healthcare
အမှောင် စိတ်တွေရဲ့ လွှမ်းမိုးကြီးစိုး ခြင်းကိုခံနေရတဲ့ နောက်ကွယ်က အကြောင်းအရင်း တစ်ခုကတော့ ဟော်မုန်း ပြောင်းလဲမှုတွေ ကြောင့်ပါပဲ။ အထူးသဖြင့် လူပျိုဖော်/အပျိုဖော်ဝင်ချိန်ကစတင်ပြီး အသက်အရွယ် ကြီးရင့်လာတဲ့အထိ ခန္ဓာကိုယ်မှာ ဟော်မုန်းပမာဏဟာ အဆင့်ဆင့်ပြောင်းလဲလာတက်ပါတယ်။ ဒီလို ဟော်မုန်း အပြောင်းအလဲတွေကပဲ Libido ပေါ်မှာလည်း သက်ရောက်မှုတွေ ရှိလာစေပြီး လိင်စိတ်ခံစားမှုတွေ မြင့်တက်လာစေတာ ဖြစ်ပါတယ်။
(၂) အစားအသောက်
Photo : Salon
အစားအသောက် တွေဟာလည်း လိင်စိတ်ဆန္ဒအပေါ် သက်ရောက်မှု ရှိပါတယ်။ အဓိကအားဖြင့် Aphrodisiac Foods လို့ ခေါ်တဲ့ အစားအစားတွေပါ။ ထောပတ်သီး ၊ သရက်သီး ၊ ဘရိုကိုလီ နဲ့ ဗာဒံစေ့တို့လို Aphrodisiac Foods တွေကို မကြာမကြာ ပုံမှန်စားသုံးတာဟာ ကွီးတို့ရဲ့လိင်စိတ်ဆန္ဒကို မြှင့်တင်ပေးပြီး အချိန်တိုင်း အမှောင် ခြမ်းမှာ အားကြီးနေနိုင်ပါတယ်။
(၃) ရာသီစက်ဝန်း
Photo : Apollo Hospitals Blog – AskApollo
ဒါကတော့ အမျိုးသမီးတွေမှာ ဖြစ်တက်တဲ့ အခြေအနေပါ။ လိင်စိတ်ဆန္ဒ အတက်အကျဟာ ရာသီစက်ဝန်းနဲ့လည်း ဆက်စပ်နေပါတယ်။ ရာသီစက်ဝန်းပေါ်မူတည်ပြီး အီစထရိုဂျင်နဲ့ပရိုဂျက်စတီရုန်း ပထမဏတွေ ပြောင်းလဲလာတာနဲ့အမျှ Libido အနိမ့်အမြင့် အတက်အကျကို ဖြစ်စေပါတယ်။ အမျိုးသမီးတွေမှာ ဒီလိုလိင်စိတ်မြင့်မားပြီး အမှောင် ခြမ်းမှာ အားသာနေရတာဟာ မျိုးဆက်ပွားကျန်းမာရေးနဲ့ ပတ်သတ်ပြီး အပြုသဘောဆောင်တဲ့ လက္ခဏာဖြစ်တာကြောင့် ရှက်ဖို့မလိုပါဘူး။
(၄) အရက်
Photo : The New York Times
အရက် သောက်ခြင်းကလည်း လိင်စိတ်မြင့်မားရခြင်းအပေါ် တစ်စိတ်တစ်ပိုင်း သက်ဆိုင်ပါတယ်။ ၁၉၉၅ ခုနှစ်က ထုတ်ဝေခဲ့တဲ့ Recent Developments in Alcoholism ဂျာနယ်က ဆေးဘက်ဆိုင်ရာ သုံးသပ်ချက်မှာတော့ အရက်ဟာ လိင်စိတ်ဆန္ဒမြင့်တက်မှု ၊ လိင်စိတ်နိုးကြားမှုနဲ့ ပျော်ရွှင်မှုတို့ကို လွှမ်းမိုးနိုင်တယ်လို့ ဆိုထားပါတယ်။
(၅) ဆက်ဆံရေးအသစ်
Photo : OnlineCounselling4U
Relationship အသစ်တစ်ခု စတင်ထားသူတွေ အနေနဲ့လည်း ခံစားချက်တွေဟာ လတ်ဆတ်ပြီး စိတ်လှုပ်ရှားစရာ ကောင်းနေတက်ပါတယ်။ ပါတနာအသစ်နဲ့ လိင်မှုဆိုင်ရာ လှုပ်ရှားမှုတွေအပေါ် စူးစမ်း/စမ်းသပ်ချင်တဲ့ လွှမ်းမိုးမှုတွေ ရှိနေစေတဲ့အတွက် အဲ့လိုအခြေအနေမှာ လိင်စိတ်ပြင်းပြမှုဟာ ပိုမိုအားကြီးနေတက်တာ ဖြစ်ပါတယ်။
(၆) တစ်ကိုယ်ရည် အာသာဖြေခြင်း
Photo : New York Post
ဒါဟာလည်း အမှောင် ဘက်ခြမ်းမှာ အားကြီးနေရခြင်းရဲ့ အကြောင်းအရင်းတစ်ခု ဖြစ်နိုင်ပါတယ်။ လူအများစုကတော့ တစ်ကိုယ်ရည် အာသာဖြေခြင်းဟာ စိတ်ခံစားမှုတွေကို ပြေလျော့စေပြီး လိင်စိတ်ဆန္ဒကို လျော့စေတယ်လို့ ထင်ကြတာပါ။ ဒါပေမယ့် ဒါက လိင်မှုဆိုင်ရာလှုပ်ရှားမှုတွေ အပေါ် စိတ်ဝင်စားမှု တိုးစေတာကြောင့် တစ်ကိုယ်ရည်အာသာဖြေခြင်းဟာလည်း ဟိုစိတ်ဒီစိတ်တွေကို ပိုမို အားကြီးစေတက်ပါတယ်။
Featured Photo : Healthshots
